Արմինֆո. ԵՄ նախաձեռնում է տեղական համայնքների տնտեսական ներուժի զարգացմանն աջակցմության նոր տարածաշրջանային ծրագիր: Ապրիլի 28-ին Երևանում պաշտոնապես մեկնարկել է ԵՄ «Հայաստանի տեղական տնտեսական զարագցում» դրամաշնորհային ծրագիրը, որի բյուջեն 9,5 մլն եվրո է Արևելյան գործընկերության մասնակից 6 հետխորհրդային երկրների համար (Հայաստան, Ադրբեջան, Բելառուս, Վրաստան, Մոլդովա և Ուկրաինա)` տեղական համայնքների որոշակի համաֆինանսավորմամբ: Եվս 5 մլն եվրո կտրամադրվի տեխնիկական աջակցության շրջանակում: Ծրագիրը կավարտվի 2020 թվականիկ դեկտեմբերին և նպատակաուղղված է տեղական համայնքների հաստատուն և ներառական աճի ապահովմանը, դրանց տնտեսական մրցունակության բարձրացմանը և աշխատատեղերի ստեղծմանը:
Ինչպես ԱրմԻնֆո-ին հայտարարել է «Համայնքի ղեկավարներ հանուն տնտեսական զարգացման» նախագծի ղեկավար Պիտեր Քորսբին, որպես ծրագրի հիմնակն շահառու հանդես կգան տեղական ինքնակառավարման մարմինները` երկրի կենտրոնական իշխանության հետ սերտ համագործակցության պայմաններում տեղական համայնքների տնտեսության զարգացման գործում նրանց առավել ակտիվ ինտեգրման նպատակով: Ինչպես նշել է Քորսբին, արևմուտքում ՏԻՄ չափազանց կարևոր դեր ունեն համայնքների զարգացման գործում, մինչդեռ վերը նշված հետխորհրդային երկրներում իներցիայով ողջ քաղաքականությունը որոշվում և իրականացվում է կենտրոնական մակարդակով` անգործության մատնելով տեղական իշխանությանը: «Այսօրվա դրությամբ չափազանց կարևոր է, որպեսզի տեղական համայնքների ղեկավարները գիտակցեն իրենց տարածաշրջանի զարգացման համար ողջ պատասխանատվությունը և դառնան ավելի ակտիվ ու նախաձեռնող», - եզրափակել է ծրագրի ղեկավարը:
Ինչպես նշել է Հայաստանում ԵՄ պատվիրակության համագործակցության բաժնի ղեկավար Խոա Բին Աճեմյանը, նախագծի հիմնական գաղափարը քաղաքացիական հասարակության, ՏԻՄ և մասնավոր հատվածի միջև կապերի խթանումն է ընդհանուր նպատակի` երկրի ողջ տնտեսության զարգացման համար:
Դրամաշնորհների ստացման մրցույթին կարող են մասնակցել այն նախագծերը, որոնք նպատակաուղղված են տեղական համայնքների զարգացմանը` քաղաքացիների ունակությունների կատարելագործման, ենթակառուցվածքների զարգացման, ֆինանսական ռեսուրսների մատչելիության ապահովման, գրագետ շուկայական քաղաքական և ճիշտ արտաքին դիրքավորման մշակման ճանապարհով: Ծրագրի առաջին փուլին մասնակցության հայտերի ընդունումն ավարտվում է մայիսի 31-ին: Ծրագրի մանրամասներին կարելի է ծանոթանալ ԵՄ կայքում:
Նշենք, որ ապրիլի 11-ին Հայաստանում մեկնարկել է 2.9 մլն եվրո ընդհանուր բյուջեով ևս մեկ դրամաշնորհային ծրագիր, որը նպատակաուղղված է տեղական համայնքների ներուժի բացահայտմանը: «ԵՄ պարտավորվում է աջակցել քաղաքացիական հասարակության և տեղական համայնքների ամրապանդմանը` Հայաստանի զարգացման համատեքստում», - ընդգծել է Հայաստանում ԵՄ պատվիրակության ղեկավար, դեսպան Պյոտր Սվիտալսկին:
Ինչպես ավելի վաղ հայտարարել էր Հայաստանում ԵՄ պատվիրակության համագործակցության բաժնի ղեկավար Խոա Բին Աճեմյանը, վերջին 10 տարում բյուջետային աջակցության շրջանակում ԵՄ Հայաստանին տրամադրել է 250 մլն եվրո: «ԵՄ տարեկան 40-50 մլն եվրո է ուղղորդում Հայաստանում իրագործվող տարբեր ծրագրերի, և այդ գումարի կեսն ուղղորդվում է հենց բյուջեին աջակցությանը: Իսկ դա նշանակում է, որ ԵՄ կառույցները շաբաթական շուրջ 1 մլն եվրո են հատկացնում Հայաստանին` ենթակառուցվածքային ծրագրերի համար միջոցներից զատ», - հյատարարել էր Աճեմյանը: Նրա հավաստմամբ, 2017 թվականին Եվրամիությունը 40-45 մլն եվրո կտրամադրի Հայաստանին` բարեփոխումների իրագործման համար: