Արմինֆո. Ամուլսարի ոսկու արդյունահանման խոշորագույն նախագծի շրջանակներում Lydian Armenian ընկերությունը ներգրավել է մոտ 450 հոգու, որից 230-ը հարակից համայքներից, իսկ հիմնական մասը` ԳՖնդեվազից: Այս մասին ապրիլի 12-ին Վայոց ձոր կատարած աշխատանքային այցի շրջանակներում լրագրողներին հայտնել է Lydian Armenian ընկերության գործադիր տնօրեն Հայկ Ալոյանը:
Նա նաև տեղեկացրել է, որ ծրագրի շրջանակներում կստեղծվի 1300 աշխատատեղ, որից 700-ը` հանքավայրի շահագործման ողջ ընթացքում:
Լրագրողների հետ զրույցում իր շնորհակալությունը հայտնելով ընկերությանը, Գնդեվազի համայնքի բնակիչ և հանքավայրի աշխատակից Խաչատուր Հովսեփյանը նշել է. «Նախկինում մենք ստիպված էինք աշխատանք փնտրելու նպատակով լքել Հայաստանը, իսկ այսօր ես կարող եմ վաստակել և գտնվել իմ մերձավորների կողքին»: Ցածր որակավորում ունեցող բանվորի աշխատավարձը, նրա խոսքով, կազմում է 150 հազար դրամ: Նա նաև նկատել է, որ ամեն օր, աշխատանքի մեկնարկից առաջ, տեղի է ունենում աշխատանքի անվտանգության գծով հրահանգավորում, ինչը խստորեն պահպանվում է շինարարուքյան տարածքում:
Ինչպես նշել է գործադիր տնօրեն Հ.Ալոյանը, ընկերությունը հատուկ կարևորում է իր աշխատակիցների աշխատանքի անվտանգությունը, կիրառելով միջազգային ստանդարտներ: «Շինարարական աշխատանքների ընթացքում աշխատանքի անվտանգության պահպանման նպատակով մենք ձգտում ենք ապահովել շինարարության հիմնական սկզբունքը – զրո դժբախտ պատահարն, հետևաբար, անվտանգությունը մեր առաջնահերթ խնդիրներից է, որի լուծման նպատակով ներգրավել ենք միջազգային փորձագետների»,-ընդգրկել է նա:
Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ: Ընկերության բաժնետերերն են` IFC- ն և ՎԶԵԲ-ը: Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը