Կապանի հանքավայրն իր ավանդն է ներդրել 2017 թվականի 1-ին եռամսյակում «Պոլիմետալ» ընկերության կողմից ոսկու արտադրության ավելացման գործում

Արմինֆո. Կապանի հանքավայրն իր ավանդն է ներդրել 2017 թվականի 1-ին եռամսյակում «Պոլիմետալ» ընկերության կողմից ոսկու արտադրության ավելացման գործում: Այդ մասին ասվում է ընկերության հաղորդագրությունում:

Աղբյուրի համաձայն, 2017 թվականի 1-ին եռամսյակում «Պոլիմետալը» ոսկու արտադրությունն ավելացրել է 18%-ով, մինչև 199 հազար ունցիա արծաթի արտադրությունը նվազեցրել է 15%-ով, մինչև 6,1 մլն ունցիա: Բացի այդ, հունվար-մարտ ամիսներին «Պոլիմետալը» պղնձի արտադրությունն ավելացրելէ  88%-ով, մինչև մոտ 500 տոննա` նախորդ տարվա նույն ժամանակահատվածի շուրջ 200 տոննայի դիմաց: Հաշվետու ժամանակահատվածում ոսկու համարժեքով ընդհանուր արտադրությունն ավելացել է 8%-ով, մինչև 280 հազար ունցիա (8,7 տոննա): Ընկերությունում աճը բացատրում են Օմոլոնում գերազանց արդյունքով և նոր ձեռնարկությունների ներդրմամբ Ղազախստանում և  Կապանում (Հայաստան):

«Պոլիմետալ» ընկերությունը 2016 թվականին ձեռք է բերել Կապանի  հանքավայրը, որը առաջին գործող ակտիվն է ընկերության հայկական ակտիվների պորտֆելում: Հանքավայրը ներառում է ամբողջովին մեխանիզացված ստորգետնյա հանքավայրը` տարեկան մոտ 400 հազար տոննա արտադրողականությամբ, ֆլոտացիոն հարստացուցիչ ֆաբրիկան` տարեկան մոտ 750 հազար տոննա արտադրողականությամբ, ինչպես նաև ենթակառուցվածքային օբյեկտներ: Ձեռնարկությունն արտադրում է ոսկու-պղնձի-արծաթի և ցինկի խտանյութեր` արտահանման նպատակով: Վերջին 5 տարիներին նախորդ սեփականատերը ներդրել է ավելի քան 75 մլն.դոլար:

Կապանը գտնվում է Հայաստանի հարավում, Երևանից 320 կմ հեռավորության վրա: Կապանի շրջակայքում կան նաև այլ հեռանկարային հանքավայրեր, այդ թվում Կապանից 70 կմ հեռավորության վրա գտնվող Լիճքվազ ոսկու հանքավայրը, որի 100%-ը ձեռք է բերել Polymetal-ը:

Հայկական ակտիվի ձեռքբերման մեջ ընկերությունը տեսնում է մի շարք հեռանկարներ` արտադրական սիներգիա Լիճքվազի հանքավայրի հետ, ստորգետնյա լեռնային ապարների նեղ տեղերի վերացում և հարստացուցիչ ֆաբրիկայի բեռնվածության բարձրացում, ծախսերի օպտիմալացում «Պոլիմետալի» ունեցած փորձի հաշվին, հզոր արտադրական հարթակի ստեղծում, որը թույլ կտա դիտարկել նաև Հայաստանի մյուս նախագծերը: Հարստացուցիչ ֆաբրիկայի բեռնվածության ավելացումը նախատեսվում է իրականացնել 2 փուլով.  2017 թվականի երկրորդ կեսին ընկերությունը մտադիր է արդյունահանման մակարդակը հասցնել տարեկան 650 հազար տոննա հանքանյութի, իսկ մինչև 2018-ի երկրորդ կիսամյակը` մինչև 900 հազար տոննա հանքանյութի (Լիճքվազի հանքավայրի հետ միասին): 2016 թվականին «Պոլիմետալը» նախատեսում է Լիճքվազում իրականացնել լրացուցիչ հորատումներ: Նպատակը հանքավայրի պաշարների գնահատման եզրակացությունն է 2017 թվականին` համաձայն JORC Օրենսգրքի և Կապանի ու Լիճքվազի համար շահագործման կոմբինացված պլանի:

Polymetal International plc-ը ոսկու, արծաթի և պղնձի արդյունահանմամբ զբաղվող ռուսական ընկերությունն է` Ռուսաստանում, Ղազախստանում և Հայաստանում գործող ձեռնարկություններով և զարգացման նախագծերով:  2016 թվականին ոսկու արտադրությունն ավելացերլ է 3%-ով, մինչև 890 հազար ունցիա (27.7 տոննա), արծաթինը` նվազեցրել է 9%-ով, մինչև 29.2 մլն ունցիա (908,2 տոննա): Ընկերության բաժնետոմսերը գնանշվում են Լոնդոնի և Մոսկվայի բորսաներում: Polymetal International ներառված է FTSE 250 ինդեքսում: