Արմինֆո. GSP+ շրջանակներում թույլատրված 6409 անուն ապրանքներից, որոնց համար գործում է զրոյական կամ զրոյին մոտ մաքսատուրք, Հայաստանը ԵՄ-է արտահանում ընդեմանը 60-ը: Այս մասին մարտի 17-ին տեղի ունեցած մամուլի ասուլիսում հայտարարել է տնտեսագետ, Հայաստանի Գործատուների հանրապետական միության նախագահ Գագիկ Մակարյանը:
Ըստ փորձագետի, խնդիրը կայանում է մասնավոր հատվածի աշխատանքում, որն անհրաժեշտ է համապատասխանեցնել Եվրոպական սերթիֆիկատների պահանջներին և հարակից փաստաթղթերին: «GSP+-ն չի ազատում տեխնիկական կանոնակարգերի իրականացումից, այլ վերաբերում զուտ մաքսատուրքերին», - ասել է նա: Այս առումով տնտեսագետը պարզաբանել է, որ հայ գործարարներից միայն պահանջում է գրագետ ապահովություն: սերտիֆիկացման անցկացում միջազգային հավատարմագրված լաբորատորիաներում, ապրանքների փաթեթավորման և պիտակավորման հետ կապված ճիշտ որոշումներ և այլն: Բացի այդ, պատճառներից մեկն էլ փորձագետը նմշել է նաև արտադրվող ապրանքների ոչ մեծ ծավալները: «Մենք ի վիճակի չենք համարժեք զարգացնել և ամրապնդել տնտեսությունը: Հետևաբար, արտադրության անհրաժեշտ ծավալներ ապահովելու համար անհրաժեշտ է խմբավորել ապրանքների գոնե մեկ խումբ», - նշել է Գ. Մակարյանը:
Միևնույն ժամանակ, փորձագետը նշել է ռեեստրի բացակայությունը, որոնք արձանագրում են արտահանման ծավալները Հայաստանում, ինչն անհանգստացնում է նաև եվրոպական ներկայացուցիչներին: «Ոչ Էկոնոմիկայի նախարարությունը, ոչ էլ մյուս կառույցները չեն վարում արտահանվող ապրանքների ծավալների ռեեստր: Ինչ-որ ժամանակ այդ գործառույթն ուզում էին դնել Առևտրաարդյունաբերական պալատի վրա, բայց մինչ օրս Հայաստանում չի ստեղծվել նման կառույց», - ասել է նա:
Գ.Մակարյանը նշել է, որ սահմանափակ ժամանակով պայմանավորված, Հայաստանի համար, բարելավված GSP+ ռեժիմի շրջանակներում, անհրաժեշտ է մտածել արտահանման գործունեության զարգացման հետագա քայլերը: Տտեսագետը նշել է, որ GSP+ ներառում է ոչ միայն արտահանման մեխանիկական թույլտվություն դեպի ԵՄ, այլ նաև ենթադրում բարեփոխումներ մարդու իրավունքների և շրջակա միջավայրի պահպանության ոլորտներում:
Ըստ ՀՀ Ազգային վիճակագրական ծառայության տվյալների, Հայաստանի և ԵՄ-ի միջև ապրանքաշրջանառությունը 2016 թվականին կազմել է $ 1.2 մլրդ., տարեկան աճը`2,1%: Մասնավորապես, արտահանումն աճել է 15,9%, մինչև $ 478,8 մլն, իսկ ներմուծման աճը կազմել է 5,2%, մինչև $ 739,9 մլն:
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին
Նախկին պատգամավորը՝ Հայաստանի տնտեսական իրավիճակի մասին. այն, ինչը ջուրն է բերում, ջուրն էլ տանում է