2017 թվականին Polymetal ընկերությունը մտադիր է հրապարակել Կապանի և Լիճքվազի հանքավայների պահուստների գնահատականները, JORC-ին համապատասխան

Արմինֆո. 2017 թվականին Polymetal International plc ընկերությունը մտադիր է հրապարակել Կապանի և Լիճքվազի հանքավայների պահուստների գնահատականները, JORC-ի ստանդարտներին համապատասխան: Այս մասին է ասված ընկերության երկրաբանահետախուզական նորացված տվյալների զեկույցում, որը հրապարակվել է մարտի 14-ին:

«2016 թվականին մենք զգալիորեն ուժեղացրել ենք գործող ձեռնարկությունների ռեսուրսային բազան և հաջողությամբ ձևավորել ենք աճի երկարաժամկետ ռազմավարությունը»,-հայտարարել է Polymetal Խմբի գործադիր տնօրեն Վիտալի Նեսիսը: Նրա խոսքով, 2017 թվականին ընկերությունը մտադիր է ռեսուրսների աճը փոխակերպել պահուստների: Դրա համար նախատեսվում է պահուստների առաջնային գնահատում իրականացնել Նեժդանինի և Կապանի հանքավայրերում, ինչպես նաև ռեսուրսները պահուստների փոխակերպել Կապանում, Լիճքվազում, Օմոլոնում և Կոմարովսկում:

Ընդհանուր առմամբ, Ինչպես ԱրմԻնֆո գործակալությանը տեղեկացվել է ընկերության մամուլի ծառայությունից, 2016 թվականին Polymetal-ի հանքային պահուստները կրճատվել են 5%, մինչև 19.8 մլն.ունցիա ոսկուն համարժեք (GE), հիմնականում, Վարվարինի հանքավայրի պահուստների նվազման և վերագնահատման հետևանքով, ինչը մասնաիորեն փոխհատուցվել է Կոմարովսկի, Դոլինի հանքավայրերի ձեռքբերումով, ինչպես նաև պահուստներ աճով Սվետլոյե հանքավայրում: Սակայն, հանքային պաշարներն ավելացել են 29%, մինչև 16.5 մլն.ունցիա GE` Կապանի ր Կոմարովսկի հանքավայրերի ձեռքբերման և Լեվոբերեշնի ու Լիճքվազի հանքային պաշարների առաջնային գնահատման շնորհիվ:

Ինչպես ավելի վաղ հաղորդվել էր ԱրմԻնֆո գործակալությունը, Polymetal Int-ը (միավորում է «Պոլիմետալ» ԲԲ ակտիվները) ավարտել է Լիճքվազ նախագծի հանքային պաշարների աուդիտը – ըստ JORC-ի, որոնք կազմում են 600 հազար ուցիա (18.7 տոննա) ոսկուն համարժեք: Լիճքվազի հանքավայրը պարունակում է 4.3 մլն. տոննա հանքանյութ, 4.2 գրամ/տոննա միջին պարունակությամբ: Հանքավայրի պաշարները հաստատվել են CSA Global անկախ աուդիտորական ընկերության կողմից: 2016 թվականին Պոլիմետալը նախատեսում է Լիճքվազում կատարել զգալի ծավալով լրացուցիչ հորատումներ, որպեսզի 2017-ի երրորդ եռամսյակում գնահատի հանքաքվայրի պաշարներն`ըստ JORC-ի և պատրաստի Կապանի և Լիճքվազի նախագծերի շահագործման համակցված պլանը: Պոլիմետալը նախատեսում է հանքանյութն արդյունահանել և վերամշակման նպատակով  տեղափոխել Կապանի հարստացուցիչ ֆաբրիկա: Ձեռքբերման գործարքը փակվել է 2016 թվականի ապրիլի 28-ին: 

Սյունիքի մարզի Մեղրի քաղաքի մոտ գտնվող Լիճքվազ հանքավայրը Երևանից 380 կմ դեպի հարավ է։ Այդ տարածաշրջանն ունի զարգացած ենթակառուցվածք (հոսանք, ջուր, կացարան) և որակյալ աշխատուժի հասանելիություն։ Հանքավայրի պատմական գնահատականի համաձայն` առաջարկվող ռեսուրսները կազմում են 2,4 մլն տոննա հանքաքար 6.9 գ/տ պարունակությամբ, ինչը համապատասխանում է մոտ ոսկու 0.6 մլն ունցիայի, որը համարժեք է 18.7 տոննային: «Մենք շատ գոհ ենք հետախուզական աշխատանքների արդյունքներից, դա կարեւոր ներդրում է արտադրության ընդլայնմանը, որը տեղակայված է Կապանի մոտակայքում, - հայտարարել է ընկերության գլխավոր գործադիր տնօրեն Վիտալի Նեսիսը: - Լիճքվազ ցույց է տալիս կայուն բարձր պարունակություն և համեմատաբար պարզ երկրաբանություն, միևնույն ժամանակ պահպանելով հետագա հետախուզական աշխատանք զգալի ներուժը»: Ջերսի կղզում գրանցված Polymetal International plc ընկերությունը հանքերի արդյունահանում և հետախուզոիմ է իրականացնում Ռուսատանի 4 մարզերում` Մագադանում, Սվերդլովսկում, Խաբարովսկում և Չուկոտկայում, ինչպես նաև Ղազախստանում: Ալեքսանդր Նեսիսի «ԻՍՏ» խումբը հանդիսանում է ընկերության վերջնական շահառուն, 19.8% բաժնետիրական կապիտալով: Ընկերության կապիտալի 18.5%-ը պատկանում է չեխական PPF Group NV ընկերությանը, մոտ 10.1%-ը` Ալեքսանդր Մամուտին: Բացի այդ, կապիտալի մոտ 1% վերահսկում է ընկերության մենեջմենտը, իսկ մնացած 50%-ը գտնվում է ազատ շրջանառությնա մեջ: