Քննարկվել են նաև 2017-2020 թթ Եվրոպական Միության կողմից Հայաստանի Հանրապետությանը տրամադրվող աջակցությանն առնչվող հարցեր

Արմինֆո.Մարտի 6-ից 7-ը Երևանում կայացել են ԵՄ բյուջետային աջակցության մի քանի համաձայնագրերի շրջանակներում վերստուգող հանձնաժողովների նիստեր:

Մասնավորապես` ՀՀ տնտեսական զարգացման և ներդրումների նախարարությունում տեղի է ունեցել «Աջակցություն ՀՀ կառավարությանը՝ ուղղված Եվրոպական հարևանության քաղաքականության Գործողությունների ծրագրի իրականացմանը - փուլ IIե և «Որակավորումների բարելավում ավելի լավ աշխատատեղերի համարե ԵՄ բյուջետային աջակցության համաձայնագրերի հանձնաժողովների նիստերը, որոնք հայկական կողմից համանախագահում էր ՀՀ տնտեսական զարգացման և ներդրումների նախարարի առաջին տեղակալ Գարեգին Մելքոնյանը, իսկ եվրոպական կողմից` Եվրոպական հանձնաժողովի Հարևանության և ընդլայնման բանակցությունների հարցերով Գլխավոր տնօրինության ներկայացուցիչ Վասիլիս Մարագոսը: Կայացել են նաև «Աջակցություն գյուղատնտեսությանը և գյուղի զարգացմանըե և «Հայաստանում պետական ֆինանսների քաղաքականության բարեփոխումների ծրագիրե ԵՄ բյուջետային աջակցության ծրագրերի վերստուգող հանձնաժողովների նիստեր: 

Վերստուգող հանձնաժողովների նիստերի ընթացքում քննարկվել են վերոնշյալ համաձայնագրերի իրականացման ընթացքը և համաձայնագրերի շրջանակներում իրականացվող ոլորտային բարեփոխումները: Քննարկվել են նաև 2017-2020 թթ Եվրոպական Միության կողմից Հայաստանի Հանրապետությանը տրամադրվող աջակցությանն առնչվող հարցեր։

Եվրամիությունը համար մեկ դոնորն է Հայաստանի համար: ՀՀ-ում տարբեր ծրագրերի ֆինանսական աջակցության ավելի քան 50%-ը բաժին է ընկնում ԵՄ-ին: Տարեկան կտրվածքով այդ թիվը կազմում է շուրջ 50 մլն եվրո, և Հայաստանի անկախացումից ի վեր ԵՄ-ն ավելի քան 500 մլն եվրո է ուղղել այդ նպատակով, հոկտեմբերի 24-ին մամուլի ասուլիսի ժամանակ այդ տվյալներն է ներկայացրել է Հայաստանում ԵՄ պատվիրակության ղեկավար Պյոտր Սվիտալսկին: Դեսպանի խոսքով, ֆինանսական աջակցության հիմնական մասը տրամադրվում է բյուջետային աջակցման տեսքով, ինչը Հայաստանի բարձր վարկանիշի հիանալի ցուցանիշ է՝ երկրի ֆինանսների կառավարման, հաշվետվողականության առումով: Ինչպես նշել է Սվիտալսկին, հնարավոր է, հանրության շրջանում կարծիք կա, թե ԵՄ-ն տրամադրվող միջոցների արդյունավետության առնչությամբ ՙհետադարձ կապ՚ չունի: Մինչդեռ, նրա խոսքով, ԵՄ-ն ծախսվող դրամաշնորհային միջոցների գնահատման կոշտ մեթոդաբանություն ունի: