Տատյանա Վալովայա. 2017 թվականի հունվարի արդյունքներով ԵԱՏՄ երկրների միջև փոխադարձ առևտրի ծավալն աճել է 38.1 տոկոսով

Արմինֆո. 2017 թվականի հունվարի արդյունքներով Եվրասիական տնտեսական միության անդամ երկրների միջև փոխադարձ առևտրի ծավալն աճել է 38.1%: Այս մասին առցանց ասուլիսի ընթացքում հայտարարել է Եվրասիական տնտեսական հանձնաժողովի ինտեգրման և մակրոտնտեսության խորհրդի անդամ (նախարար) Տատյանա Վալովայան:

Ըստ նրա, ի անցյալ տարվա հունվարի համեմատ Հայաստանն արձանագրել է փոխադարձ առևտրի 81.3% աճ: Նա նշել է, որ 2016 թվականի արդյունքով Հայաստանն արձանագրել է փոխադարձ առևտրի 53% աճ, իսկ Ղրղզստանը`4.4% աճ: Մինչդեռ, Հայաստանի արտաքին առևտրի շրջանառությունն այլ երկրների հետ աճել է 3.3%, Ղրղզստանինը`11,9%: «Սա խոսում է այն մասին, որ Հայաստանը և Ղրղզստանը, որոնք միություն են մտել է 2015-ին, սկսել են արդյունք ստանալ Եվրասիական ինտեգրումից», - ասել է նա:

Վալովայան նշել է, որ, նախնական գնահատականներով, անցյալ տարի ողջ ԵԱՏՄ-ում արձանագրվել է ՀՆԱ-ի ծավալների 0,1% անկում, բայց անկումն այնքան էական չէ, որքան  2015 թվականին, երբ ՀՆԱ-ն կրճատվեց 2.3%: «Եվրասիական տնտեսական հանձնաժողովը 2017 թվականի համար կանխատեսում է ՀՆԱ-ի 0.9% աճ: Միևնույն ժամանակ, որ 2018-2019 թվականներին նույնբպես սպասվում նույն դինամիկան», - ընդգծել է նա:

Նախարարը նշել է, որ 2016 թվականին ՀՆԱ-ի աճը կրճատվել էԵԱՏՄ երկու պետություններում`Բելառուսում և Ռուսաստանում: «ՀՆԱ-ն զգալ%իորեն կրճատվել է Ռուսաստանում, քանի նա հանդիսանում է նավթի ու գազի արտահանող: Պետք չէ մոռանալ, որ Բելառուսի տնտեսությունը նույնպես կապված է նավթամթերքի արտադրության հետ, հետևաբար, դա անդարադարձել է նաև ՀՆԱ-ի կրճատման վրա», - ասել է նա: Վալովայան նաև հավելել է, որ դժգոհություն չի լսել բելառուսական կողմից, որ ՀՆԱ-ի անկումը կապված է ԵԱՏՄ-ին Հայաստանի կամ Ղրղզստանի միանալու հետ:

«Բելառուսի փոխադարձ առևտրի աճ է դիտվում այդ երկու երկրների հետ: Բելառուս գործընկերները գտնում են նոր շուկաներ այդ երկրներում: Իր արտադրանքի ավելի քան 52% -ը Բելառուսն իրացնում է ԵԱՏՄ շուկայում, իսկ դա ամենաբարձր ցուցանիշն է ԵԱՏՄ շևջանակներում: Բելառուսին հաջորդում են Հայաստանը և Ղրղզստանը, որոնք իրենց արտադրանքի 30-40% -ն իրացնում են ԵԱՏՆ տարածքում», - ասել է նա: