ՀՀ նախկին վարչապետը քննադատել է երկրի իշխանությունների ներդրումային հայեցակարգը

Արմինֆո. ՀՀ նախկին վարչապետ և «Ազատություն» կուսակցության նախագահ Հրանտ Բագրատյանը, ելույթ ունենալով այսօր «Հայելի» մամուլի ակումբում, կտրուկ քննադատել է երկրի իշխանությունների ներդրումային հայեցակարգը, անվանելով այն անհիմն:

Ըստ Բագրատյանի, երկրի քաղաքական իշխանությունները և տնտեսական ղեկավարությունն իրենց ներդրումային քաղաքականությունում հույսեր են կապում հայկական սփյուռքի հարուստ ներկայացուցիչների հետ, մինչդեռ Հայաստանի բնակչությունը ոչ մի կերպ չի մասնակցում այդ գործընթացին: Այդ համատեքստում նա հիշեցրել է մի տարրական ճշմարտություն, որ «ներդրումները խնայողությունների արդյունք են»: Ըստ Բագրատյանի, հատկապես դրա չհասկանալուց է, որ երկրում ընդունվում է մի հարկային օրենսգիրք, որը խոշոր ձեռնարկությունների համար նվազեցնում է հարկային բեռը, իսկ փոքր և միջին բիզնեսի համար`բարձրացնում: «Նոր վարչապետ Կարեն Կարապետյանը դեռ սեպտեմբերին կարող էր սառեցնել այդ օրենսգրքի ընդունման ընթացակարգը, բայց նա չարեց դա»,-նկատել է նմախկին վարչապետը:

Որպես ներքին ներդրումների զարգացման էական ռեսուրս, Բագրատյանը տեսնում է շուկայում հավելյալ իրացվելիության մանրէազերծումը, ինչը ձևավորվել է մեծ ծավալով մասնավոր տրանսֆերտների ներհոսքի արդյունքում (2 մլրդ.դոլար, երբ ՀՆԱ կազմում է 10 մլրդ.դոլար - Բագրատյան), ինչը բաձրացնում է գների ընդհանուր մակարդակը երկրում: Նա նշել է, որ ՀՀ ԿՆ դիմադրում է այդ քաղաքականոթյանը, ինչով էլ էապես նվազում է երկրի ներդրումային գրավչության մակարդակը: Բագրատյանը սխալ է համարում ՀՀ Կենտրոնական բանկին ներդրումային հիմնադրամների գործունեության կարգավորիչի լիազորությունների տրամադրումը, ինչի կապակցությամբ երկրում ադպես էլ ոչ մի նման կառույց չի հայտնվում: Նրա համզոմամբ, հատկապես ներդրումային հիմնադրամի միջոցով է, որ բնակչության լայն շրջանակները կարող են մասնակցել իրենց խնայողություններն ներդրումների վերածելու գործընթացին: Չհասկանալով սա, իշխանությունը երկրի տնտեսական զարգացումը փաստորեն տվել է օլիգարխների ձեռքը: Ընդ որում, Բագրատյանը նաև նշել է, որ մանրէազերծման կամ «ստերիլիզացիայի», ինչպես նաև խոշոր և անկախ ներդրումային հիմնադրամի ստեղծման գաղափարի իրականացման համար 15-ամյա պայքարից հետո նոր վարչապետն այն ներգրավեց իր ծրագրում, բայց նախկին վարչապետը կասկածում է, որ ֆինանսական մեգառեգուլյատորը թույլ կտա այն իրականացնել:

Սխալ ներդրումային քաղաքականության արդյունքում, գտնում է նա, վերջին 20 տարիներին Հայաստանում ստեղծվել է 400 հազար աշխատատեղ, միաժամանակ աշխատանքից զրկելով 800 հազար հոգու: «Օլիգարխները մեկը մյուսի ետևից բացում են առևտրի «մոլեր», իսկ պետությունը լուռ հետևում է, թե ինչպես են փակվում հազարավոր խանութներ»,-նշել է Բագրատյանը:

Նշենք, որ դեպի Հայաստանի տնտեսություն  օտարերկրյա ուղղակի ներդրումների ներհոսքը 2016 թվականին նվազել է 90 մլն.դոլարով, վերջին 5 տարիների ընթացքում ամեն տարի կրճատվելով 40-50%: Մինչդեռ, երկրի էկոնոմիկայի նախարարությունը վերջերս ներկայացրեց մի ծրագիր, որի համաձայն, 2017 թվականին երկրում սպասվում է 495 մլն. դոլար ընթհանուր գումարի ներդրումային ծրագրերի իրականացում, ինչը թույլ կտա ստեղծել 6 հազար նոր աշխատատեղ: Միևնույն ժամանակ, կառավարությունը դիմել է  հայկական սփյուռքի հարուստ ներկայացուցիչներին, որպեսզի նրանք մեծացնեն իրենց ներդրումների ծավալները Հայաստանի տնտեսությունում: