NasdaqOMX Արմենիա բորսայի հարթակում իրականացված գործարքների ծավալը 2016 թվականին աճել է երեք անգամ, կազմելով 97,239 մլրդ դրամ

Արմինֆո. NasdaqOMX Արմենիա բորսայի հարթակում իրականացված գործարքների ծավալը 2016 թվականին աճել է երեք անգամ, կազմելով 97,239 մլրդ դրամ:

Ըստ ՀՀ Կենտրոնական բանկի տվյալների, որոնք ԱրմԻնֆո-ին են տրամադրվել ՀՀ Ազգային վիճակագրական ծառայությունից, կորպորատիվ պարտատոմսերով գործարքների ծավալը հաշվետու ժամանակաշրջանում ընկել է 19,3%, 2015-ի 32% աճի համեմատ: Ընդհանուր առմամբ, իրականացված գործարքների ընդհանուր ծավալը կազմել է 11,482 մլրդ ՀՀ դրամ, 2015-ի`14,231 մլրդ դրամի փոխարեն: Ընդ որում 2016-ին զգալիորեն ավելացել են ընկերությունների բաժնետոմսերով գործարքները` 4,7 անգամ, մինչև 31,839 մլրդ դրամ, իսկ պետական ​​պարտատոմսերով գործարքները`4.5 անգամ, մինչև 53,798 մլրդ դրամ: Իսկ 2015-ին այս հարթակներում, հակառակը, դիտվեց անկում, համապատասխանաբար` 4.3 անգամ և 2.8 անգամ: Ռեպո- պայմանագրերով, գործարքները ֆոնդային բորսայում իրականացվել են միայն 2016 թ. առաջին եռամսյակում, որոնք կազմել են 119,3 մլն դրամ, 2015-ի զրոյական ծավալից հետո: Բորսայում ցուցակված ընկերությունների թիվը 2016 թվականին 16-ից ավելացել է մինչև 18:

Արժեթղթերի շուկայում ներդրումային ծառայություններ մատուցող ընկերությունների թիվը 2016-ին նվազել է`29-ից մինչև 27 (ներառյալ 19 բանկերը, 2015-ի 21-ի փոխարեն): Նրանք տարվա ընթացքում իրականացրել են 4,517 տրլն դրամի գործարքներ, տարեկան աճը`2,2 անգամ, 2015-ի անկումը` 3,6 անգամ: Մասնավորապես, արժեթղթերի առք ու վաճառքի գործարքների ծավալը կազմել է 699,034 մլրդ դրամ, տարեկան աճը`8,7%, 2015-ի անկումը` 2.1 անգամ, իսկ ռեպո-ները (բացառությամբ առաջնային շուկայի և ԿՎ հետ երկարաձգված գործարքների) կազմել են 3.818 տրիլիոն դրամ, տարեկան աճը`2.7 անգամ, 2015-ի անկումը` 4.3 անգամ: Արժեթղթերի հաշվետու թողարկողների թիվն ավելացել է 2016 թվականին` 16-ից մինչև 18:

Նշենք, որ ՆԱՍԴԱՔ ՕԷՄԷՔՍ Արմենիա բորսայում 2017 թվականի մարտի 1-ի դրությամբ շրջանառվում են 9 թողարկողների կորպորատիվ պարտատոմսերի 25 թողարկումները, որից 16-ը` 6 թողարկող-բանկերի կողմից, ընդ որում, 14-ը`դոլարային թողարկումներ են, այդ թվում` Արարատբանկ – 6 թողարկում ( 5 - դոլարային), Ամերիաբանկ – 3 թողարկում (2 դոլարային) Արմսվիսբանկ – 3 թողարկում (բոլորը դոլարային), Հայբիզնեսբանկ – 2 թողարկում (1 - դոլարային), Անելիք բանկ և Յունիբանկ – 1-ական թողարկում` դոլարային: Abond հիմնական ցուցակում շրջանառվում են Ամերիաբանկի 3 թողարկումները և Անելիք Բանկի և Յունիբանկի մեկական թողարկումները, իսկ երկրորդային Bbond ցուցակում շրջանառվում են`Արարատբանկի 6 թողարկումները,  Արմսվիսբանկի 3 թողարկումները և Հայբիզնեսբանկի մեկ թողարկումը, իսկ Cbond ազատ շուկայում` Հայբիզնեսբանկի մեկ թողարկումը:

Հիշեցնենք, որ 2017 թվականի հունվարի 1-ի դրությամբ Հայաստանում գործում են 17 բանկեր: 2015 թվականի դեկտեմբերին շուկան լքեցին ՊրոԿրեդիտ Բանկը և ԲՏԱ Բանկը, համապատասխանաբար միանալով Ինեկոբանկին և Հայէկոնոմբանկին, իսկ 2016-ի դեկտեմբերին Արդշինբանկին և Արարատբանկին համապատասխանաբար միացան` Առէկսիմբանկ-Գազպրոմբանկի խումբը և Զարգացման հայկական բանկը: