Արմինֆո. ՀՀ Զբոսաշրջության պետական կոմիտեն մինչև 2020 թվականը մտադիր է կրկնապատկել զբոսաշրջիկների ներհոսքը դեպի Հայաստան: 2016 թվականը Հայստանի զբոսաշրջության ոլորտը եզրափակեց 5,7% աճով: Այս մասին փետրվարի 10-ին կայացած մամլո ասուլիսում հայտարարել է Հայաստանի Տնտեսական զարգացման և ներդրումների նախարարության Զբոսաշրջության պետական կոմիտեի նախագահ Զարմինե Զեյթունցյանը, , նշելով, որ տարվա արդյունքներով հանրապետություն է ժամանել 2.867 մլն օտարերկրացի, որից 1.259 մլն.-ը` զբոսաշրջության նպատակով:
Ըստ նրա, Հայաստանում զբոսաշրջության աճի առումով առավել կարևոր դեր են խաղում` Ռուսաստանը, Իրանը, Միացյալ Արաբական Էմիրությունները, Չինաստանը և այլ երկրներ: Ընդ որում, Զ.Զեյթունցյանն ընդգծել է, որ իրանցի զբոսաշրջիկների թիվը 2016-ին աճեց 30%, իսկ ռուս զբոսաշրջիկների թիվը`2.3%, նախորդ տարվա 6% անկումից հետո:
Համեմատելով զբոսաշրջային ցուցանիշները Հայաստանում և Վրաստանում, Զ.Զեյթունցյանը նկատել է, որ, չնայած պետբյուջեից զբոսաշրջության զարգացմանն ուղղված միջոցներին ($ 400 հազ., Վրաստանում հատկացվող $ 8 մլն-ի համեմատ), Վրաստան այցելած 6.6 մլն.-ից միայն 2.8 մլն. կամ 42.4%-ն է այցելել զբոսաշրջության նպատակով, մինչդեռ Հայստանում այս ցուցանիշը կազմում է 43,9%: Այս առումով, նա ընդգծել է. «արդյունքներն այնքան էլ չեն տարբերվում տոկոսային առումով: Բայց եթե դիտենք այլ տեսանկյունից, գուցե $ 8 մլն-ը շատ մեծ թի՞վ է զբոսաշրջության զարգացման համար: Մասնավորապես, անդրադառնալով զբոսաշրջության զարգացման նպատակով բյուջետային միջոցների կրճատմանը 2017 թվականին, Զ.Զեյթունցյանն այս հարցում նշել է Սփյուռքի կարևոր դերը, որը հետաքրքրված է օժանդակել Պետկոմիտեին միջազգային ասպարեզում Հայաստանի ճանաչելիության բարձրացման հարցում: «Ունենք այն, ինչ ունենք: Մենք պետք է օգտագործենք մեր ստեղծագործական միտքը և ապավինենք մեր գործընկերների, մասնավորապես Սփյուռքի աջակցությանը, որն ինքն է մեզ դիմում, առաջարկելով իր աջակցությունը: Այս հարցում պետք է լինել լավատես», - ասել է նա:
Միևնույն ժամանակ, Կոմիտեի ղեկավարը տեղեկացրել է, որ 2017 թ. հիմնական խնդիրը կլինի Հայաստանի ճանաչելիության բարձրացումը միջազգային հարթակներում, մասնավորապես, զբոսաշրջության ուղղությունների դիվերսիֆիկացիան, զբոսաշրջության զարգացումը Հայաստանի մարզերում և մարդկային ռեսուրսների զարգացումը, ուսումասիրելով նպատակային շուկաները, որոնցից մեկն էլ Չինաստանն է: «Մի քանի տարի առաջ Հայաստան է ժամանել 39 հազար չինացի զբոսաշրջիկ, ընդ որում, որևէ կապի բացակայության պայմաններում: Նպատակը – հետաքրքրությունն էր Հայաստանի մշակույթի հանդեպ: Հետևաբար, մենք պետք է անպայման ուսումնասիրենք այդ շուկան և իրականացնենք արդյունավետ զբոսաշրջային քաղաքականություն», - ավելացրել է նա: Միևնույն ժամանակ, նրա կարծիքով, ուղիղ ավիաչվերթների բացման հետևանքով, թիրախային երկրները կլինեն` Իրանը, Արևմտյան Եվրոպան, Ավստրիան, Լեհաստանը, Բելգիան, ԱՄՆ, Ֆրանսիան և Արգենտինան:
Դեպի Հայաստան զբոսաշրջիկների ներհոսքի ևս մեկ գործոն է Զ.Զեյթունցյանը համարում Իրանի հետ առանց վիզաների ռեժիմի սահմանումը և Ռուսաստանի քաղաքացիների համար ներքին անձնագրերով Հայաստան այցելելու հնարավորոթյունը: Բացի այդ, նա նշել է, որ ներկայումս բանակցություններ են ընթանում Պարսից ծոցի երկրների քաղաքացիների համար առանց վիզաների ռեժիմ սամանելու ուղղությամբ, իսկ չինական զբոսաշրջիկների համար`մաքսակետերում վիզաներ ստանալու հնարավորություն:
Հիշեցնենք, որ ՀՀ զբոսաշրջության պետական կոմիտեն իր գործունեությունն սկսել է 2016 թվականի հոկտեմբերից:
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
Արդյոք բոլոր փողերը պաշտպանված են ռուսական բանկերում
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ
ԱրմԻնֆո-ն թողարկել է իր "Հայկական բանկերը քարտային բիզնեսում" 30-րդ տեղեկագիրը