Հինգշաբթի, 20 Ապրիլի 2017 16:38
Նաիրա Բադալյան

Վարչապետ. Ծրագրեր չներկայացրած ընդերքօգտագործողների հետ շատ կոշտ սկսում ենք խոսել լիցենզիաները հետ վերցնելու վերաբերյալ

Վարչապետ. Ծրագրեր չներկայացրած ընդերքօգտագործողների հետ շատ կոշտ սկսում ենք խոսել լիցենզիաները հետ վերցնելու վերաբերյալ

Արմինֆո. Անհրաժեշտ է ուսումնասիրել ընդերքօգտագործման ոլորտում տրամադրված բոլոր լիցենզիաները և ներդրումների պարտավորությունները, այսօր կառավարության նիստում ասել է ՀՀ վարչապետ Կարեն Կարապետյանը:

 

«Ընդերքօգտագործման ոլորտում շրջակա միջավայրի վրա ազդեցությունների շարունակական գնահատումը և մոնիթորինգը կարևորվում է հնարավոր ռիսկերի կանխարգելման և կառավարման տեսանկյունից. թեև ՀՀ ընդերքի օրենսգրքով նախատեսված է ընթացիկ մոնիթորինգը, բայց իրականացման չափորոշիչները և հաշվետվությունների ներկայացման ընթացակարգերը կանոնակարգված չեն: Ներկայումս մոնիթորինգի տվյալների բացակայությունը հնարավորություն չի տալիս գնահատել ընդերքօգտագործման հետևանքով շրջակա միջավայրի տարբեր բաղադրիչների վրա իրական ազդեցություններն ու ռիսկերը, ինչպես նաև նախաձեռնել համապատասխան կանխարգելիչ գործողություններ»,-ընդգծել է Կարեն Կարապետյանը: Այդ իսկ նպատակով վարչապետը հանձնարարել է ՀՀ բնապահպանության նախարարին 3-ամսյա ժամկետում, հաշվի առնելով միջազգային փորձը, մշակել և կառավարության աշխատակազմ ներկայացնել իրավական ակտերի փաթեթ, որով կկանոնակարգվի ընդերքօգտագործողների կողմից շրջակա միջավայրի մոնիթորինգի իրականացման և հաշվետվողականության հետ կապված ընթացակարգերը:

 

Դիմելով ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանին՝ գործադիրի ղեկավարը նշել է, որ անհրաժեշտ է ուսումնասիրել ոլորտում տրամադրված բոլոր լիցենզիաները և ներդրումների պարտավորությունները. «Մենք մի անգամ զգուշացրել ենք իրենց: Ասել ենք՝ ներկայացրեք ծրագրեր: Ծրագրեր ներկայացրածների հետ պայմանավորվում ենք, ֆիքսում ենք նոր ժամկետներ: Ովքեր չեն ներկայացրել ծրագրեր, նրանց հետ շատ կոշտ սկսում ենք խոսել լիցենզիաները հետ վերցնելու վերաբերյալ»:

 

Հիշեցնենք, որ փետրվարի 16-ին ՀՀ կառավարությունը, լրացում կատարելով 2001թ. ապրիլի 12-ի «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասինե որոշման մեջ, վերացրել է ընդերքօգտագործողներին կառուցապատման իրավունքի տրամադրման համար ստեղծված խոչընդոտը: Հիմնավորման համաձայն՝ ՀՀ հողային օրենսգիրքը սահմանում է, որ պետական կամ համայնքային հողամասերի նկատմամբ վարձակալության կամ կառուցապատման իրավունքի տրամադրումը պետք է իրականացվի մրցույթով: Ներկայումս այդ բացառությունը սահմանված է ՀՀ կառավարության 2001թ. ապրիլի 12-ի համապատասխան որոշմամբ: Սակայն, նման բացառություն սահմանված չէ ընդերքօգտագործողներին տրամադրվող կառուցապատման իրավունքի համար: Լրացմամբ առաջարկվում է ընդերքօգտագործման իրավունք կրող իրավաբանական անձին տրամադրել առանց մրցույթի կառուցապատման իրավունք:

 

Նշենք, որ արդյունաբերական արտադրության ծավալը Հայաստանում 2016 թվականին նախորդ տարվա համեմատ աճել է 6.7% (նախորդ տարվա աճը`5.2%), կազմելով 1.429 տրլն.դրամ ($ 2.9 մլրդ): Աճի տեմպերի արագացմանը նպաստել են` վերամշակող արդյւոնաբերությունը և լեռնահումքային ոլորտը: Ընդ որում, միայն 2016-ի դեկտեմբերին արդյունաբերական արտադրության ծավալն աճել է 6.4% (2015-ի դեկտեմբերի աճը`9.3%), ապահովելով 143.4 մլրդ.դրամի ծավալ ($ 297): 2016-ի հունվար- դեկտեմբերին, 2015-ի նույն ժամանակահատվածի համեմատ, հանքարդյունաբերության և բաց հանքավայրերի շահագործման ոլորտում արձանագրվել է 8.3% աճ (նախորդ տարվա աճը`50.4%), մինչև 256.4 մլրդ դրամ: Միայն դեկտեմբերին լեռնահումքային ոլորտն արձանագրել է 23.6 մլրդ.դրամ ծավալ, ամսական աճը`2.2%: Վերամշակող արդյունաբերության ծավալը հունվար- դեկտեմբերին աճել է 7.7% (նախորդ տարվա անկումը`5.6%), մինչև 885 մլրդ դրամ, որից 89.2 մլրդ.դրամը`դեկտեմբերին, տարեկան աճը` 4.9%:


Նորություններ


Արտ. փոխարժեքները
21.01.2021
RUB7.05-0.03
USD518.89-0.30
EUR629.980.41
GBP712.541.46
CAD511.262.45
JPY50.170.15
CNY80.200.12
CHF584.730.58



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000