Արմինֆո. Սևծովյան առևտրի և զարգացման բանկի գլխավոր քարտուղար Սերաֆիմ Ցոկասի գլխավորած պատվիրակության այցի շրջանակում կազմակերպված շնորհանդեսին տեղի է ունեցել պատվիրակության հանդիպումը Կենտրոնական բանկի և ֆինանսական շուկայի մասնակիցների հետ:
Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, ողջունելով միջոցառման մասնակիցներին, ԿԲ նախագահի տեղակալ Վախթանգ Աբրահամյանը նշել է, որ Սևծովյան առևտրի և զարգացման բանկի հետ Հայաստանի գործակցությունն սկսվել է շուրջ 20 տարի առաջ: Այս տարիների ընթացքում բանկը մշտապես աջակցել է Հայաստանի տնտեսության համար կարևոր ճյուղերի՝ խոշոր և փոքր ու միջին ձեռնարկություններին՝ իրականացնելով միջնորդավորված և ուղղակի ֆինանսավորում:
ԿԲ նախագահի տեղակալը շեշտել է, որ փոքր ու միջին ձեռնարկությունների համար խիստ կարևոր է արտարժութային ռիսկերից զերծ մատչելի վարկավորման հնարավորությունների ընձեռումը, և Սևծովյան առևտրի և զարգացման բանկը որդեգրել է նման ռազմավարություն և սկսել այդ ուղղությամբ աշխատանքներ նաև Հայաստանում:
Վախթանգ Աբրահամյանը նշել է նաև, որ միջազգային ֆինանսական կազմակերպությունների ռազմավարությունը, ինչպես նաև առաջարկվող ֆինանսական գործիքները դինամիկ փոփոխման կարիք ունեն ամբողջ աշխարհում՝ պայմանավորված գործընկեր երկրներում առկա պահանջարկով, և այսօր առավել արդյունավետ են ճկուն և փոփոխություններին արագ արձագանքող կազմակերպությունները՝ ի դեմս Սևծովյան առևտրի և զարգացման բանկի, որը ներկայանում է մեր իրականությանը և առկա պահանջարկին լիովին համապատասխանող գործիքակազմով և լուծումներով:
Նշենք, որ Սևծովյան առևտրի և զարգացման բանկը (ՍԱԶԲ) միջազգային ֆինանսական կազմակերպություն է, որը հիմնադրվել է Սևծովյան տարածաշրջանի տասնմեկ երկրների կողմից: ՍԱԶԲ-ը խթանում է տնտեսական զարգացումը և տարածաշրջանային համագործակցությունը` իր անդամ երկրների պետական և մասնավոր հատվածի նախագծերի իրականացման համար տրամադրելով վարկեր, վարկային գծեր, երաշխիքներ, ինչպես նաև իրականացնելով ներդրումներ կապիտալում և առևտրի ֆինանսավորում:
Սուրեն Պարսյանը "լավատեսական" է համարել Հայաստանի ՀՆԱ-ի աճի վերաբերյալ ՀԲ-ի եւ ԱՄՀ-ի վերանայված կանխատեսումը՝ դեպի նվազում
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ