Արմինֆո. «Կին գործարար» ծրագրի իրականացման նպատակով Վերակառուցման և զարգացման եվրոպական բանկը համագործակցության հուշագիր է ստորագրել Ամերիաբանկի, Արարատբանկի և ԱԿԲԱ Կրեդիտ Ագրիկոլ բանկի հետ, որի շրջանակներում երկրում կանանց ձեռներության զարգացման նպատակով հայկական բանկերը կստանան 16 մլն. եվրո ֆինանսավորում, ազգային արժույթով վարկեր տրամադրելու համար:
Նախագծի համակարգող Զառա Օրդյանի խոսքով, ծրագրի ընդհանուր արժեքը գնահատվել է 55 մլն.եվրո: Ծրագիրն իրականացվում է Արևելյան գործընկերության անդամ երկրների համար և աջակցվում Շվեդիայի թագավորության, ԵՄ և ՎԶԵԲ կողմից: Միևնույն ժամանակ, 4.5 մլն.եվրո նախատեսվում է վարկային ռիսկերը ծածկելուն: «Հայաստանում այդ բանկերն արդեն ստացել են վարկային գծերը, որոնց շրջանակներում վարկերը ՓՄՁ կանանց կտրամադրվեն արտոնյալ պայմաններով»,-նշել է նա: Վարկը կազմված է երկու բաղադրիչից` ֆինանսավորում և խորհրդատվական ծառայություններ ՎԶԵԲ փորձագիտական թիմի կողմից:
Համաձայնագրի ստորագրումից հետո Արարատբանկի փոխտնօրեն Դավիթ Հարությունյանն ընդգծել է ծրագրի կարևորությունը: «Միայն 2016 թվականին Արարատբանկը ՓՄՁ կանանց տրամադրել է 95 վարկ, 2.1 մլրդ.դրամ ընդհանուր գումարով, որի 40%-ը կազմում է կանանց բիզնեսի զարգացումը Հայաստանի շրջաններում»,-ասել է նա:
Իր կողմից, Ամերիաբանկի Մանրածախ գործարքների գծով տնօրեն Արման Բարսեղյանը նշել է, որ ՎԶԵԲ հետ համագործակցության շրջանակներում Բանկը ներգրավել է 150 մլն. դոլարի ֆինանսավորում, որի 1/3-ը` Հայաստանի ՓՄՁ ոլորտին: Մասնավորապես, համատեղ ծրագրի շրջանակներում Ամերիաբանկը կին գործարարների համար ՎԶԵԲ-ից ներգրավել է 10 մլրդ.դրամ, և ծրագիրն այսօր ակտիվորեն իրականացվում է: Միևնույն ժամանակ, Բարսեղյանը հաղորդել է, որ նշված ծրագրից բացի Ամերիաբանկը նույն նպատակով ներդգրավել է ևս 13 մլրդ.դրամ, որի 6 մլրդ.դրամն ուղղվել է ՓՄՁ ոլորտի զարգացմանը:
ԱԿԲԱ-Կրեդիտ Ագրիկոլ Բանկի գործադիր տնօրենի կորպորատիվ բիզնեսի գծով տեղակալ Նորիկ Նազարյանն ասել է, որ նախկինում Բանկը նմանատիպ ծրագրեր է իրականացրել նաև Ասիական զարգացման բանկի (ԱԶԲ) հետ: Նշելով, որ գործարար կանայք գործարարները ավելի պատասխանատու վարկառուներ են և ավելի գրագետ են հաշվարկում իրենց ռիսկերը, Նազարյանը նշել է, որ ընդհանուր վարկային պորտֆելում կանանց ժամկետանց վարկերի մասնաբաժինը կազմել է ընդամենը 1.64%: «Սա լավ ցուցանիշ է: Կարծում եմ, որ ծրագիրը կունենա հաջողություն», - ընդգծել է նա:
Նշենք, որ «Կին գործարար» ծրագիրն իրականացվում է Արևելյան գործընկերության 16 երկրներում, ինանսավորման տրամադրման, տեխնիկական աջակցության և բիզնես խորհրդատվության միջոցով կանանց ձեռներեցությունը խրախուսելու նպատակով: Ծրագրի իրականացման նպատակով Եվրոպական բանկը տրամադրել է 55 մլն եվրո, Եվրոպական Միությունը - 4.5 միլիոն եվրո, Շվեդիայի Թագավորությունը - 5.2 միլիոն եվրո, իսկ Անցումային փուլի երկրների հիմանադրամը - 0.9 մլն եվրո: