Չորեքշաբթի, 12 Ապրիլի 2017 17:23

Արմինֆո. Հայաստանի լիզինգի շուկայի առաջատար ACBA-Leasing ընկերությունը սեմինարների միջոցով իր կուտակված փորձն է փոխանակում գործարարների հետ: Ինչպես ԱրմԻնֆո գործակալությունը տեղեկացվել է ԱԿԲԱ-ԿՐԵԴԻՏ ԱԳՐԻԿՈԼ բանկի մամուլի ծառայությունից, որի հետ փոխկապակցված ընկերություն է հանդիսանում ACBA-Leasing ընկերությունը, այս անգամ սեմինարը տեղի ունեցավ`«Լիզինգը - հիմնական միջոցների ձեռքբերման շահավետ սխեմա» խորագրով սեմինարը, որտեղ դասախոսեց ACBA-Leasing ընկերության գլխավոր տնօրեն Արսեն Բազիկյանը: Սեմինարն ընթացավ Բիզնեսի աջակցման կենտրոնում (BSC):

Սեմինարի ընթացքում ՓՄՁ ներկայացուցիչներին, խորհրդատվական ընկերությունների ղեկավարներ, ինչպես նաև մյուսշահագրգիռ անձանց ներկայացվեցին լիզնիգի առանձնահատկություններն ու առավելությունները, որպես կապիտալ ներդրումների կատարման ձևի: Սեմինարի մասնակիցներին հնարավորություն տրվեց քննարկել կոնկրետ դեպքեր, սեփական ընկերությունների փորձի հիման վրա և ստանալ պրոֆեսիոնել խորհրդատվություն:

ACBA-Leasing ընկերությունը մտադիր է պարբերաբար անցկացնել նման հանդիպումներ և կիսվել իր կուտակված փորձով գործարարների և Հայաստանի տնտեսության տարբեր ոլորտների ներկայացուցիչների հետ:

Նշենք, որ ACBA-Leasing ընկերությունը Հայաստանի առաջին լիզինգային ընկերությունն է, որը հիմնադրվել է 2003 թվականին: Ընկերության բաժնետերերն են Ֆրանսիական Credit Agricole Leasing & Factoring-ը և հայկական ԱԿԲԱ-ԿՐԵԴԻՏ ԱԳՐԻԿՈԼ Բանկը: ԸՆկերությունը հանդիսանում է Հայաստանի լիզինգային շուկայի առաջատարը, ընդգրկելով շուկայի գրեթե 80%-ը: Ընկերության գերակա խնդիրների շարքում են` էներգախնայողության և էներգաարդյունավետության սարքավորումների ձեռքբերման ֆինանսավորումը, իրականացնելով այն «Գրին Լիզինգ» ապրանքանիշի ներքո, որն ընկերության կողմից ստեղծվել է 2014 թվականին:

Ըստ ԱրմԻնֆո գոչրծակալության`Հայաստանի Բանկերի և Վարկային կազմակերպությունների վարկանիշների, լիզինգային գործառնությունների ծավալը 2016 թվականին ավելացել է 11%, մինչև 16.7 մլրդ դրամ: Մեկ տարի առաջ, 2015 թվականին լիզինգային գործառնությունների ծավալը նվազել էր 20%: ACBA-Leasing ընկերության լիզինգային գործառնությունների ծավալը 2017 թվականի հունվարի 1-ին կազմել է 13,1 մլրդ դրամ, տարեկան աճը`12%: Բանկերի և վարկային կազմակերպությունների լիզինգային գործառնությունների ընդհանուր ծավալներում ACBA-Leasing ընկերության մասնաբաժինը կազմել է 78,5%: