Արմինֆո. Պոլիմետալ (Polymetal) ընկերությունը դարձավ լեռնարդյունաբերության ոլորտի առաջատարներից մեկը`բնապահպանության պատասխանատվության գծով, որը կազմվել է Վայրի բնության համաշխարհային ֆոնդի (WWF) կողմից, ՄԱԿ-ի Զարգացման ծրագրի, Գլոբալ բնապահպանական ֆոնդի և ՀՀ բնապահպանության հետ համատեղ: Այս մասին հայտնել է ընկերության մամուլի ծառայությունը:
Վարկանիշը հրապարակվել է 2017 թվականի մարտի վերջին: Այն կազմելիս հաշվի է առնվել բնապահպանական պատասխանատվության երեք հիմնական ասպեկտները`բնապահպանական մենեջմենտը, ազդեցությունը շրջակա միջավայրի վրա և թափանցիկությունը: Ցանկում տեղ են գտել ոլորտի 33 խոշորագույն ընկերություններ: Գնահատումը կատարվել է 35 չափանիշների հիման վրա: Ընդգրված են եղել բոլոր հատվածները` հանքավայրերի բարեկարգումը, օգտակար հանածոների արդյունահանումը և մշակումը, ինչպես նաև փաթոնների մշակումը:
«Պոլիմետալ» ընկերությունն առաջին տեղն է զբաղեցրել «Բնապահպանական մենեջմենտ»-ի գծով, որի շրջանակներում գնահատվել են շրջակա միջավայրի պահպանության կառավարման որակը և հիմնադիր սկզբունքները: Որպես չափանիշներ, մասնավորապես, ծառայել են բնապահպանական մենեջմենտի սերթիֆիկացիոն համակարգի առկայությունը, ընկերության բնապահպանական քաղաքականության մեջ բնապահպանորեն զգայուն տարածքների ռիսկերի լրացուցիչ գնահատման պահանջների առկայությունը, մոտեցումները նոր տարածքներ իրացնելու ընթացքում խախտված տարածքների մակերեսների նվազեցման նկատմամբ, մոտեցումները քաղցրահամ էկոհամակարգերի/ձվադրված գետերի նկատմամբ, պարտավորությունները կենդանիների միգրացիայի ճանապարհների պահպանման գծով, ստորգետնյա ջրերի դիտարկումների գծով ստանդարտների քաղաքականության առկայությունը: Հաշվի է առնվել նաև ընկերության էներգաարդյունավետությունը, տարածաշրջանի կենսաբազմազանության պահպանման ծրագրի առկայությունը, կապալառուների գործունեության նկատմամբ արտադրական և բնապահպանական վերահսկողության իրականացումը:
Ընդհանուր հաշվով, «Պոլիմետալ» ընկերությունը երեք ուղղոթյուններով հայտնվել է լավագույն տասնյակում, ընդհանուր վարկանիշում զբաղեցնելով 7-րդ տեղը: Ըստ վարկանիշը կազմողների, բնապահպանական մենեջմենտի համակարգերը, որոնք ներդրվել են վարկանիշի առաջատար ընկերություններում, ինչպես թափանցիկության, այնպես էլ շրջակա միջավայրի վրա բացասական ազդեցության նվազեցման առումով, համապատասխանում են համաշխարհային լավագույն ստանդարտներին: Կազմակերպիչները նախատեսում են վարկանիշը դարձնել ամենամյա, ինչը թույլ կտա հետևել շրջակա միջավայրի վրա վնասի ազդեցության նվազեցման նկատմամբ ընկերությունների ձեռքբերումներին:
Հիշեցնենք, «Պոլիմետալ» ընկերությունն իր գործունեությունը Հայաստանում սկսել է 2015 թվականից, ձեռք բերելով Լիճքվազ-Թեյ հանքավայրը, որը գտնվում է Հայաստանի հարավում, Սյունիքի մարզում: Հանքավայրում կատարվել է պաշարների առաջնային գնահատում, որը կազմել է 582 հազար ուցիա ոսկուն համարժեք, պարունակելով 4.2 գ / տ ոսկի: Ընկերությունը նախատեսում է 2017-ին իրականացնել լրացուցիչ հորատում, որպեսզի ստանա պաշարների գնահատումը` համաձայն JORC-ի օրենսգրքի, ինչպես նաև Լիճքվազի և Կապանի հանքավայրերի շահագործման պլանը 2017-ի երրորդ եռամսյակում: Ընկերությունը մտադիր է Լիչքվազի հանքանյութը մշակման նպատակով տեղափոխել կապանի վերամշակող գործարան, որտեղ նա 2016-ի ապրիլին ձեռք է բերել հարստացուցիչ կոմբինատը, որը ներռառում է տարեկան 400 հազար տոննա արտադրողականությամբ ստորգետնյա հանքավայրը, ավանդական ֆլոտացիոն հարստացուցիչ ֆաբրիկան`տարեկան 750 հազար տոննա արտադրողականությամբ, ինչպես նաև ենթակառուցվածքային օբյեկտները: Համաձայն ընկերության ռազմավարության, Կապանի ֆաբրիկայի բազայի վրա կստեղծվի հումքի վերամշակման տարածաշրջանային հաբ:
«Պոլիմետալ» ընկերության բաժնետիրական կապիտալի 27%-ի վերջնական սեփականատերն է Ալեքսանդր Նեսիսի «ԻՍՏ» Խումբը, 13%-ը պատկանում է Պյոտր Կելների չեխական PPF Group NV ընկերությանը: Բացի այդ, կանոնադրական կապիտալի 1%-ը վերահսկում է ընկերության մենեջմենտը և տնօրինությունը, 19%-ը` մասնավոր անձինք, իսկ 40%-ը`անհատական ներդրողներ:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ