Հայաստանում 2017 թ. հունվար-փետրվարին տնտեսական ակտիվությունն աճել է 6.2%

Արմինֆո. Տնտեսական ակտիվությունը Հայաստանում 2017 թվականի հունվարփետրվարին աճել է 6.2%: Ըստ ՀՀ Ազգային վիճակագրական ծառայության նախնական տվյալների, տնտեսական ակտիվության կառուցվածքում անկումւը շարունակվում է միայն շինարարական հատվածում – 13.8%: Մյուս ոլորտներում արձանագրվել է աճ, մասնավորապես, արդյունաբերական հատվածում (16.1%), ծառայությունների ոլորտում (11.1%) և էներգետիկ համալիրում (10.4%), առևտրի ոլորտում (9.6%), գյուղատնտեսական ոլորտում (0.1%):

Մեկ տարի առաջ, 2016-ի հունվար-փետրվարին, 2015-ի հունվար-փետրվարի համեմատ, տնտեսական ակտիվությունն աճել էր 4.7%, այդ թվում` արտահանումն աճել էր 23.6%, իսկ ներմուծումը նվազել` 12,2%: Այն ժամանակ անկում էր արձանագրվել է միայն առևտրի ոլորտում (-1.8%), մինչդեռ, աճ էին արձանագրել` արդյունաբերական հատվածը (9,9%), ծառայությունների ոլորտը (9.8%), էներգետիկ համալիրը (7%), գյուղատնտեսությունը (2,5%) և շինարարության ոլորտը (2,1%):

Մինչդեռ, փետրվարին, հունվարի համեմատ (ամսական կտրվածքով), տնտեսական ակտիվության ցուցանիշը բարձրացել է 10.7%: Ընդ որում, միակ անկումն արձանագրվել էր էներգետիկայի ոլորտում - 12.9%: Այս ֆոնին գյուղատնտեսական ոլորտում աճը կազմեց 55.8%, առևտրի ոլորտում`28.1%, շինարարության ոլորտում` 24,5%, արդյունաբերական հատվածքում`10.5%, ծառայությունների ոլորտում`1.6%: Իսկ տարեկան կտրվածքով տնտեսական ակտիվությունն աճել էր 6%, ընդ որում, ամենաբարձր աճն արձանագրել էրարդյունաբերական հատվածը`19,9%, որին հաջորդում են` առևտրի ոլորտը և ծառայությունների ոլորտում, համապատասխանաբար`9.8% և 9.7 %, էներգետիկ համալիր - 6.9%: Գյուղատնտեսության ոլորտում 2017-ի փետրվարին, 2016-ի փետրվարի համեմատ, դինամիկայի փոփոխություններ են արձանագրվել, իսկ շինարարության ոլորտը հայտնվեց 19.6% անկումում:

Ըստ վիճակագրական տվյալների, 2017-ի հունվար-փետրվարին բացարձակ մեծությամբ առաջատարն է առևտրի ոլորտը, 292.2 մլրդ դրամ ծավալով ($ 601 մլն): Երկրորդ տեղում է արդյունաբերական հատվածը`228,4 մլրդ դրամ ($ 469.8 մլն), երրորդն է ծառայությունների ոլորտը`194.2 մլրդ դրամ ($ 399,4 մլն), չորրորդն է գյուղատնտեսության ոլորտը`40.4 մլրդ դրամ ($ 83.1 մլն), իսկ հինգերորդ տեղում է շինարարության ոլորտը`17.1 մլրդ դրամ ($ 35.2 մլն): Էլեկտրաէներգիայի արտադրության ծավալը 2017-ի հունվար-փետրվարին կազմել է1450.9 մլն կՎտժ, իսկ միայն փետրվարին`675.3 մլն կՎտժ: Արդյունաբերական արտադրանքի գների ինդեքսը 2017 թվականի հունվար-փետրվարին, նախորդ տարվա նույն ժամանակահատվածի համեմատ, աճել է 4,9%, միայն փետրվարին` 0,8%, իսկ 2016-ի փետրվարի համեմատ`4,4%:

Միևնույն ժամանակ, Հայաստանի արտաքին առևտրի շրջանառությունը 2017 թվականի հունվարփետրվարին կազմել է 371 մլրդ.դրամ ($ 761 մլն), տարեկան աճը` 22,2%: Դրա կառուցվածքում արտահանման ծավալն աճել է 20,1%, մինչև 133,1 մլրդ.դրամ ($273,7 մլն.), իսկ ներմուծումն աճել է 23,5%, մինչև 237,9 մլրդ.դրամ ($ 487.3 մլն.): Միայն 2017 թվականի փետրվարին Հայաստանի արտաքին առևտրի շրջանառությունն աճել է 22,9%, այդ թվում, արտահանումն աճել է 25,3%, իսկ ներմուծումը`21,6%: 2017-ի փետրվարին, 2016-ի փետրվարի համեմատ, այս ցուցանիշները համապատասխանաբար աճել են` 11,6%, 10,1% և 12,4%: Մեկ տարի առաջ, 2016-ի հունվար-փետրվարին Հայաստանի արտաքին առևտրի շրջանառությունը տարեկան կտրվածքով կրճատվել էր 1,7%, մասնավորապես, ներմուծումը նվազել էր 12,2%, իսկ արտահանման աճը կազմել էր 23,6%, իսկ միայն 2016-ի  փետրվարին արտահանման և ներմուծման աճը համապատասխանաբար կազմել էր  53 % և 53.5%, ապահովելով արտաքին առևտրի շրջանառության 53,3%, իսկ 2015-ի փետրվարի համեմատ արտաքին առևտրի շրջանառության աճը կազմել է 8.1%, այդ թվում` արտահանման ծավալն աճել է 39.1%, իսկ ներմուծման անկումը կազմել է 4.2%:

ՀՀ դրամի միջին հաշվարկային փոխարժեքը 2017 թվականի հունվար-փետրվարին կազմել է 486.26 դրամ /դոլար, միայն փետրվարին` 486.51 դրամ/դոլար:

Նշենք, որ Համաշխարհային բանկը Հայաստանի ՀՆԱ-ի 2017 թվականի աճը կանխատեսում է 2,7%, ԱՄՀ-ն կանխատեսում է`3.4%: Ըստ ՎԶԵԲ կանխատեսման, Հայաստանի ՀՆԱ աճը 2017-ին կկազմի 2,9%: Fitch- ը Հայաստանի ՀՆԱ-ի 2017 թվականի աճը կանխատեսում է 2.1%: ՀՀ պետական բյուջեով 2017-ի ՀՆԱ աճը կկազմի 3.2%: