Արմինֆո. ԱՄՀ և Հայաստանի կառավարության գնահատականները երկրի 2017 թվականի տնտեսական աճի կանխատեսւոմների գծով տարբեր են: Ապրիլի 13-ին, կառավարության նիստից հետո, ՀՀ ֆինանսների նախարար Վարդան Արամյանը կիսվել է կառավարության հավակնոտ ծրագրերով, որի համաձայն, կառավարությունը հավակնում է արձանագրել ՀՆԱ-ի ավելի բարձր աճ, քան ամրագրված է երկրի բյուջեով: Սակայն, Արժույթի միջազգային հիմնադրամի հայաստանյան առաքելության ղեկավար Հոսեին Սամիեին նախօրեին հնչեցրել էր իր կանխատեսումները, որը կկազմի մինչև 2.9%:
Ըստ Արամյանի, կառավարությունը բազմաթիվ անգամ հայտարարել է 3.2% աճ ապահովելու հավակնոտ ծրագրի մասին: Նա նշել է, որ մարտ ամսի արդյունքները դեռ չեն ամփոփվել, բայց այսօր արդեն կարելի է նշել, որ տնտեսական ակտիվությունը կազմում է 6.2%: Միևնույն ժամանակ, նախարարն ընդունել է այնպիսի գործոնների առկայությունը, ինչպիսին բազային արդյունքն է, հետևաբար, նշված ցուցանիշը կարող է մի փոքր ճշգրտվել, դեպի նվազման կողմը, ինչպես դա եղավ 2016 թվականին, երբ տնտեսական ակտիվությունը հունվարին կազմեց 4.2%, մայիսին հասավ 5.7%-ի, բայց հետագայում արձանագրվեց զգալի անկում: «Այնուամենայնիվ, ես վստահ եմ, որ մենք կհաղթահարենք նախատեսված`3.2% ցուցանիշը»,-հայտարարել է նախարարը:
Այնուամենայնիվ, Արժույթի միջազգային հիմնադրամի հայաստանյան առաքելության ղեկավար Հոսեին Սամիեին նախօրեին Երևանում լրագրողներին հայտարարեց, որ չնայած հայկական տնտեսության դրական ազդանշաններին, կառուցվածքոյին բարեփոխումների անցկացմանը, երկրի ՀՆԱ-ի աճի կանխատեսումը կլինի 2.9%, նախկին` 2.7% փոխարեն: ԸՆդ որում, առաքելության ղեկավարը տարեկան կտրվածքով չի բացառում ռիսկերի առաջացումը, հիշեցնելով, որ 2016-ի սկզբին նույնպես դրական ակնկալիքներ կային Հայաստանի տնտեսական աճի առումով: Սակայն, 2016-ի վերջին 2 եռամսյակների ընթացքում դիտվեցին բացասական միտումներ, ինչի արդյունքում արձանագրվեց զրոյական աճ:
Ըստ ՀՀ պետբյուջեի, տնտեսական աճը 2017 թվականին նախատեսված է 3,2%, ՀՆԱ-ի անվանական աճը` 5%, ինդեքս-դեֆլյատորը`1.7% (2016-ին `2,4%), իսկ դեֆիցիտը`150.1 մլրդ դրամ: Հայաստանի պետական բյուջեի եկամտային մասը 2017 թվականին կավելանա մինչև 1 տրլն.210 մլրդ դրամ, ծախսերը`մինչև 1 տրլն. 360 մլրդ.դրամ, եկամուտներ/ՀՆԱ հարաբերակցությունը`22,4% (2016-ին ` 21,8%): Ըստ ՀՀ Կենտրոնական բանկի վերջին տվյալների, Հայաստանի տնտեսական աճը 2017-ին կկազմի 3,2-4,4%, նախկինում կանխատեսված` 2.2-3.2% փոխարեն: Համաշխարհային բանկն իր հունվարի կանխատեսման մեջ Հայաստանի ՀՆԱ աճը 2017-ին կանխատեսել է 2,7%, ԵԱԶԲ-ն`2.9%: Fitch- ը Հայաստանի ՀՆԱ-ի աճը 2017 թ.-ին կանխատեսում է 2,1%, 2018-ին արագանալով մինչև 3,1%, ՄԱԿ-ը կանխատեոում է` 2,7%, իսկ ԱՄՀ-ն` ԱԶԲ-ն`2.2%:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը