Հայկական գինիներն աննախադեպ հաջողության են հասել Mundus Vini International Wine միջազգային մրցույթում

Արմինֆո. Հայկական գինիներն աննախադեպ հաջողության են հասել Mundus Vini International Wine միջազգային մրցույթում, որը տեղի է ունենում Գերմանիայի Նոյշտադտ քաղաքում: Այս մասին ԱրմԻնֆո գործակալությանը տեղեկացվել է Հայաստանի խաղողագործների և գինեգործների միոթյունից:

Մրցույթի արդյունքում հայկական գինիներն արժանացել են 23 մեդալի, այդ թվում`10 ոսկե, և 13 արծաթե: Նվաճած մեդալների քանակով Հայաստանն առաջ է անցել Վրաստանից, Մոլդովայից, Մակեդոնիայից, Ռումինիայից և Չինաստանից: Այսպիսով, մեդալների թվով Հայաստանի նույն հորիզոնականում է գտնվում Նոր Զելանդիայի և Հունգարիայի հետ (14-րդ հորիզոնական):

Mundus Vini մրցանակաբաշխությունը անցկացվում է 2001 թվականից և  համարվում է աշխարհի ամենահեղինակավոր մրցույթներից մեկը։ Այս տարվա մրցույթում ներկայացված 58 տեսակի գինիները գնահատվելու են աշխարհի տարբեր երկրների 100 հեղինակավոր մասնագետներից կազմված ժյուրիի կողմից: Գնահատումը տեղի է ունեցել 100-միավորանոց սանդղակով, որի հիմքում ընկած է գինու գույնի, հոտի, համի և ներդաշնության չափանիշների համադրումը։ Այս տարվա մրցույթին մասնակցությում էին Հայաստանի Հանրապետությունում գինի արտադրող 19 ընկերություններ, որոնց շարքում են՝ Արմենիա Վայն», «Տիեռաս Դե Արմենիա», «Էդվագ Գրուպ», «Գետնատուն» և այլ ընկերություններ: Հայ գինեգործների մասնակցությունը հնարավոր դարձավ Հայաստանի խաղողագործների և գինեգործների միության և զարգացած երկրներից ներմուծմանն աջակցող Հիմնադրամի շնորհիվ:

«Mundus Vini 20th Grand International Wine Awards»  մրցանակաբաշխությունն անց է կացվում 2001 թվականից, Գերմանիայի Նոյշտադտ քաղաքում: Մրցույթը կազմակերպվում է Meininger բազայի վրա, որը հանդիսանում է հնագույն (4 սերունդ) և խոշարագույն հրատարակչական Տներից մեկը: Մրցույթի առաջին տարում արդեն ներգրավվեց ավելի քան 2 հազար օրինակ: Խաղողի այգիների և գինիների միջազգային կազմակերպության (OIV) և Էնոլոգների միջազգային միության (UIOE) միջև գործընկերությունը, ինչպես նաև Wine Business International լրագրի հսկայական բազան օրինաչափորեն կարողացան լուրջ մրցակցություն ցուցաբերել անգլիական նախագծերին: Գինիները համտեսվում և գնահատվում են ժյուրիի 5-7 անդամների կողմից։ Հաղթողները կարող են հավակնել Մեծ Ոսկի, Ոսկի և Արծաթ մրցանակներին։ Նախորդ տարիներին ևս հայկական որոշ գինիներ արժանացել են Mundus Vini-ի տարբեր մրցանակների։ Մրցանակի արժանացած գինեգործական ընկերությունն այդ գինու արտադրության դեպքում շշի վրա որպես կանոն փակցնում է շահումը հավաստող համապատասխան նշանը։ 2012 թվականին ժյուրին գնահատեց 6028 գինիներ, ղեկավարվելով միջազգային գինեգործական ասոցիացիենրի (OIV) և (UIOE) ստանդարտներով: Գինին գնահատվում է 100-բալանոց սանդղակով, որպես բոլոր չափանիշների գումար: Համտեսումը կատարվում է կուրորեն: Ըստ OIV կանոնների, ապրանքի մոտ 1/3-ը կարող է պարգևատրվել մրցանակներով: Յուրաքանչյուր հանձնաժողով կազմված է 5-7 հոգուց: Միջազգային ժյուրին կազմված է էնոլոգներից, գինեգործներից, գինիների բրոքերներից, սոմելյեներից, լրագրողներից: Մրցույթին բազմաթիվ անգամներ մասնակցել են նաև «Drinks+» -ի ներկայացուցիչները: Մասնակցության արժեքն է 140 եվրո ցուցադրվող մեկ օրինակի համար:-