Ուրբաթ, 17 Մարտի 2017 17:11

Արմինֆո. Վիետնամի մայրաքաղաք Հանոյում տեղի է ունեցել հայ-վիետնամական վիետնամական տնտեսական, գիտական և տեխնիկական համագործակցության միջկառավարականհանձնաժողովի առաջին նիստը, հաղորդում է ՀՀ տնտեսական զարգացման և ներդրումների նախարարության մամուլի ծառայությունը:

Միջկառավարական հանձնաժողովի համանախագահներն են` Հայաստանի կողմից - ՀՀ տնտեսական զարգացման և ներդրումների փոխնախարար Հովհաննես Ազիզյանը, իսկ վիետնամական կողմից – երկրի արդյունաբերության և առևտրի նախարարի տեղակալ Հոանգ Քյոկ Վյոնգը: Նիստի ընթացքում կողմերը քննարկել են առևտրա-տնտեսական և գյուղատնտեսական համագործակցության հարցեր, ինչպես նաև տրանսպորտի, մշակույթի և զբոսաշրջության ոլորտներին հեռանկարներին վերաբերվող հարցեր: Կողմերը քննարկել են նաև փոխադարձ հետաքրքրություն ներկայացնող այլ հարցեր, ինչպես նաև նախանշել հետագա համագործակցության ուղիները: Ազիզյանի և Վյոնգի անձնական զրույցում քննարկվել է հայկական ալկոհոլային ապրանքների արտահանման հեռանկարները, ինչպես նաև ԵԱՏՄ-Վիետնամ ազատ առևտրի համաձայնագրի հարցեր:

Նշենք, որ ԵԱՏՄ և Վիետնամի միջև ազատ առևտրի գոտու մասին համաձայնագիրն ուժի մեջ է մտել 2016 թվականի հոկտեմբերի 5-ին: Դրա արդյունքում Վիետնամն ստանում է շուկայի հինգ երկրների`Ռուսաստանի, Հայաստանի, Բելառուսի, Ղազախստանի և Ղրղզստանի շուկաներ դուրս գալու հնարավորություն, որի համախառն ներքին արտադրանքի ընդհանուր ծավալը կազմում է 2,2 տրիլիոն դոլար, ինչպես նաև գրեթե 183 մլն սպառող: Իսկ Եվրասիական «հնգյակը», իր հերթին, կկարողանան արտոնյալ հիմունքներով մուտք գործել Վիետնամի ավելի քան 90 միլիոնանոց շուկա: