2016 թվականի արդյունքներով ԵԱԶԲ զուտ շահույթը կազմել է 163.5 մլն.ԱՄՆ դոլար

Արմինֆո. Ֆինանսական հաշվետվությունների միջազգային ստանդարտների (IRFS) համաձայն,, 2016 թվականի արդյունքներով Եվրասիական զարգացման բանկի (ԵԱԶԲ) մաքուր շահույթը կազմել է 163.5 մլն ԱՄՆ դոլար, 2015 թվականի 143.6 մլն ԱՄՆ դոլար զուտ կորուստի համեմատած:

Ինչպես ԱրմԻնֆո-ին տեղեկացվել է ԵԱԶԲ մամուլի ծառայությունից, ԵԱԶԲ զուտ տոկոսային եկամուտը մինչև տոկոսային ակտիվների վնասների պահուստի ձևավորումը կազմել է 109,2 մլն ԱՄՆ դոլար, տարեկան աճը` 16,3 մլն դոլար կամ 17.6%: Այս արդյունքը ձեռք է բերվել հիմնականում տոկոսային եկամուտների նվազման հաշվին`133.1 մլն ԱՄՆ դոլարից մինչև 84,3 մլն ԱՄՆ դոլար, կամ 36.7%, 2015 և 2016 թվականներին սեփական արժեթղթերի հետգնման միջոցով, ինչպես նաև ֆինանսական ակտիվների տոկոսային եկամտուտների հաշվին, որոնք 2015 թվականին վաճառքի էին հանվել 4.9 մլն ԱՄՆ դոլար, իսկ 2016-ին`18,5 մլն.դոլար գումարով:

2016-ին ԵԱԶԲ կատարեց նախագծային պորտֆելի հուսալիության բարձրացման աշխատանքներ, ինչի արդյոնքը դարձավ նախկինում ստեղծված արժեզրկված պահուստների վերականգնումը 54.5 մլն.դոլարով:

Զուտ ոչ տոկոսային եկամուտները 2016 թ. կազմել է 30,2 մլն ԱՄՆ դոլար, ԵԱԶԲ գանձապետական պորտֆելի գործարքների եկամտաբերության բարձրացման արդյունքում: Այս ցուցանիշը 2015-ին բացասական էր, պարտքային գործիքների, ինչպես նաև 64.3 մլն դոլարի այլ ակտիվների արժեզրկման վնասների պահուստների ձևավորման հետևանքով:

Գործառնական ծախսերի օպտիմալացման և բյուջետային կարգապահության բարձրացման հետևանքով այս հոդվածքով ծախսերը 2015-ի համեմատ նվազել են 4.2 մլն  դոլար կամ 12,3%, կազմելով 30.0 մլն ԱՄՆ դոլար:

2016 թվականի դեկտեմբերի 31-ի դրությամբ ԵԱԶԲ ակտիվներն ավելացել են 374.4 մլն ԱՄՆ դոլարով կամ 13.0% -ով, կազմելով` 3.26 մլրդ դոլար:

Հաճախորդներին տրադրված վարկերի ծավալը կազմել է 1.48 մլրդ դոլար, հաշվետու ժամանակահատվածում նվազելով 17.2 մլն ԱՄՆ դոլար կամ 1,1% -ով:

Թողարկված պարտքային արժեթղթերի ծավալը հաշվետու ժամանակահատվածի վերջին կազմել է 1.16 մլրդ ԱՄՆ դոլար, 2015 թվականի համեմատ նվազելով 3.4% -ով, նախկինում թողարկված արժեթղթերի հետգնման հետևանքով:

ԵԱԶԲ կապիտալը 2016 թվականին ավելացել է 167.8 մլն ԱՄՆ դոլարով կամ 11,2% և կազմել 1.67 մլրդ դոլար:

Եվրասիական զարգացման բանկը (ԵԱԶԲ) միջազգային ֆինանսական հաստատությունն է, որը հիմնվել է Ռուսաստանի և Ղազախստանի կողմից, 2006 թվականի հունվարին, անդամ-պետությունների շուկայական տնտեսությունների զարգացմանը, նրանց կայուն տնտեսական աճին և առևտրի ու տնտեսական հարաբերությունների ընդլայնմանն ու զարգացմանը նպաստելու նպատակով: ԵԱԶԲ կանոնադրական կապիտալը կազմում է 7 մլրդ.դոլար: Բանկի մասնակից պետություններն են` Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը: