Չորեքշաբթի, 5 Ապրիլի 2017 15:54

Արմինֆո. Հայաստնաում շարունակվում է Հայաստան–Վրաստան բարձրավոլտ ԷՀԳ կառուցման նախագծի կապալառուի ընտրության գործընթացը: Այդ մասին հայտարարել է  ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը` ապրիլի 5-ին  KfW գերմանական զարգացման բանկի էներգետիկ դեպարտամենտի պետ Թոմաս Այզենբախի գլխավորած պատվիրակության հետ հանդիպմանը։

Նախարարության մամուլի ծառայության հաղորդման համաձայն, հանդիպման ընթացքում քննարկվել են Հայաստանի էներգետիկ ոլորտում իրականացվող ծրագրերը և բանկի ներգրավվածության ընդլայնման հնարավորությունները։ Անդրադառնալով KfW գերմանական զարգացման բանկի ֆինանսավորմամբ իրականացվող Հայաստան-Վրաստան բարձրավոլտ էլեկտրահաղորդման գծի կառուցման ծրագրին՝ Աշոտ Մանուկյանը նշել է, որ հայտարարված միջազգային մրցույթի արդյունքների հիման վրա ընթանում է կապալառուների ընտրության գործընթացը։ Նախարարը հույս է հայտնել, որ նախատեսված ժամկետում հնարավոր կլինի կապալառուների ընտրության վերաբերյալ գալ վերջնական եզրակացության, ինչը թույլ կտա տարեվերջին մեկնարկել գծի կառուցման աշխատանքները։  Կողմերն անդրադարձել են նաև հողմային և արևային էներգետիկայի ոլորտներում համագործակցության ծրագրերի իրականացմանը։

Ինչպես Արմինֆո-ն ավելի վաղ հաղորդել էր, Հայաստան-Վրաստան ԷՀԳ կառուցման նախագծի խորհրդատու "Fichtner GmbH & Co. KG" ընկերությունը նախապատարաստել է գլխավոր կապալառուի ընտրության մրցութային փաթեթ: Նախագիծը նախատեսվում է իրագործել երեք փուլով: Առաջին երկու փուլերի ֆինանսավորման աղբյուրներն արդեն հայտնի են: Առաջին երկու փուլերի շրջանակում նախատեսվում է կառուցել 400 կիլովոլտ լարումով ԷՀԳ և հաստատուն հոսանքի երկու ենթակայան Դդմաշենում և Այրումում, ինչը թույլ կտա սկսել աշխատանքը Վրաստանի էլեկտրաէներգետիկ համակարգի հետ` ասինխրոն ռեժիմով: Մինչ այդ անցկացվել է շրջակա  միջավայրի վրա նախագծի ազդեցության և սոցիալական ներգործության գնահատում: Այդ աշխատանքը նախատեսվում է ավարտել մինչև տարեվերջ, ինչից հետո կսկսվեն շինարարական աշխատանքները: Նախագծի շրջանակում նախատեսվում է Հայաստանի և Վրաստանի էլեկտրաէներգետիկ համակարգերի միավորում, ինչը կնպաստի փոխշահավետ տարածաշրջանային համագործակցության զարգացմանը ստեղծվող Իրան-Հայաստան-Վրաստան-Ռուսաստան էներգետիկ միջանցքի շրջանակում: Ծրագրի նախնական արժեքը, FICHTNER ընկերության տվյալներով, կկազմի 326, 9 մլն եվրո, որի 10%  պետք է լինի Վրաստանի ավանդի մի մասը: Նախագիծն իրագործվելու է մի քանի փուլով: Առաջին փուլում նախատեսվում է Այրումում կառուցել փոխարկիչ ենթակայան  և 8 մկ երկարությամբ 500 կիլովոլտանոց օդային գիծ դեպի Վրաստան: Երկրորդ փուլը ներառում է Դդմաշենի մոտ 400 կիլովոլտանոց ենթակայանի կառուցում մեկ տրանսֆորմատորով, ինչպես նաև 400 կիլովոլտանոց օդային գծի անցկացում, ինչը հնարավորություն կընձեռի փոխանակել 350 մեգավատ էլեկտրաէներգիա: Այնուհետև Այրումում կտեղադրվի մոդուլ, իսկ Դդմաշենում` երկրորդ տրանսֆորմատորը` 700մ եգավատ հզորություն ապահովելու նպատակով: Ելնելով շուկայական և տարաշրջանային համագործակցության պահանջներից` եզրափակիչ, երրորդ փուլում կտեղադրվի հաստատուն հոսանքի երկրորդ մոդուլը, ինչը հնարավորություն կընձեռի հզորության ծավալները հասցնել մինչև 1050 մեգավատի: Ծրագրի առաջին երկու փուլերը գնահատվում են 188,2 մլն եվրո: Դրանց ֆինանսավորման աղբյուրնրեն արդեն որոշվել են: Այդ նպատակով 2014-2015 թթ. ստորագրվել է երեք վարկային համաձայնագիր: Մասնավորապես, վարկի տեսքով 168 մլն եվրո հատկացրել է գերմանական KfW բանկը, ևս 10 մլն եվրո վարկ է տրամադրել Եվրոպական ներդրումային բանկը: Ակնկալվում է ևս 10 մլն եվրո դրամաշնորհ Եվրահանձնաժողովից: Ծրագրի առաջին երկու փուլերը նախատեսվում է իրականացնել զուգահեռ ռեժիմով: Աշխատանքներն իրականացվում են սահմանված ժամանակացույցին համապատասխան, որի համաձայն, շինարարական աշխատանքները կսկսվեն 2017 թվականի վերջին և կավարտվեն  մնչև 2019 թվակնի վերջը: