Հինգշաբթի, 23 Մարտի 2017 14:43

Արմինֆո. ԵԱՏՄ պետություններում ավարտվում է ինտեգրացիոն միավորման երկրների աշխատավորների կենսաթոշակային ապահովման շուրջ պայմանագրի նախագծի քննարկումը: Փաստաթղթի ուժի մեջ մտնելուց հետո հաշվի կառնվի ԵԱՏՄ քաղաքացիների օրինական աշխատանքի ստաժը Ռուսաստանում, Ղազախստանում, Հայաստանում և Բելառուսում, և նրանք կարող են լիարժեք կենսաթոշակներ ստանալ հայրենիքում:

Ըստ «Ռոսիյսկայա գազետայի», Եվրասիական տնտեսական հանձնաժողովի տնտեսության և ֆինանսական քաղաքականության կոլեգիայի անդամ Թիմուր Սուլեյմենովի հավաստմամբ,  վերը նշված պայմանագրի շնորհիվ կսկսի աշխատել ԵԱՏՄ ընդհանուր աշխատանքի շուկայի կարգավորման վերջին տարրը: «Ըստ տարիքի նշանակումն ու վճարումները կիրականացվեն խիստ սահմանված կարգով: Պայմանագրի ուժի մեջ մտնելուց հետո ձեռք բերված ստաժի համար կենսաթոշակը նշանակվում և վճարվում է այն պետության կողմից, որի տարածքում այդ ժամանակահատվածում աշխատել է քաղաքացին», - հայտարարել է Թիմուր Սուլեյմենովը:

Արդեն 2017 թվականի մարտին տեղի կունենա Եվրասիական տնտեսական հանձնաժողովի հերթական նիստը, որի ժամանակ կողմերը կշարունակեն փաստաղթի նախագծի քննարկումը: Մեծ է հավանականությունը, որ պայմանագիրը կսկսի գործել մինչև տարեվերջ:

Հիշեցնենք, որ 2016 թվականի դեկտեմբերի 1-ին Հայաստանի կենտրոնական բանկի ղեկավար Արթուր Ջավադյանը ներկայացրել է կենսաթոշակների մասին օրենսդրության փոփոխությունները, որի համաձայն, արտասահմանից վերադարձող քաղաքացիներին իրենց կենսաթոշակային հաշվին արտասահմանից խնայողությունների փոխանցման հնարավորություն է ընձեռվում: Մասնավորապես, այն քաղաքացիներին, ովքեր խնայողություններ ունեն այլ պետություններում գործող կենսաթոշակային համակարգում, հնարավորություն է ընձեռվում Հայաստան վերադառնալու դեպքում իրենց կենսաթոշակային հաշիվը բացել ՀՀ-ում: