Արմինֆո. Արտահանման ապահովագրական գործակալության պոլիսի առկայության դեպքում արտահանողները կարող են ութ առևտրային բանկերից, առանց գրավային ապահովման, ստանալ ֆինանսական ֆակտորինգ, ընդ որում, մատչելի տոկոսադրույքով և շահավետ պխայմաններով: Այս մասին ապրիլի 11-ին կայացած մամուլի ասուլիսում հայտարարել է Հայաստանի Արտահանման ապահովագրական գործակալության գործադիր տնօրեն Վազգեն Աբգարյանը, նշելով, որ վարկերի տարեկան տոկոսադրույքները կկազմեն 7%, իսկ որոշ գոծընկեր-բանկեր ֆինանսավորումը տրամադրում են առանց միջնորդավճարի: «Սա արտահանողին թույլ է տալիս խուսափել արժութային ռիսկերից և ավելի արդյունավետ կառավարել շրջանառու միջոցները»,-ընդգծել է նա:
Նա պարզաբանել է, որ ապրանքը Հայաստանի սահմանը հատելուց անմիջապես հետո արտահանողը կարող է առանց գրավի ֆինանսավորում ստանալ բանկից, մինչև տվյալ ապրանքի խմբաքանակի գումարի մինչև 90% չափով, ինչը թոյլ է տռալիս միջնաժամկետ հեռանկարում պահպանել սեփական շրջանառու միջոցները: Նա նաև նշել է, որ ֆինանսական ողջ փաթեթի դիմաց արտահանողը կարող է վճարել ապրանքի արժեքի մինչև 1.2-1.3% միջնորդավճար: Նրա խոսքով, առևտրի ֆակտորինգի շրջանակներում ստացված 60 հայտերից 36-ն արդեն հաստատվել է ապահովագրական ծածկույթի ապահովման նպատակով:
Մասնավորապես, նա ընդգծել է, որ 2015-ին Գործակալությունը համագործակցում էր միայն մեկ առեւտրային բանկի հետ, իսկ 2016-ին դրանց թիվը հասավ 8-ի, իսկ ևս երեք բանկի հետ ընթանում են բանակցություններ: «Դա արտահանողներին թույլ կտա սպասարկվել այն բանկերում, որտեղ բացված են նրանց հաշիվները և գտնվում են շրջանառու միջոցները, ինչը մեծապես հեշտացնում է ֆինանսավորում ստանալու գործընթացը», - ասել է նա:
«Հայաստանի արտահանման ապահովագրական գործակալությունե ԱՓԲԸ-ն հիմնադրվել է Հայաստանի Հանրապետության կառավարության որոշմամբ 2013 թվականի հոկտեմբերի 23-ին արտահանմանն ուղղված արդյունաբերական քաղաքականության շրջանակներում: Ընկերությունը տրամադրում է ապահովագրություն ՀՀ ռեզիդենտ արտահանող Ընկերությունների կողմից մատակարարված ապրանքի դիմաց օտարերկրյա գնորդի կողմից կամ պայմանագրով նրա անունից վճարման պարտավորություն ունեցող բանկի կողմից չվճարման հետևանքով կրած ֆինանսական վնասներից: Մատուցվող ապահովագրական ծառայությունները հանդիսանում են արդյունավետ լուծում հաճախորդների արտահանման ռիսկերի կառավարման համար: Ընկերության միակ բաժնետերը Հայաստանի Հանրապետությունն է:
Կորոնավիրուսի հակաճգնաժամային միջոցառումերի տրամաբանությամբ. ինչպես է հաղթհարվելու եվ ինչի հաշվին
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 1)
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 2)
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար
Տուլան պատրաստ է բարձրորակ հնդկահավի միս մատակարարել Հայաստան և օրգանական պարարտանյութերի արտադրության գործարան կառուցել
Հանքարդյունաբերությունը` <մուկն ու կատու> խճճված խաղ
Հայաստանն ընդգրկվել է Վրաստան արտահանող երկրների առաջատար եռյակում