Արմինֆո. 2016 թ., Հայաստանում ադամանդի արտահանումն ավելացել է 77.9%, 2015-ի անկումը` 40,3%, 2014-ի անկումը`21%: Դրական տրենդ է արձանագրվել է նաև ներմուծման գծով, որտեղ քանակապես ծավալներն աճել են 72.6% (2015-ի անկումը` 30%, 2014-ի անկումը`15%):
Ըստ ՀՀ մաքսային ծառայության տվյալների, 2016 թ. Հայաստանից արտահանվել է 169.9 հազար կարատ ադամանդ, որի մաքսային արժեքն աճել է 55.3%, մինչև $ 104.7 մլն.: Հայաստանից հումքը հիմնականում արտահանվում է`Ռուսաստան (44,3%), ԱՄԷ (17%), Բելգիա (13,1%), Շվեյցարիա (10,7%), ԱՄՆ (5.6%), Կանադա (4%):
Մինչդեռ, հաշվետու ժամանակաշրջանում հանրապետություն է ներմուծվել 417.7 հազար կարատ չմշակված ադամանդ, $ 130 մլն. արժողությամբ (տարեկան աճը`49.1%): Դեպի Հայաստան ալմաստի հումքը հիմնականում ներմուծվում է` ԱՄԷ-ից (44,8%), Բելգիայից (16,2%), Ռուսաստանից (12.9%), Հնդկաստանից (9.5%), Շվեյցարիայից (4,9%), Կանադայից (3.8%), Հարավային Աֆրիկայից (3.6%):
Համեմատության համար նմշենք, որ 2015 թվականին Հայաստանից արտահանվել է
95.5 հազար կարատ ադամանդ, $ 67.4 մլն դոլար ընդհանուր արժեքով, և ներմուծվել է 242 հազար կարատ, $ 87.2 մլն արժեքով:
Ինչպես սպասում են վերլուծաբանները, 2017 թ ընթացքում այդ ապրանքը չի որցնի իր արժեքը: Ընդհակառակը, նրանք կանխատեսում են, որ ադամանդների գինն ամբողջ տարվա ընթացքում կաճի 20%: Շատ փորձագետներ հակված են մտածել, որ գրեթե ողջ տարվա ընթացքում, թանկարժեք քարերի շուկան կլինի կայուն: Բայց տարեվերջին իրավիճակը կարող է փոխվել, քանի որ վերջին ժամանակներս զգացվում է քարերի զգալի պակաս: Նման իրավիճակին հանգեցրել է այն հանգամանքը, որ առկա ռեսուրսները բավականին մաշված են: Այլ կերպ ասած, հանքահումքային ռեսուրսները մաշված են: Ողջ աշխարհում ներկայումս արդյունահանվում է մեծ թվով փոքր ադամանդներ: Հենց այս իրավիճակը կհանգեցնի այն բանին, որ այդ քարերի պահանջարկը զգալիորեն կավելանա: Բայց ադամանդ կլինի շատ քիչ, որպեսզի բավարվի շուկայի պահանջարկը:
Վերջին մի քանի տարիների ընթացքում թանկարժեք քարերի շուկայում նկատվում են բավականին կտրուկ տատանումներ: Այս ընթացքում քարերի արժեքը հասել է ոչ միայն շատ բարձր արժեքի, այլև նաև հակառակը: Այսօր, այդ քարերի արդյունահանման և վաճառքի առաջատարն է ԱՄՆ: Վերլուծաբաններն ընթացիկ տարում որևէ տատանումներ չեն ակնկալում: Այս տարի շուկան կլինի բավական կայուն: Բայց տարեվերջին սպասվում է, որ առաջարկի և պահանջարկի տարբերությունն կլինի 5%, ինչն աստիճանաբար կմեծանա: Ադամանդի մեծ պահանջարկը կդիտվի Ամերիկայում, իսկ Չինաստանում 2017 թվականին այն կաճի մի քանի անգամ: Հնդկաստանում ակնկալվում է տնտեսության աշխուժացում, ինչի արդյունքում միջին խավը կսկսի գնել թանկարժեք քարեր: Այս առումով շուկայում կհայտնվի նոր զարդերի մեծ քանակություն: