Հինգշաբթի, 9 Մարտի 2017 15:51

Արմինֆո. ՎՏԲ-Հայաստան Բանկն ամփոփել է 2016 թվականի դրամական փոխանցումների արդյունքները, 2015 թվականի համեմատ արձանագրելով 6% աճ, չնայած նշված ժամանակահատվածում դեպի Հայաստան դրամական փոխանցումների շուկայի ընդհանուր անկմանը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Բանկի մասնաբաժինը ՀՀ դրամական փոխանցումների շուկայում 2016 թվականին աճել է մինչև 13%։

 

Աղբյուրի համաձայն, շուկայում ՎՏԲ-Հայաստան Բանկի առաջընթացը հնարավոր դարձավ Բանկի պրոդուկտային շարքի զարգացման, դրամական փոխանցումների փոխանցման գործընթացի օպտիմալացման, ինչպես նաև Բանկի ակտիվ մարքեթինգային քաղաքականության շնորհիվ, մասնավորապես, ցուցանիշների աճին նպաստեց Յունիստրիմ համակարգի հետ ՎՏԲ Խմբի միասնական սակագնի գործարկումը, որի արդյունքում հաճախորդները հնարավորություն ունեն հասցեական դրամական փոխանցումներ ուղարկել Վրաստանում, Ուկրաինայում, Ղազախստանում և Հայաստանում գործող ՎՏԲ Խմբի Բանկերին, ընդ որում, իջեցված սակագներով, սկսած 0.9% - ից, շուկայական ստանդարտ`1.5% սակագնի փոխարեն: Ցուցանիշների աճին նպաստեց նաև ԲԵՍՏ դրամական փոխանցումների համակարգով ծավալների աճը, դրամական փոխանցումների համակարգերի հետ համատեղ խթանող ակցիաների անցկացումը, որի արդյունքում Բանկի հաճախորդները ստացել են տարբեր մրցանակներ, ինչպես նաև VTB-Transfer ծառայության ակտիվ առաջխաղացումը, որն ապահովում է դրամական փոխանցումների գումարների հաշվեգրումը հաճախորդների գործող քարտերին՝ Հեռախոսային կենտրոն զանգի միջոցով`առանց Բանկի մասնաճյուղեր այցելելու անհրաժեշտության:

 

Բացի այդ, 2016 թվականին ՎՏԲ-Հայաստան Բանկն ընդլայնել է դրամական փոխանցումների համակարգերի հետ համագործակցության շրջանակը` միանալով դրամական փոխանցումների «TelCell» նոր տեղական համակարգին, համակարգի համար հանդես գալով որպես հաշվարկային բանկ:

 

Նշենք, որ ՎՏԲ-Հայաստան Բանկում գործում են MoneyGram, Avers, Unistream, Fast Mail , InterExpress, Intel Еxpress, Anelik, Ria Money Transfer, Sigue Money Transfer դրական փոխանցումների համակարգերը, ինչը բանկին բարձր մրցունակույթուն է ապահովում երկրի բնակչությանը տրամադրվող բանկային ծառայությունների շուկայում: Յունիստրիմ համակարգի հետ ՎՏԲ-Հայաստան Բանկն սկսել է համագործակցել 2011 թվականից, դառնալով դեպի Հայաստան դրամական փոխանցումների գծով առաջատարը:

 

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ, իր ներկայությունն ապահովելով ոչ միայն մայրաքաղաքում, այլև մարզերում:-