Չորեքշաբթի, 22 Փետրվարի 2017 13:19
Նաիրա Բադալյան

Երևան. Հարաբերությունների նոր իրավական հիմքի շուրջ Հայաստան-ԵՄ բանակցությունները մոտենում են ավարտին

Երևան. Հարաբերությունների նոր իրավական հիմքի շուրջ Հայաստան-ԵՄ բանակցությունները մոտենում են ավարտին

Արմինֆո. Ամենամոտ ժամանակներս Հայաստանը կարող է հայտարարել ԵՄ հետ նոր համալիր իրավական փաստաթղթի շուրջ բանակցությունների ավարտի մասին: Այդ մասին հայտարարել է Հայաստանի արտգործնախարար Էդվարդ Նալբանդյանը` Deutsche Welle-ի հետ հարցազրույցում:

 

«Բանակցությունները բավականին հաջող են ընթանում, և մենք մոտեցել ենք ավարտական փուլին: Կարծում եմ, որ մոտ ժամանակներս մենք կկարողանանք հայտարարել բանակցությունների ավարտի մասին: Բնականաբար, դրանից հետո կլինի ևս մի քանի փուլ` համաձայնեցում, հաշվի առնելով, որ ԵՄ 28 երկիր է, այնուհետև` նախաստորագրում, ստորագրում: Չեմ կարծում, թե դա երկար, սակայն, այնուամենայնիվ, որոշակի տևողությամբ գործընթաց է», - հայտարարել է նախարարը: Ինչպես կարծում է Նալբանդյանը, այդ համաձայնագիրը կարտացոլի Հայաստանի և ԵՄ միջև առկա հարաբերությունների բարձր մակարդակն ու լայն ծավալը և այն հեռանկարներն ու հնարավորությունները, որոնք կողմերն ակնկալում են ամենատարբեր բնագավառներում և ուղղություններով: «Մենք չափազանց շահագրգռված ենք դրանով և նույնպիսի շահագրգռվածություն ենք զգում ԵՄ կողմից», - նշել է նա:

 

Խոսելով այն մասին, թե արդյոք Երևանը Ռուսաստանի իշխանությունների հետ խորհրդատվություններ է վարում այդ համաձայնագրի առնչությամբ, դիվանագետն ընդգծել է, որ հայ դիվանագիտությունը ԵՄ և մյուս գործընկերների  հետ բանակցություններում ղեկավարվում է թափանցիկության սկզբունքներով: «Մեր նախագահը և ես, որպես արտգործնախարար, բազմիցս հարցազրույցներ ենք տվել, մամուլի ասուլիսների ժամանակ հրապարակավ խոսել ենք Եվրամիության հետ նախապատրաստվող համաձայնագրի մասին: Այնպես որ, չկա այնպիսի բան, որի մասին մենք բացահայտ չեն խոսել», - հայտարարել է նա, հավելելով, որ ՌԴ հետ դաշնակցային հարաբերություններում հայկական կողմը չի ձեռնարկել որևէ բան, որը կարող էր հակասել երկկողմ հարաբերությունների զարգացմանը: «Ուստի, հազիվ թե կարող էին կամ կարող են լինել ինչ-որ առարկություններ», - հայտարարել է Նալբանդյանը:

 

Մեկնաբանելով այն իրավիճակը, որ անցյալում Ասոցացման համաձայնագիրը Հայաստանին չհաջողվեց ստորագրել, և դա համընկավ Հայաստանի նախագահի Ռուսաստան կատարած այցի հետ, Նալբանդյանն ասել է. «Դա այնքան էլ այդպես չէ: Մենք բանակցություններ ենք վարել, և, գործնականում, ավարտական փուլում ենք գտնվել Եվրամիության հետ ասոցացված համագործակցության շուրջ։ Միաժամանակ մենք միշտ հայտարարել ենք, որ Հայաստանը կցանկանար լինել Մաքսային միությունում, որը հետագայում փոխակերպվեց ԵԱՏՄ: Սակայն եղան ոչ թե առարկություններ, այլ մեզ բացատրեցին,  որ դա բարդ է իրականացնել, քանի որ մենք ընդհանուր սահմաններ չունենք։ Հետագայում ստեղծվեց փորձագետների համապատասխան աշխատանքային խումբ, որն ուսումնասիրեց իրավիճակը, և հանգեցին հետևության, որ Հայաստանի մասնակցությունը Մաքսային և ստեղծվող Եվրասիական միությանը հնարավոր է», - պարզաբանել է արտգործնախարարը: Նրա ասելով, ինքը չի լսել եվրասոցացման դեմ Մոսկվայի առարկությունների մասին: Պատասխանելով այն հարցին, թե արդյոք Հայաստանի արտգործնախարարը մտադիր է համաձայնեցնել ԵՄ հետ ստորագրման ենթակա փաստաթղթերը, Նալբանդյանը նշել է. «Դուք շատ տարօրինակ աստառով եք հարցադրում կատարում, իբր, մենք պետք է ինչ-որ մեկից ինչ-որ թույլտվություն ստանանք: Դա, իմ կարծիքով, այնքան էլ կոռեկտ հարց չէ: Ես Ձեզ բացատրեցի, որ թե Ռուսաստանի, թե մյուս գործընկերների հետ մեր հարաբերություններում մենք հանդես ենք գալիս սերտ, հնարավորինս հաստատուն հարաբերությունների օգտին: Ինչ վերաբերում է Եվրամիությանը, ապա դեռ Վիլնյուսի գագաթնաժողովի ժամանակ մենք տիկին Էշթոնի հետ համապատասխան նամակներ էինք փոխանակել, հետո արվեց ԵՄ հետ համատեղ հայտարարություն, և երբ մենք Մոգերինիի հետ մեկնարկ տվեցինք ԵՄ և Հայաստանի միջև նոր համաձայնագրի շուրջ բանակցություններին, հստակ հայտարարեցինք, որ կողմերը մտադիր են զարգացնել հարաբերությունները, գնալ հնարավորինս հեռու մեր համագործակցությունում` հաշվի առնելով Հայաստանի պարտավորությունները մյուս միջազգային ինտեգրացիոն գործընթացներում: Այնպես որ` այստեղ ամեն ինչ հստակ է»:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
06.04.2020
RUB6.580.02
USD501.55-1.42
EUR542.38-1.48
GBP616.76-1.49
CAD355.530.88
JPY45.93-0.45
CNY70.54-0.20
CHF513.30-2.51



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000