Չորեքշաբթի, 19 Ապրիլի 2017 19:43

Արմինֆո. Հայկական արտադրության ապրանքները,  սկսած գյուղատնտեսական ապրանքներից մինչև տեքստիլը և արվեստի գործերը, շուտով կհայտնվեն ռուսական կայքերում: Հայաստանի խոշորագույն «Սպայկա» տրանսպորտային ընկերությունը, որն զբաղվում է նաև պահածոյացված գյուղապրանքների գնումներով և արտադրությամբ, մեկ ամսից կգործարկի Armzon առցանց գնումների հարթակը:

Սկզբնական շրջանում էլեկտրոնային հարթակը սպառողի համար հասանելի կլինի Մոսկվայում, իսկ հետագայում` Ռուսաստանի հարավի խոշոր քաղաքներում, իսկ մյուս մարզերի բնակիչների համար` ավելի ուշ: «Իրականացնելով on-line պատվերը մեր կայքի միջոցով, պատվիրատուն առմվազն 3 օրվա ընթացքում կստանա ապրանքը», - հավաստիացրել է ընկերության նախագծերի կառավարման բաժնի ղեկավար Կարեն Բաղդասարյանը:

Պատվերը ձևակերպելու և հաստատելու համար սահմանված է նվազագույն գին` 6 հազար ռուսական ռուբլի: Ապրանքի գնի մեջ կներառվի նաև առաքման արժեքը: Բայց, ցանկացած պարագայում, ըստ Բաղդասարյանի, պատվիրված ապրանքն էապես ավելի էժան կլինի, քան ռուսաստանյան սուպերմարկետներում: Ենթադրվում է, որ նշված հարթակում ներկայացված կլինեն ավելի քան 10 հազար ապրանքներ:

Սպայկան պատրաստ է առցանց հարթակով կիսվել բոլոր շահագրգիռ արտադրողների և մատակարարների հետ: Հիմնական չափանիշն ապրանքի որակն է, իրացվելիությունը և համապատասխանությունը ՀՀ օրենսդրությանը: Բաշխումը տեղերում կիրականացվի դիստրիբյուտորական ցանցի միջոցով միջոցով:

Ներդրումային ընկերությունը նախագծի գործարկմանը կներդնի մոտ 3 միլիոն դոլար: Հաջող փորձարկումից հետո նախատեսվում է այն գործարկել նաև ԵԱՏՄ մյուս երկրներում:

Նշենք, որ «Սպայկա» ընկերությունն իր գործունեությունն սկսել է 2001 թվականին, որպես միջազգային բեռնափոխադրող: Մինչև 2010 թվականն ընկերությունը տարածաշրջանային մակարդակով առաջատար դիրքեր էր զբաղեցնում բեռնափոխադրումների ծառայությունների ոլորտում: Ընկերության տրանսպորտային պարկը 200 տրանսպորտային միջոցներից: