Արմինֆո. Վրաստանի նախագահի խորհրդական Թենգիզ Փխալաձեն «Գրուզիա օնլայնին» հարցազրույցում հերքել է բոլոր խոսակցությունները, թե Վրաստանը պատրաստվում է դադարեցնել Հայաստան գազի մատակարարումը:
Նրա խոսքով, նման խոսակցությունները ձեռնտու են նրանց, ովքեր ցանկանւոմ են սեպ խրել հայ-վրացական հարաբերություններում: «Վրաստանը հուսալի գործընկեր է, և մենք բազմիցս դա ապացուցել ենք: Վրաստանը չի պատրաստվում դադարեցնել Հայաստանին գազի մատակարարումը, մենք խոսում ենք միայն տարանցման պայմանների մասին: Խոսքը բոլորովին այլ բանի մասին է՝ փոխվել են պայմանագրի պայմանները, բայց ոչ Վրաստանի օգտին»,-հայտարարել է Փխալաձեն՝ հիշեցնելով, որ 2008 թ. ռազմական գործողությունների ժամանակ ոչ մի վայրկյան տարանցիկ պարտավորությունների կատարումը չի դադարեցվել:
Հիշեցնենք, որ Վրաստանի կառավարությունը և ռուսական «Գազպրոմ էքսպորտ» ընկերությունը եկել են համաձայնության, համաձայն որի՝ դեպի Հայաստան ռուսական գազի տարանցման դիմաց Վրաստանը կստանա դրամական փոխհատուցում: Պայմանագրի մանրամասները թե Վրաստանը, թե Ռուսաստանը չեն հրապարակում, ինչը վրացական հասարակայնության շրջանում կասկածներ է հարուցում Վրաստանի համար ոչ շահավետ պայմաներով պայմանագիր կնքելու առնչությամբ:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
