Արմինֆո. 2017 թ. աշնանը Հայաստանում տեղի կունենա չինական արտադրության գյուղատնտեսական տեխնիկայի տարածաշրջանային ցուցահանդես: Այդ մասին ապրիլի 11-ին լրագրողներին հայտարարել է «Հայաստանի ագրարագյուղացիական միավորում» հկ նախագահ Հրաչյա Բերբերյանը:
Բերբերյանի խոսքով, ցուցահանդեսում կներկայացվի որակյալ տեխնիկա: «Մեր ֆերմերները լավ և որակյալ գյուղատնտեսական տեխնիկայի պակաս են զգում»,- հայտարարել է նա՝ կոչ անելով գյուղացիներին անհրաժեշտ տեխնիկայով ապահովման ուղիներ գտնել:
ՀՀ Գյուղատնտեսության նախարարության տվյալների համաձայն՝ երկրում առկա գյուղատնտեսական տեխնիկայի 90% -ն ավելի քան 20 տարեկան է և կարիք ունի արդիականացման: Իսկ գյուղատնտեսական տեխնիկայի լիզինգի սուբսիդավորման ծրագրի օգնությամբ գյուղատնտեսության նախարարության նախատեսում է իրականացնել 2.2 - 2.8 մլրդ դրամի նոր տեխնիկայի ամենամյա վաճառք:
Ավելի վաղ հաղորդվել էր, որ կառավարության հաստատած ծրագրի համաձայն, գյուղտեխնիկան տրամադրվում է 9 % տոկոսադրույքով, որից 7 տոկոսային կետը սուբսիդավորվում է պետության կողմից, արդյունքում` շահառուները հնարավորություն ունեն տեխնիկան ձեռք բերել 2 % լիզինգային տոկոսադրույքով` առանց լրացուցիչ որևէ վճարի: Արդյուքնում, ինչպես ակնկալվում է, 2017 թվականին գյուղտեխնիկայի ձեռք բերմանը կուղղորդվի շուրջ 2,2 մլրդ դրամ: Առաջիկա 6 տարում լիզինգով գյուղտեխնիկայի տրամադրման ծրագրի շրջանակում սուբսիդավորման համար նախատեսվում է հատկացնել 500 մլն դրամ, իսկ արդեն 2017 թվականին` 120 մլն դրամ: Ավելի մեծ պահանջարկի առկայության դեպքում կառավարությունը խոստացել է քննարկել դրա ծավալը մեծացնելու հնարավորությունը: Ինչպես մարտի 17-ին հայտարարել էր գյուղնախարար Իգնատի Առաքելյանը, ծրագրի շահառուները կարող են գյուղտեխնիկա ձեռք բերել իրենց համար շահավետ պայմաններով` 2% տարեկան տոկոսադրույքով, 3-10 տարի մարման ժամկետով:
ԱրմԻնֆո ԼԸ պատրաստած «Հայաստանի բանկերի և վարկային ընկերությունների ֆինանսական վարկանիշի» տվյալներով, 2016 թվականին լիզինգային գործառնությունների ծավալն աճել է 11%-ով` կազմելով 16.7 մլրդն դրամ: Որպես լիիզնգային ծառայությունների հիմնական մատակարար հանդես է գալիս «ԱԿԲԱ լիզինգ» ընկերությունը, որի պորտֆելում ագրոհատվածին բաժին է ընկնում ներդրումների ընդամենը 3%-ը:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը