Վարդան Արամյանը չի բացառում Հայաստանի տնտեսական աճի դանդաղման հնարավորությունը խորհրդարանական ընտրություններից հետո

Արմինֆո. 2017 թվականի առաջին կիսամյակում տնտեսական ակտիվությունը Հայաստանում կարող է մի փոքր նվազել, ներկայիս 6-6.5-ից մինչև 5%: «Միևնույն ժամանակ, ՀՆԱ-ի աճի 3.2% սպասումները կպահպանվեն, հնարավոր է, որ կգերազանցեն բյուջեով ամրագրված ցուցանիշները, քանի որ ՀՀ կառավարոթյան հավակնությունները չափազանց բարձր են»,-հայտարարել է ՀՀ ֆինանսների նախարար Վարդան Արամյանը մարտի 22-ին կայացած մամուլի ասուլիսում:

Նախարարը հիշեցրել է, որ 2017 թվականի հունվարի տնտեսական ակտիվության ցուցանիշը, ըստ ՀՀ Ազգային վիճակագրական ծառայության տվյալների, կազմել է 6.5%, իսկ հունվար-փետրվարին`6,2%`նախորդ տարվա նույն ժամանակահատվածի համեմատ: Այս աճը պայմանավորված էր եղել դրական միտումներով արդյունաբերական հատվածում (16.1%), ծառայությունների ոլորտում (11.1%) և էներգետիկայի ոլորտում (10.4%), որի ֆոնին առևտրաշրջանառությունն աճեց մի փոքր ավելի համեստ`9,6%, իսկ գյուղատնտեսական ոլորտը ցուցադրեց նվազագույն աճ`0.1%: Միևնույն ժամանակ, Հայաստանի արտաքին առևտրի շրջանառությունը 2017-ի հունվար-փետրվարին կազմել է 371 մլն դրամ ($ 761 մլն), տարեկան աճը`22.2%: Դրա կառուցվածքում արտահանման ծավալների տարեկան աճը կազմել է 20.1%, մինչև 133.1 մլրդ դրամ ($ 273,7 մլն), իսկ ներկրման տարեկան աճը`23.5%, մինչև 237.9 մլրդ դրամ ($ 487,3 մլն): Միայն 2017-ի փետրվարին արտաքին առևտրի շրջանառությունն աճել էր 22,9%, մասնավորապես, արտահանման ծավալների աճը կազմել է 25,3%, իսկ ներմուծման ծավալների աճը`21,6%: 2017-ի փետրվարին, 2016-ի փետրվարի համեմատ, այդ ցուցանիշը համապատասխանաբար աճել է 11.6%, 10.1% և 12.4%:

Սակայն, ըստ Արամյանի, հնարավոր է, որ 2017 թվականի առաջին կիսաաամյակում երկրի տնտեսական ակտիվության աճը որոշակիորեն դանդաղի: Բայց այդ արգելակումը, ըստ նախարարի, կապված կլինի ոչ թե հետընտրական գործընթացների, այլ տնտեսական աճի ցուցանիշների պատշաճ ապահովման անհրաժեշտությունը բացառելու հետ: Տնտեսական ակտիվության աճի ցուցանիշը տարվա կեսերից կարող է մի փոքր դանդաղել, ելնելով աճի բազային արդյունքից: Այնուամենայնիվ, 2017 թվականի առաջին կիսամյակում տնտեսական ակտիվության աճի դանդաղման ցուցանիշը չի կարող ցածր լինել 4-5%-ից: «Ամեն դեպքում, ՀՀ կառավարությունը տարվա արդյունքներով կապահովի բյուջեով ամրագրված ՀՆԱ-ի 3.2% աճը: Հույս ունենք արձանագրել աճի ավելի բարձր ցուցանիշներ»,-նշել է Արամյանը, հայտարարելով ՀՀ տնտեսական քաղաքականության հեղինակների բարձր հավակնությունների մասին:

Ըստ ՀՀ պետական բյուջեի, Հայաստանի տնտեսական աճը 2017 -ին նախատեսված է 3.2%, ՀՆԱ-ի անվանական աճը`5%, ինդեքս-դեֆլյատորը`1.7% (2016-ին `2.4%), դեֆիցիտը`150.1 մլրդ դրամ: Բյուջեի եկամտային մասը կավելանա մինչև 1 տրլն. 210 մլրդ դրամ, իսկ ծախսային մասը` մինչև $ 1 տրլն. 360 մլրդ.դրամ, եկամուտներ / ՀՆԱ հարաբերակցությունը կկազմի 22,4% (2016-ին `21.8%):