Կրքեր «Վինար»-ի շուրջ. Հասարակ խարդախություն կամ Հայաստանի տնտեսության թշվառությունն ու պերճանքը

Արմինֆո. Դեռ 2015 թվականից Արարատի մարզի ֆերմերային տնտեսությունների նկատմամբ ավելի քան 100 մլն դրամ պարտք ունեցող «Վինար» ընկերությունը չի տիրապետում լիկվիդային ակտիվների՝ պարտքերի վճարումն ապահովելու համար: Այդ մասին ԱրմԻնֆո-ին հայտնել է գյուղատնտեսության փոխնախարար Ռոբերտ Մակարյանը:  Ավելին, ընկերությունը, որի շրջանառությունը նախկինում միլիոն դոլարներ է կազմել, պարզվում է, ընդհանրապես ոչինչի չի տիրապետում. արտադրությունը կազմակերպվել է վարձակալվող տարածքում, իսկ պետության կողմից ընկերությունից բռնագանձված սպիրտը կոնյակի չէ և անիրացվելի է, իսկ, ամենագլխավորը, «Վինարը» գործունեության այդ տեսակի համար արտոնագիր չի ունեցել: Սպիրտի որոշակի մասը լավագույն որակի է եղել, և Գյուղատնտեսության նախարարությանը հաջողվել է իրացնել այն՝ փակելով պարտքերի ընդամենն աննշան մասը: 

Ինչպես ապրիլի 20-ին կառավարության նիստից հետո լրագրողներին հայտարարել է գյուղատնտեսության նախարար Իգնատի Առաքելյանը,

Գյուղատնտեսության նախարարությունը վաչապետի և իրավապահ մարմինների հետ միասին կքննարկի «Վինար» ընկերության պարտքերի հետ կապված իրավիճակը՝ խնդրի լուծման ուղիներ գտնելու նպատակով: Միաժամանակ նախարարը խոստովանել է, որ կառավարությունն ունի պարտապան ընկերության նկատմամբ ազդեցության լծակներ, սակայն պարտքերի վճարման համար լծակներ չկան:

Իգնատի Առաքելյանը հիշեցրել է, որ դեռ 2016 թ. վերջին Գյուղատնտեսության նախարարությունը դիմել էր Գլխավոր դատախազությանը՝ վերամշակման ձեռնարկությունների կողմից չվճարված պարտքային պարտավորությունների մասով ֆերմերային տնտեսությունների խախտված իրավունքների վերականգնման նպատակով: Արդյունքում փաստի առնչությամբ քրեական գործ է հարուցվել: Այնուամենայնիվ, գյուղատնտեսության նախարարն իրավիճակից ելք չի տեսնում, բացի այն բանից, ինչ կարող է առաջարկել արդարադատության համակարգը, բայց դա չի օգնի հասարակ գյուղացուն: «Ինչ ելքի մասին է խոսքը, եթե մեկը խաբել է մյուսին, միաժամանակ վճարելու համար ոչինչ չունի»,- ասել է նախարարը՝ նշելով, որ այս իրավիճակը վկայություն է այն բանի, թե ինչպես է երկրում փլուզվել  գործարար միջավայրը, որտեղ մեկը մյուսին խաբում է՝ նախօրոք պլանավորված սցենարով:

Մինչդեռ այսօր հերթական անգամ կառավարության շենքի մոտ բողոքի ակցիա էին անում Քաղցրաշեն գյուղի ֆերմերները, որոնց «Վինար» ընկերությունը գնված խաղողի դիմաց պարտք է դեռ 2015 թվականից: Հավաքվածները բողոքել են նախարարին, որ չվճարումների հետևանքով իրենք պարտքեր են կուտակել հողահարկի և այլ պարտադիր վճարումների հետ կապված. ոմանց պարտքը գերազանցել է 2 մլն դրամը՝ տուգանքներն ու տույժերը չհաշված: