Արմինֆո. Հայաստանի Խաղողագործության և Գինեգործության Հիմնադրամը Զարգացող երկրներից ներմուծման խթանման կենտրոնի (CBI) աջակցությամբ 2017 թվականի փետրվարի 25-ին Գերմանիայի Դաշնային Հանրապետության Նոյշտադ քաղաքում կազմակերպում է հայկական գինեգործական ընկերությունների մասնակցությամբ «Mundus Vini 20th Grand International Wine Awards» մրցանակաբաշխություն և գալա ընթրիք, որի ընթացքում կմատուցվեն հայկական գինիներ:
Ինչպես ԱրմԻնֆո գործակալությանը տեղեկացվել է Հայաստանի խաղողագործության և գինեգործության հիմնադրամից, Mundus Vini մրցանակաբաշխությունը անցկացվում է 2001 թվականից և համարվում է աշխարհի ամենահեղինակավոր մրցույթներից մեկը։ Այս տարվա մրցույթում ներկայացված 52 տեսակի գինիները գնահատվելու են աշխարհի տարբեր երկրների 100 հեղինակավոր մասնագետներից կազմված ժյուրիի կողմից: Գնահատումը լինելու է 100-միավորանոց սանդղակով։ Այս մաթեմատիկական մեթոդի հիմքում ընկած է գույնի, հոտի, համի և ներդաշնության չափանիշների համադրումը։ Գինիները համտեսվում և գնահատվում են ժյուրիի 5-7 անդամների կողմից։ Հաղթողները կարող են հավակնել Մեծ Ոսկի, Ոսկի և Արծաթ մրցանակներին։ Նախորդ տարիներին ևս հայկական որոշ գինիներ արժանացել են Mundus Vini-ի տարբեր մրցանակների։ Մրցանակի արժանացած գինեգործական ընկերությունն այդ գինու արտադրության դեպքում շշի վրա որպես կանոն փակցնում է շահումը հավաստող համապատասխան նշանը։
Հայկական գինիների մասնակցությունը Mundus Vini–ի մրցանակաբաշխությանը կբարձրացնի նրանց ճանաչելիությունը, իսկ մրցանակակիր գինիների համար կդյուրինացնի շուկա մուտք գործելը: Այս տարվա մրցույթին մասնակցության հայտ են ներկայացրել Հայաստանի Հանրապետությունում գինի արտադրող 19 ընկերություններ, որոնց շարքում են՝ Արմենիա Վայն», «Տիեռաս Դե Արմենիա», «Էդվագ Գրուպ», «Գետնատուն» և այլ ընկերություններ:
«Mundus Vini 20th Grand International Wine Awards» մրցանակաբաշխությունն անց է կացվում 2001 թվականից, Գերմանիայի Նոյշտադտ քաղաքում: Մրցույթը կազմակերպվում է Meininger բազայի վրա, որը հանդիսանում է հնագույն (4 սերունդ) և խոշարագույն հրատարակչական Տներից մեկը: Մրցույթի առաջին տարում արդեն ներգրավվեց ավելի քան 2 հազար օրինակ: Խաղողի այգիների և գինիների միջազգային կազմակերպության (OIV) և Էնոլոգների միջազգային միության (UIOE) միջև գործընկերությունը, ինչպես նաև Wine Business International լրագրի հսկայական բազան օրինաչափորեն կարողացան լուրջ մրցակցություն ցուցաբերել անգլիական նախագծերին:
2012 թվականին ժյուրին գնահատեց 6028 գինիներ, ղեկավարվելով միջազգային գինեգործական ասոցիացիենրի (OIV) և (UIOE) ստանդարտներով: Գինին գնահատվում է 100-բալանոց սանդղակով, որպես բոլոր չափանիշների գումար: Համտեսումը կատարվում է կուրորեն: Ըստ OIV կանոնների, ապրանքի մոտ 1/3-ը կարող է պարգևատրվել մրցանակներով: Յուրաքանչյուր հանձնաժողով կազմված է 5-7 հոգուց: Միջազգային ժյուրին կազմված է էնոլոգներից, գինեգործներից, գինիների բրոքերներից, սոմելյեներից, լրագրողներից: Մրցույթին բազմաթիվ անգամներ մասնակցել են նաև «Drinks+» -ի ներկայացուցիչները: Մասնակցության արժեքն է 140 եվրո ցուցադրվող մեկ օրինակի համար: