Արմինֆո. Հայաստանի 2016 թ. խոշորագույն հարկատուների ցանկը Շարունակում է գլխավորել «Գազպրոմ Արմենիա» ՓԲԸ-ն (նախկին «ՀայՌուսգազարդ»), որը պետական գանձարանին վճարել է 42.4 մլրդ դրամ, որից 251 մլն դրամի մաքսային տուրքեր, 7.5 մլրդ դրամ - ուղղակի հարկերի (շահութահարկ և եկամտահարկ), ինչպես նաև 34.1 մլրդ դրամի - անուղղակի հարկեր (ավելացված արժեքի հարկ և ակցիզային հարկ):
Ինչպես վկայում են ՀՀ կառավարությանն առընթեր Պետական եկամուտների կոմիտեի հրապարակած տվյալները, հինգ առաջատարները պետական բյուջեին ընդհանուր առմամբ վճարել են 112,6 մլրդ դրամի հարկեր (տարեկան անկումը`9.1%), այդ թվում`38,5 մլրդ.դրամի ուղղակի հարկեր (շահութահարկ և եկամտահարկ), ինչպես նաև 70,9 մլրդ դրամի անուղղակի հարկեր (ավելացված արժեքի հարկ և ակցիզային հարկ):
Նախորդ տարվա 8-րդ տեղից երկրորդ տեղ է բարձրացել հայ-կանադական «Գրանդ Տոբակո» ՀՁ-ն: Երրորդ տեղում է, նախորդ տարվա 6-րդ տեղից, «Հայաստանի էլեկտրական ցանցեր» ընկերությունը: Չորրորդն է «Որոտանի ՀԷԿ»-ը, իսկ առաջատարների հնգյակը եզրափակում է «Ալեքս Գրիգ» ՍՊԸ-ն, որը նախորդ տարի 4-րդ տեղում էր:
Այնուհետև հաջորդում են` «Սի Փի Էս Օյլ Կորպորեյշն»-ը (6 տեղ, նախորդ տարի`10 տեղ), «Թեղուտը» (7 տեղ, նախորդ տարի`21 տեղ), «Ղ-Տելեկոմը» (ՎիվաՍել-ՄՏՍ, 8 տեղ, նախորդ տարի`3 տեղ), «Արմենիա Տելեֆոն Կոմպանի» (ԱրմենՏել, Beeline, 9 տեղ, նախորդ տարի`7 տեղ), «Ֆլեշ» (10 տեղ, անցյալ տարի`9 տեղ):
«Գրանդ Տոբակո» ՀՁ հարկային վճար կազմել են 22,5 մլրդ դրամ, որից 4,9 մլրդ դրամ մաքսային տուրքեր, 6.4 մլրդ դրամ ուղղակի հարկեր (շահութահարկ և եկամտահարկ), ինչպես նաև 15,9 մլրդ դրամի անուղղակի հարկեր (ավելացված արժեքի հարկի և ակցիզային հարկ):
«Էլեկտրական ցանցեր»-ի հարկային վճարները կազմել են 17,2 մլրդ դրամ, որից 8.8 մլրդ դրամի մաքսային տուրքեր, 7.4 մլրդ դրամի ուղղակի հարկեր, 9,3 մլրդ դրամի անուղղակի հարկեր:
«Որոտանի կասկադ ՀԷԿ» ՓԲԸ հարկային վճարները գերազանցել են 15.5 մլրդ դրամը, որից 15,5 մլրդ դրամի ուղղակի հարկեր, 13.3 մլն դրամի անուղղակի հարկեր:
«Ալեքս Գրիգ» ՍՊԸ-ն պետական բյուջեին վճարել է 14.8 մլրդ դրամ, որից
7,8 մլրդ դրամի մաքսատուրքեր, 1,5 մլրդ դրամի ուղղակի հարկեր, 11.4 մլրդ դրամի անուղղակի հարկեր:
Նշենք նաև, որ 2015 թվականին հինգ առաջատարներն էին`«Գազպրոմ Արմենիա» (2012 թվականից ի վեր), «Զանգեզուրի պղնձա-մոլիբդենային կոմբինատը», «Ղ-Տելեկոմը», «Որոտանի ՀԷԿ»-ը և «Ալեքս Գրիգ» ընկերությունը: Ընդհանուր հաշվով բյուջեին է փոխանցվել 124 մլրդ դրամի հարկեր, այդ թվում` 25,1 մլրդ.դրամի ուղղակի հարկեր և 77.7 մլրդ.դրամի անուղղակի հարկեր: (ՀՀ դրամի միջին փոխարժեքը 31.12.2016թ. դրությամբ կազմել է 483,94 դրամ / $ 1):
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ