ՀՀ վարչապետը մտադիր է կարգի բերել բանկերի և վարկային կազմակերպությունների կողմից գրավի օտարման ընթացակարգը

Արմինֆո. ՀՀ վարչապետը երկրի արդարադատության նախարարությանը հանձնարարել է իրավական գնահատական տալ և մեկամսյա ժամկետում ներկայացնել բանկերի և վարկային կազմակերպությունների կողմից գրավի օտարման կարգի վերաբերյալ առաջարկները:

Ինչպես կառավարության նիստում հայտարարել է Կարեն Կարապետյանը, երկրի վարկային շուկայում առաջացել է մի իրավիճակ, երբ բանկերը և վարկային կազմակերպությունները, վարկառուների կողմից վարկերի չվերադարձի դեպքում, գրավային ապահովման առարկայի օտարման երկարատև ժամկետում հաճախ ոչ վարկունակ հաճախորդների վրա հաշվարկում են տույժեր և տուգանքներ: Արդյունքում, եթե անգամ գրավի առարկայի արժեքը սկզբում վարկի և տույժերի գումարից շատ ավելի բարձր էր, բայց հետագայում պարտքի ընդհանուր գումարը գնալով աճում է, հասնելով գրավի առարկայի արժեքին: Վարչապետն այդ պրակտիկան համարում է անընդունելի, հետևաբար, արդարադատության նախարարությանը հանձնարարել է փոփոխություններ կատարել պրոբլեմի իրավական ասպեկտում:

Ըստ ԱրմԻնֆո գործակալության` «Հայաստանի Բանկերի Ֆինանսական Վարկանիշները» հերթական տեղեկագրի, բանկերի ընդհանուր վարկային պորտֆելի աճի տեմպեր 2016 թվականին արագացրել են մինչև 23,6%, 2015-ի 3% -ի համեմատ: Միևնույն ժամանակ, ստանդարտ փոխառոյթունների  դինամիկան բարելավվել է 8,3%, մինչև 16,5 %, իսկ NPL-ի ընդհանուր ծավալի աճը դանդաղել է`50% -ից մինչև 13%: Բայց նույնիսկ վարկային պորտֆելի դինամիկայի նման բարելավման պայմաններում ավելի զգալի աճ է պահպանվում բարձր ռիսկային խմբերում (կասկածելի-35% և անհույս - 42%), որոնց ընդհանուր ծավալը 3 անգամ գերազանում է ցածր ռիսկային խմբերի վերահսկվող և ոչ ստանդարտ վարկերի չափերը`187 մլրդ, 62 մլրդ դրամի փոխարեն: Անհույս վարկերի ավելի քան 73% - ը կուտռակվել է սպառողական, գյուղատնտեսության ոլորտի, առևտրի և արդյունաբերության վարկերում, ընդ որում, սպառողական անհույս վարկերի մեկ երրորդը խրվել է հիփոթեքում: