Արմինֆո.2017թ.-ի մարտի 10-ին «ՅՈՒՆԻԲԱՆԿ» ԲԲԸ-ի լրացուցիչ տեղաբաշխված սովորական անվանական բաժնետոմսերը ցուցակվել և ընդգրկվել են ՆԱՍԴԱՔ ՕԷՄԷՔՍ Արմենիայի բաժնետոմսերի հիմնական (A) ցուցակում, ինչպես նաև ցուցակման պահից թույլատրվել են նշված բաժնետոմսերով հասցեական առևտուրը և ռեպո գործարքների կնքումը:
Ինչպես ԱրմԻնֆո-ին հաղորդեցին բանկի մամուլի ծառայությունի, ցուցակված լրացուցիչ արժեթղթերը ներառում են 100 ՀՀ դրամ անվանական արժեքով 13,962,749 հատ սովորական բաժնետոմս (ISIN - AMUNIBS10ER5), որոնք բորսայում շրջանառվելու են UNIB բորսայական հապավմամբ: Բանկի ցուցակված արժեթղթերի ընդհանուր քանակը կազմում է 172,886,525 բաժնետոմս: ՆԱՍԴԱՔ ՕԷՄԷՔՍ Արմենիայում ցուցակված և առևտրին թույալտրված արժեթղթերի մասին լրացուցիչ տեղեկությունները հասանելի են ընկերության կայքի (www.nasdaqomx.am) «Ֆինանսական գործիքներ» բաժնում:
Նշենք, որ ՆԱՍԴԱՔ ՕԷՄԷՔՍ Արմենիա բորսայում 2017 թվականի մարտի 10-ի դրությամբ, ընդհանուր առմամբ, գնանշվում են 10 թողարկողների բաժնետոմսերի 10 թողարկումները, որից 3-ը` երեք թողարկող-բանկերի` Հայէկոնոմբանկի, Արարատբանկի, Յունիբանկի կողմից: Մնացած 7 թողարկումները «Արցախ ՀԷԿ» ԲԲԸ, «Արփա-Սեւան» ԲԲԸ, «Ալմաստ» ԲԲԸ, «Երեւանի ոսկերչական գործարան» ԲԲԸ, «Երեւանի ոսկերչական գործարան - 1 Գնոմոն» ԲԲԸ, «Երեւանի շամպայն գինիների գործարան» ԲԲԸ, «Մաքուր երկաթի գործարան» բաժնետոմսերն են: Abond հիմնական ցուցակում ցուցակված են, հիմնականում, Յունիբանկի բաժնետոմսերը, երկրորդային Bbond ցուցակում` «Արցախ ՀԷԿ» ԲԲԸ, «Արփա-Սեւան» ԲԲԸ, Հայէկոնոմբանկի բաժնետոմսերը, և Cbond ազատ շուկայում` «Ալմաստ» ԲԲԸ, ԱՐԱՐԱՏԲԱՆԿ ԲԲԸ, «Երեւանի ոսկերչական գործարան» ԲԲԸ, «Երեւանի ոսկերչական գործարան - 1 Գնոմոն» ԲԲԸ, «Երեւանի շամպայն գինիների գործարան» ԲԲԸ, «Մաքուր երկաթի գործարան» ԲԲԸ բաժնետոմսերը:
«ՅՈՒՆԻԲԱՆԿ» ԲԲԸ-ն հիմնադրվել է 2001թ.-ի հոկտեմբերին: Բանկի ռազմավարական նպատակների շարքում է փոքր և միջին բիզնեսին աջակցության տրամադրումը: Ներկայումս բանկն ունի 45 մասնաճյուղ Հայաստանում և ԼՂՀ-ում, ինչպես նաև ներկայացուցչություն Մոսկվայում: ՅՈՒՆԻԲԱՆԿԸ ֆոնդային բորսայի անդամ է 2008-ից, իսկ 2015թ.-ի հուլիսից նաև արժեթղթերի հաշվարկային համակարգի անդամ է: Լրացուցիչ տեղեկությունների համար կարող եք այցելել www.unibank.am :
«ՆԱՍԴԱՔ ՕԷՄԷՔՍ Արմենիա» ԲԲԸ-ն Հայաստանում գործող միակ ֆոնդային բորսան է: 26.01.2009թ.-ից «Հայաստանի ֆոնդային բորսա» ԲԲԸ-ն պաշտոնապես վերանվանվել է «ՆԱՍԴԱՔ ՕԷՄԷՔՍ Արմենիա» ԲԲԸ-ի, իսկ 05.06.2009թ.-ից ՆԱՍԴԱՔ ՕԷՄԷՔՍ Արմենիան «Հայաստանի Կենտրոնական Դեպոզիտարիա» ԲԲԸ-ի միակ բաժնետերն է:
ՆԱՍԴԱՔ ՕԷՄԷՔՍ Արմենիան և Հայաստանի Կենտրոնական Դեպոզիտարիան ՀՀ արժեթղթերի շուկայի կարևոր ենթակառուցվածքային ինստիտուտներից են: Բորսան շուկայի մասնակիցներին է առաջարկում լիովին ավտոմատացված էլեկտրոնային առևտրային հարթակ: Լրացուցիչ տեղեկությունների համար կարող եք այցելել www.nasdaqomx.am:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին