Արմինֆո. Ամռանը Հայաստանի դպրոցների ուսուցիչները կանցնեն վերապատրաստում ֆինանսական գրագիտության կրթական ծրագրի ներդրման ուղղությամբ: Այս մասին ապրիլի 19-ին «Իմ ֆինասների ամիս» 4-րդ ամենամյա ծրագրի մեկնարկին նվիրված մամուլի ասուլիսում հայտարարել է ՀՀ կրթության և գիտության նախարարության Նախադպրոցական և միջնակարգ կրթության մշակման քաղաքականության բաժնի ղեկավար Սյուզաննա Մակյանը:
«Մենք հատկապես կարևորում է ուսուցիչների վերապատրաստումը», - ընդգծել է նա: Ըստ նրա, ֆինանսական ոլորտին վերաբերվող 7 թեմաները կներառվեն հայկական դպրոցներում դասավանդվող 5 առարկաներում`մաթեմատիկա, հանրահաշիվ, տեխնոլոգիաներ, Ես և շրջական աշխարհը, Հասարակագիտություն: «Ինտեգրված ծրագիրը կդասավանդվի 2-րդից 12-րդ դասարաններում», - ասել է Ս. Մակյանը:
Նա հավելել է, որ մինչև մայիսի վերջը կավարտվեն վերապատրաստման մոդուլների մշակումները, իսկ սեպտեմբերին որոշ դպրոցներում կմեկնարկի ծրագրի ապրոբացիան: Այս հարցում, ըստ Ս.Մակյանի, նախարարոթյունը համագործակցում է Գերմանիայի խնոյբանկերի հետ:
Ծրագրի իրականացմանը նպաստել են Հայաստանի բանկերի միությունը, ՀՀ Վարկային կազմակերպությունների միությունը, Երևանի Քաղաքապետարանը, Ֆինանսական համակարգի հաշտարարի գրասենյակը, Ավանդների հատուցումը երաշխավորող հիմնադրամը, Հայաստանի ավտոապահովագրողների բյուրոն, ՆԱՍԴԱՔ ՕԷՄԷՔՍ Արմենիան, Կենսաթոշակային հյամակարգի իրազեկման կենտրոնը, Սիվիտաս Արմենիա, ՔԱՐԴ հիմնադրամ, Հայաստանի պատանեկան նվաճումներ ՀԿ-ը, ԱՅԲ հիմնադրամը, Ազգային Հիփոթեկային Ընկերություն, Հայաստանի գիտակների ասոցացիան, Եվրոպական երիտասարդական պառլամենտը, Երեխաների և երիտասարդների ֆինանսների միջազգային կազմակերպությունը, Երևանի և մարզերի ԲՈՒՀ-երը, ինչպես նաև այլ ֆինանսական կառույցներ (Գլոբալ Կրեդիտ ՈՒՎԿ, ՓՄՁ ներդրումների ՈՒՎԿ, Հայէկոնոմ բանկ, Ինեկոբանկ, Կոնվերս բանկ, ԱԳԲԱ լիզինգ, Ինգո Արմենիա, Ռոսգոստրախ Արմենիա, Նաիրի Ինշուրանս, Կամուրջ ՈՒՎԿ, Պրոմեթեյ բանկ, Հայբիզնես բանկ):
Հիշեցնենք, որ ծրագրի առաջին մեկնարկը տեղի է ունեցել 2014 թվականի հոկտեմբերի 1-ին: Ծրագրի նպատակն է բարձրացնել ֆինանսական իրազեկությունը հասարակությունում և խորացնել գիտելիքներն ու հմտությունները ֆինանսների ոլորտում:
Եկամուտների համընդհանուր հայտարարագրում. այն, ինչ ստացվեց, ընդհանուր քիչ բան ունի մտածվածի հետ․Դավիթ Անանյան
Հարկային և հանրային ծառայությունների վճարների բարձրացում. տեղին, թե անտեղի են փոթորկվել քաղաքացիները.
Արդյոք բոլոր փողերը պաշտպանված են ռուսական բանկերում
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ
ԱրմԻնֆո-ն թողարկել է իր "Հայկական բանկերը քարտային բիզնեսում" 30-րդ տեղեկագիրը