Հայաստանում 2017 թվականի հունվարին տնտեսական ակտիվույթունը նվազել է 46.9%

Արմինֆո. Տնտեսական ակտիվության աճը Հայաստանում 2017 թվականի հունվարին նվազել է 46.9%, ընդ որում, ամենամեծ անկումն արձանագրել են` շինարարության հատվածը` 90.2%, գյուղատնտեսությունը` 78.2% և առևտրի ոլորտը` 56.3%: Իսկ արդյունաբերական հատվածում անկումը կազմել է 23.9%, ծառայությունների ոլորտում` 20.5%: Իսկ Էներգետիկ հատվածում արձանագրվել է 10.7% աճ: Համեմատության համար նշենք, որ 2016-ի հունվարին տնտեսական ակտիվությունը նվազել էր 49.2%, ընդ որում, ամենամեծ անկումն արձանագրվել էր` շինարարությունում` 90.7%, գյուղատնտեսությունում`77.3%, առևտրի ոլորտում`58.6%, ծառայույթունների ոլորտում` 31.2%, արդյւոնաբերական հատվածում`28.7% և էներգետիկ ոլորտում` 6.9%:

Ըստ ՀՀ Ազգային վիճակագրական ծառայության նախնական տվյալների, 2017 թվականի հունվարին, 2016-ի հունվարի համեմատ, տնտեսական ակտիվություն աճել է 6.5%: Ընդ որում, անկում է արձանագրվել միայն շինարարությունում` 5.3%: Իսկ մնացած ոլորտներում ամենամեծ աճն արձանագրվել է էներգահալիրում`13.6%, արդյունաբերական հատվածքում` 12.2% և ծառայությունների ոլորտում` 12.1%: 2016-ի հունվարին, 2015-ի հունվարի համեմատ, տնտեսական ակտիվությունն աճել էր 5.5%, անկում էր արձանագրվել միայն առևտրի ոլորտում` 2.7%, իսկ աճ էր արձանագրվել արդյունաբերությունում` 15.7%, էներգահամալիրում` 5.2%, շինարարությունում` 5.1% ր գյուղատնտեսությունում` 1.5%:

Արդյունաբերական արտադրանքի գների ինդեքսը 2017 թվականի հունվարին աճել է 0.3%, տարեկան աճը` 5.5%: 2016 թվականի հունվարին այս ցուցանիշն աճել էր 1.8%, տարեկան անկումը` 6.3%:

Ըստ վիճակագրական տվյալների, 2017 թվականի հունվարին բացարձակ մեծությամբ առաջատարն է առևտրի ոլորտը` 128.8 մլրդ.դրամ ($ 264.9 մլն): Երկրորդ տեղում է արդյունաբերական հատվածը`108.1 մլրդ դրամ ($ 222.5 մլն), երրորդը` ծառայությունների ոլորտը`96,2 մլրդ դրամ ($ 198 մլն), չորրորդն է գյուղատնտեսության ոլորտը`16,2 մլրդ դրամ ($ 33 մլն), իսկ հինգերորդը `շինարարության ոլորտը`7.6 մլրդ դրամ ($ 15.5 մլն): Էլեկտրաէներգիայի արտադրության ծավալը 2017 թվականի հունվարին կազմել է 775.6 մլն կՎտժ:

Միևնույն ժամանակ, Հայաստանի արտաքին առևտրի շրջանառությունը 2017 թվականի հունվարին կազմել է 174.2 մլրդ.դրամ ($ 358.7 մլն), տարեկան աճը` 45.5%: Դրա կառուցվածքում արտահանման ծավալն աճել է 35.4%, մինչև 59 մլրդ.դրամ ($121.5 մլն.), իսկ ներմուծումն աճել է 51.4%, մինչև 115.2 մլրդ.դրամ ($ 237.2 մլն.): Միայն 2017 թվականի հունվարին Հայաստանի արտաքին առևտրի շրջանառությունը նվազել էր 25.3%, այդ թվում, ներմուծումը նվազել էր 27%, իսկ արտահանման անկումը կազմել էր 21.8%: 2016 թվականի հունվարին Հայաստանի արտաքին առևտրի շրջանառությունը տարեկան կտրվածքով նվազել էր 13.8%, այդ թվում, ներմուծումը կրճատվցել էր 22.2%, իսկ արտահանման աճը կազմել էր  5.6%, իսկ միայն 2016-ի հունվարին արտահանումը կրճատվել էր 37.1%, իսկ ներմուծումը` 54.4%, արտաքին առջտրի շրջանառությունը կրճատելով` 49.2%:

ՀՀ դրամի միջին հաշվարկային փոխարժեքը 2017 թվականի հունվարին կազմել է 486.1 դրամ / $ 1, 2016-ի հունվարի`486.04 դրամ / $ 1 – ի համեմատ:

Նշենք, որ Համաշխարհային բանկը Հայաստանի ՀՆԱ-ի 2017 թվականի աճը կանխատեսում է 2,7%, ԱՄՀ-ն կանխատեսում է`3.4%: Ըստ ՎԶԵԲ կանխատեսման, Հայաստանի ՀՆԱ աճը 2017-ին կկազմի 2,9%: Fitch- ը Հայաստանի ՀՆԱ-ի 2017 թվականի աճը կանխատեսում է 2.1%: ՀՀ պետական բյուջեով 2017-ի ՀՆԱ աճը կկազմի 3.2%: