Արմինֆո. Վրաստանի տարածքով Հայաստանին մատակարարվող ռուսական գազի տարանցման գինը ներկայումս ավելի ցածր է, քան մինչ այժմ: Այս մասին ՀՀ ԱԺ ամբիոնից հայտարարել է ՀՀ վարչապետ Կարեն Կարապետյանը, պատասխանելով ՀԱԿ խմբակցության պատգամավոր Արամ Մանուկյանի հարցին:
Ըստ վարչապետի, առաջին մեկ խոր.մ գազի դիմաց Վրաստանը կվերցնի ծավալի 10%-ը, յուրաքանչյուր հաջորդ խոր.մ դիմաց կստանա ԱՄՆ դոլարով, ելնելով 100 կմ տարանցման հաշվարկից`պայմանագարային գնով: «Բայց ցանկացած պարագայում, այդ գինն ավելի ցածր է, քան մինչև 2016 թվականը գործող գինը»,-նշել է վարչապետը: Նա հիշեցրել է, որ անցյալ տարվա նոյեմբերին ինքը նշեց 4 գործոնների մասին, որոնք բերեցին 1 խմ գազի գնի 7 դրամով իջեցմանը Հայաստանի սպառողների համար: Այդ գործոնների թվում էր նաև դեպի Հայաստան ռուսական գազի տարանցման պայմանների փոփոխությունը: Եվս մեկ գործոն էլ հանդիսանում է 2017 թվականին վարկերի մարման գծով տոկոսների իջեցումը, ինչպես նաև սեփական ծախսերի կրճատումը և շուկայի արձագանքը գների իջեցմանը: «Մայր ընկերությունը պատրաստ է սուբսիդավորել «Գազպրոմ Արմենիա» ՓԲԸ վնասները: Պայմանականորեն խոսքը գնում է 14 մլրդ.դրամի մասին: Հակառակ պարագայում, առկա է շուկայի նեղացման վտանգը»,-նշել է վարչապետը:
Իր հերթին, Արամ Մանուկյանը հիշեցրել է, որ 2015 թվականին Հայաստանը Ռուսաստանից ստացել է 2 մլրդ.խ.մ. գազ, 2016-ին `1.8 մլրդ.խ.մ., ինչը վկայում է սպառման ծավալների 6.8% անկման մասին: Նույն իրավիճակն է տիրում էլեկտրամատակարարման ոլորտում, որտեղ 2016-ին ծավալների անկումը նախորդ տարվա համեմատ կազմել է 6.2%: Սպառողների տարեկան թիվը Հայաստանում նվազում է 3-5%, ինչը խոսում է ընթացող միգրացիայի մասին:
Վրաստանի և «Գազպրոմի» միջև Հայաստանին մատակարարվող ռուսական գազի տարանցման կոնսենսոսը կայացել է:
Վրաստանի էներգետիկայի նախարար Կախա Կալաձեն ավելի վաղ հայտարարել էր, թե վրացական կողմի դիրքորոշումը «միանգամայն հստակ է», քանի որ նույնիսկ ֆինանսական վարձահատուցման անցնելու դեպքում երկիրը պետք է ստանա նույն օգուտը, ինչ որ այն պայմաններում, երբ բնական գազ ստանում է հումքի տեսքով: Ավելին,
Վրաստանը հնարավորություն ստացավ անհրաժեշտության դեպքում, սեզոնային պահանջարկը բավարարելու համար, ստանալ բնական գազի լրացուցիչ ծավալներ, ընդ որում`զեղչված գնով, նախկին $ 215-ի փոխարեն`$ 185, 1 հազար մեկ խորանարդ մետրի դիմաց: Նրա խոսքով, պայմանագիրը երկու տարով է, առաջին տարին (2017 թ.), մասնակիորեն մնում է հումքով վճարման տարբերակը, բայց հետո այն կշարունակվի դրամական հաշվարկներով: «Դա եղել է օպտիմալ լուծում, հաշվի առնելով ներկայիս իրավիճակը», - ասել է Կալաձեն:
Վրաստանը տարեկան սպառում մոտ 2,5 մլրդ բնական գազ, որի հիմնական մատակարարն Ադրբեջանն է: Ռուսական գազ երկիրը չի գնում 2007 թվականից: Միևնույն ժամանակ, Ռուսաստանից Վրաստանն ստացել է Հայաստանին մատակարարվող ռուսական գազի տարանցման ծավալների 10% - ը: