Ուրբաթ, 3 Փետրվարի 2017 18:41

Արմինֆո. Առանց Հայաստանում գրավիչ գործարար միջավայրի` կրկնակի հարկումը բացառելու մասին համաձայնագիրը առայժմ ուղղակի անհարկի քայլ կլինի: Ինչպես ԱրմԻնֆո-ին հայտնել են Հայաստանում ԱՄՆ դեսպանատան մամուլի ծառայությունից, այդ մասին ասվում է Ամերիկայի Հայ Դատի հանձնախմբի հարցմանը Հայաստանում ԱՄՆ դեսպան Ռիչարդ Միլսի պատասխանում:

 

«Սա է պատճառը, որ դեսպանությունն իր ուշադրությունը բևեռում է այնպիսի հարցերի, ինչպիսիք են՝ իրավունքի գերակայությունը, մաքսային բարեփոխումները և օտարերկրացի ներդրողների համար խաղի հավասար պայմանների ապահովումը: Առայժմ չկան լուրջ փաստարկներ, որ որևէ ամերիկյան ներդրում չի կատարվել կրկնակի հարկումը բացառող համաձայնագրի բացակայության պատճառով: Եթե նման դեպքեր գիտեք, մենք կուզենայինք տեղեկանալ դրանց մասին»,- ասվում է Միլսի պատասխանում:

 

Ըստ որում, նշվում է, որ ԱՄՆ դեսպանատունը և ՀՀ կառավարությունը համատեղ հասել են բաց երկնքի քաղաքականության բարեփոխումների, որն այժմ թույլ է տալիս արևմտյան ավիափոխադրողներին քննության առնել հայկական շուկան: «Սրա շնորհիվ «Զվարթնոց» օդանավակայանով ուղևորահոսքը աճել է 12 տոկոսով և տոմսերի արժեքի ընդհանուր էժանացում է գրանցվել: Այժմ ՀՀ կառավարությունը պետք է աշխատի նոր երթուղիների ձևավորման բիզնես առաջարկների ուղղությամբ: Դեսպանատունը նորովի շեշտադրմամբ աջակցում է զբոսաշրջության զարգացման ծրագրերին, դրանով իսկ ապահովելով տնտեսական հիմնավորումներ, իսկ ամերիկյան մասնավոր ընկերությունները իրենք են ընդունում իրենց բիզնես որոշումները»,- նշել է դեսպանը: выпускает и обслуживает наравне с локальными картами ArCa также Visa и MasterCard.