Արմինֆո. Հայաստանում մեկնարկում է «Քարքար» 30 ՄՎտ հզորությամբ գեոթերմալ էլեկտրակայանի կառուցման նախագծի տեխնիկա-տնտեսական հիմնավորման մշակումը: Այս մասին ապրիլի 28-ին լրագրողներին տեղեկացրել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը:
Նրա խոսքով, նախկինում իրականացված աշխատանքները վկայում են աղբյուրի պաշարների մասին: Ընդամենը փորվել է 2 հոր, որոնք հաստատել են կայանի կառուցման համար անհրաժեշտ տաք ջրի ծավալների առկայությունը: 2017 թվականին տեղի կունենա ներդրումների հետ հանդիպումները, իսկ 2018-ին կհայտարարվի մրցույթ: Փոխնախարարը չի բացառել նաև 3-րդ հորի փորումը: Օբյեկտի կառուցման արդյունքում Հայաստանը կստանա լրացուցիչ 200-250 կՎտ/ժամ էլեկտրաէներգիա:
Ավելի վաղ ԱրմԻնֆո գործակալությանը հաղորդվել էր, որ նախագիծն իրականացվում է Կլիմայի ներդրումային հիմնադրամի աջակցությամբ: Ծրագրի ընդհանուր արժեքը կազմում է $ 40 մլն, որից $ 28 մլն ուղղվում է արևային էներգիայի ոլորտի հնարավորությունների ուսումնասիրմանը, $ 9 մլն.կկազմի գեոթերմալ էներգետիկայի բաղադրիչը և $ 3 մլն` փոքր ՀԷԿ-երի զարգացման բաղադրիչը: Վերջին ծրագիրն իրականացնում է Վերակառուցման և զարգացման եվրոպական բանկը, ինչպես նաև Կանաչ կլիմայի հիմնադրամը:
Հայկ Հարությունյանը տեղեկացրել է նաև, որ Հայաստանում Քարքարից բացի կան այլ հեռանկարային աղբյուրներ, օրինակ, Ջերմաղբյուրը, Լիձորը, որոնք գտնվում են Վրաստանի հետ սահմանի մոտ և Սիսիանում: «Բայց քանի դեռ պետությունը չի հաստատել պաշարների առկայությունը, դժվար է ակնկալել ներդրողների ներգրավումը: Չէ որ միայն հետազոտությունների և հորատումների համար անհրաժեշտ է 2-3 մլն.դոլար: Հետևաբար, ներգրավվել են Կլիմայի ներդրումային հիմնադրամի դրամաշնորհները: Նախագծին մասնակցում է նաև պետությունը`համաֆինանսավորելով ծրագիրը: Անցյալ տարի Քարքարում լավ ճանապարհ է գցվել, որը հետագայում կծառայի գեոթերմալ էլեկտրակայանի շինարարությանը և շահագործմանը, որի ընդհանուր արժեքը կազմում է 100 մլն.դոլար: Արդեն հորատման աշխատանքներ են կատարվել 1500 մետր խորության վրա, որտեղ ջերմաստիճանը հասնումէ ավելի քան 122.5 աստիճանի»,-նշել է փոխնախարարը, հավելելով, որ կայանը կլինի բազիսային, այսինքն, կաշխատի շուրջօրյա ռեժիմով:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ