Ուրբաթ, 3 Փետրվարի 2017 19:57
Ալինա Հովհաննիսյան

Արդշինբանկի Իջևանի մասնաճյուղում ներկայացվել են Պետռեգիստրի և Անշարժ գույքի կադաստրի ծառայությունները

Արդշինբանկի Իջևանի մասնաճյուղում ներկայացվել են Պետռեգիստրի և Անշարժ գույքի կադաստրի ծառայությունները

Արմինֆո. Արդշինբանկի «Իջևան» մասնաճյուղում Արդարադատության նախարար Արփինե Հովհաննիսյանի մասնակցությամբ ներկայացվեցին Պետական մարմինների գործառույթները, որոնց իրականացումը պատվիրակվում է բանկերին 

 

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Արդշինբանկի «Իջևան» մասնաճյուղում ՀՀ իրավաբանական անձանց պետական ռեգիստրի գործակալության և ՀՀ կառավարության կողմից լիազորված անշարժ գույքի պետական միասնական կադաստր վարող պետական կառավարման հանրապետական մարմնի գրասենյակների գործառույթների շրջանակներում իրականացվեց առաջին հաճախորդի սպասարկումը:

 

ՀՀ Արդարադատության նախարար Արփինե Հովհաննիսյանը ընդգծեց պետական ​​մարմինների կողմից մատուցվող ծառայությունների որակի և արդյունավետության բարձրացման խնդրի գերակայությունը ՀՀ կառավարության համար: Պետական մարմինների որոշ գործառույթների պատվիրակումը մասնավոր կառույցներին, մասնավորապես բանկերին, ավելի մատչելի կդարձնի այդ գործընթացը քաղաքացիների համար:

 

Ըստ Արդշինբանկի Ռազմավարական զարգացման տնօրեն Արմեն Գասպարյանի, ՀՀ կառավարության հետ համագործակցությունը այս ոլորտում, ի դեմս Արդարադատության նախարարության, բանկը համարում է պատասխանատու և հեռանկարային: 

 

«Արդշինբանկն ունի ամենամեծ մասնաճյուղային ցանցը հանրապետությունում, և դա հնարավորություն է տալիս նշված ծառայությունները տրամադրել ավելի մեծ թվով հաճախորդների: Նոր ծառայության բոլոր առավելությունները շուտով հասանելի կլինեն մարզերի բնակիչներին, քանի որ պետական մարմիններից տեղեկանք ստանալու համար այլևս ստիպված չեն լինի մեկնել մայրաքաղաք կամ մարզկենտրոն: Ավելի վաղ Արդշինբանկն արդեն ներկայացրել է այս ծառայությունները Երևանի երկու մասնաճյուղերում, իսկ այսօր դրանք արդեն հասանելի են  նաև «Իջևան»  մասնաճյուղում: Տարվա ընթացքում մենք նախատեսում ենք տվյալ ծառայությունները մատուցել բանկի թվով տասը  մասնաճյուղերում», - նշեց Ա. Գասպարյանը: 

 

Արդշինբանկի Մանրածախ բիզնեսի տնօրեն Արտակ Խաչատրյանը խոսեց բանկի գործունեության ավանդական ուղղությունների զարգացման հեռանկարների և բանկին պատվիրակված գործառույթի արդյունավետության մասին: «Նոր ծառայությունը զգալիորեն կօպտիմալացնի վարկավորման գործընթացը, կկրճատի անհրաժեշտ փաստաթղթերի նախապատրաստման համար ծախսվող ժամանակը, և որպես հետևանք, կբարձրացնի բանկային գործընթացների արդյունավետությունը` դարձնելով դրանք ավելի մատչելի և արագ, որը ևս մեկ քայլ է հաճախորդին ընդառաջ», - եզրափակեց Ա. Խաչատրյանը:

 

Հիշեցնենք, որ կառավարության կողմից նախաձեռնված բարեփոխումների շրջանակներում, Արդարադատության նախարարության հետ գործող պայմանագրի հիման վրա Արդշինբանկը դարձավ պետական ​​մարմինների սպասարկման որոշ  գործառույթների օպերատորը:

 

Նշենք, որ ներկայումս Արդշինբանկը, հաշվի առնելով դեկտեմբերին Առէկսիմբանկ-Գազպրոմբանկի խմբի հետ միավորումը, ունի 72 մասնաճյուղ (56 և 16-ը`Առէկսիմբանկից): Միաձուլման արդյունքում Արդշինբանկը մասնաճյուղային ցանցով դարձավ շուկայի առաջատարը, ընդ որում, ոչ միայն մասնաճյուղերի ընդհանուր թվով, այլ նաև մարզային մասնաճյուղերի թվով: Իր հիմնական հաշվեկշռային ցուցանիշներով Արդշինբանկը գտնվում է աեաձատարների եռյակում: Արդշինբանկի մեծամասնությունը բաժնետերն է « Բիզնես ներդրումների կենտրոն» ՍՊԸ-ն - 97,52%: -կ-

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
30.03.2020
RUB6.30-0.10
USD500.802.37
EUR554.346.12
GBP620.1911.31
CAD355.131.63
JPY46.440.64
CNY71.090.32
CHF524.016.81



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000