Դրամը շարունակում է ամրապնդվել դոլարի, թուլանալով եվրոյի նկատմամբ

Արմինֆո. Հայաստանի միջբանկային շուկայում մարտի 13-17-ը ծավալներն ավելացել են 3 անգամ, նախորդ շաբաթ տեղի ունեցած 38% անկումից հետո: Դրան զուգահեռ, ներբանկային շուկայում, նախորդ շաբաթվա պասիվությունից հետո, ընթացիկ շաբաթ ակտիվացան դոլարով և ռուբլիով, ինչպես նաև եվրոյով գործարքները:

Այդ ֆոնին բորսայական հարթակը, նախորդ շաբաթ արձանագրելով չնչին ծավալներ, կրկին դատարկ էր: Արդյունքում, դրամը դոլարի նկատմամբ շարունակեց ամրապնդվել` 486-ից մինչև 484 դրամ/դոլար, արժեզրկվելով ռուբլու նկատմամբ`8.2-ից մինչև 8.4 դրամ/ռուբլի, թուլանալով եվրոյի նկատմամբ`515-ից մինչև 521 դրամ/եվրո: Մինչ այդ, 2016 թվականի մարտի առաջին 17 օրերին, դրամը դոլարի նկատմամբ ամրապնդցել էր 487 դրամ/դոլար, եվրոյի նկատմամբ արժեզրկվել`548 դրամ/եվրո, իսկ ռուբլու նկատմամբ`7.2 դրամ/ռուբլի մակարդակներում: Արտարժույթի բորսայական հարթակը 2016 թվականին հազվադեպ էր գործել, մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2 950 դոլար և մայիսին`800 հազ. դոլար, որից հետո կրկին հաջորդեց լռությունը: Իսկ Կենտրոնական բանկը 2016 թվականի  հունվար-նոյեմբերին արտարժույթի շուկայում դոլար է գնել ապրիլ ամսին ($ 2,4 մլն, 478,5 դրամ / $ 1 փոխարժեքով), հունիսին ($ 50.2 մլն, 476.72 դրամ / $ 1), օգոստոսին ($ 19.8 մլն, 474.25 դրամ / $ 1), սեպտեմբերին ($ 28,8 մլն, 474.11 դրամ / $ 1) և հոկտեմբերին ($ 50.8 մլն, 475.47 դրամ / $ 1), իսկ վաճառել է հունվարին ($ 53.1 մլն, 484, 69 դրամ / $ 1) և փետրվարին ($ 41.5 մլն, 492,59 դրամ / $ 1 փոխարժեքներով), ինչպես նաև նոյեմբերին`($ 13.1 մլն, 478.56 դրամ / $ 1) և դեկտեմբերին ($ 15 մլն, 483.06 դրամ / $ 1):

Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկայում մարտի 13-ից մարտի 17-ն ընկած ժամանակահատվածքում ծավալները կազմել են 14.889 մլն.դոլար (շաբաթվա աճը`3 անգամ), միջին փոխարժեքը` 483.66 դրամ/դոլար (նախորդ շաբաթ`486.27 դրամ/դոլար):

Առավելագույն ծավալները միջբանկային շուկայում արձանագրվեցին չորեքշաբթի օրը`10.039 մլն.դոլար, հետագայում «մարելով» մինչև 2.750 մլն և 1.350 մլն.դոլար հետագա երկու օրերին: Դրան զուգահեռ, ներբանկային շուկայում բանկերի կողմից դոլարով գործարքների դինամիկան արձանագրեց աճ, անկումից հետո: Այսպես, հաշվետու շաբաթ դոլարի առքի / վաճառքի ծավալը 28,7-39% -անկումից հետո արձանագրեց 45-29,6% աճ,  եվրոյինը`100-26,7% անկումից հետո - 116-29,5 % աճ, իսկ ռուբլունը`20,7-14,8% անկումից հետո - 19,3-5,4% աճ: Արդյունքում, գնվել է $ 89.9 մլն., 483.89 դրամ / $ 1 միջին փոխարժեքով, 15,96 մլն եվրո, 513.98 դրամ / եվրո միջին փոխարժեքով և 847,4 մլն. ռուբլի, 8.19, դրամ / ռուբլի միջին փոխարժեքով, իսկ վաճառվել է $ 91.4 մլն, 485.34 դրամ / $ 1 միջին փոխարժեքով, 11,4 մլն. եվրո, 518.22 դրամ / 1եվրո միջին փոխարժեքով և 416,4 մլն.ռուբլի 8.30 դրամ / ռուբլի միջին փոխարժեքը:

Աղբյուրի համաձայն, նախորդ շաբաթ (մարտի 6-11-ը) Հայաստանի բանկերի կողմից տրամադրվել է 37.3 մլրդ-ի դրամային և 53.9 մլն-ի դոլարային վարկեր: Դրան նախորդող ժամանակահատվածի համեմատ դրամային վարկերի գծով անկումը դանդաղել է`18%-ից մինչև 14.6% աճ, իսկ դոլարային վարկերի գծով անկումը կազմել է 38.9%:

Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին կեսերից Կենտրոնական բանկը գրեթե ամեն օր միջամտում էր շուկային: 2015 թվականին դրամի արժեզրկումային տրամադրությունները  դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում:

2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել մինչև 484 դրամ.դոլար, ռուբլու նկատմամբ մինչև 8 դրամ/ռուբլի մակարդակներ, իսկ եվրոյի նկատմամբ ամրապնդվեց 505 դրամ/եվրո մակարդակում, ինչը տեղի ունեցավ տնտեսական ակտիվության 0.5% գրեթե ստագնացիոն ակտիվության պայմաններում, իսկ տրանսֆերտների զուտ ներհոսքը դեռ շարունակվում է նվազել, բայց ավելի դանդաղ տեմպերով (հունվար-նոյեմբերին` 24%): Դրան զուգահեռ 2016 թվականին դիտվեց արտաքին առևտրի շրջանառության 7.4% աճ (անկումից հետո), շնորհիվ նրան, որ արտահանումն արձանագրեց 20%, իսկ ներմուծումը` 1.6% աճ, իսկ գնանկումը սպառողական շուկայում կազմեց 1.4%: