«Անելիք Բանկը»  միացել է «Կրկին դարձնենք Հայաստանը մաքուր» շաբաթօրյակին

Արմինֆո. «Անելիք Բանկ» ՓԲԸ աշխատակիցները մասնակցել են «Կրկին դարձնենք Հայաստանը մաքուր» (Make Armenia Clean Again) խորագրի ներքո սույն թվականի ապրիլի 29-ին կազմակերպված շաբաթօրյակին:

Ինչպես ԱրմԻնֆո-ին հաղորդեցին բանկի մամուլի ծառայությունից, Երևան քաղաքի  մասնաճյուղերի բոլոր աշխատակիցները ներգրավված են եղել Երևան քաղաքի Օղակաձև զբոսայգու, Հաղթանակ զբոսայգու, Հրազդան գետի կիրճի և «Մոլոկանի» զբոսայգու հարակից տարածքների մաքրման աշխատանքների մեջ, իսկ մարզերում գտնվող մասնաճյուղերի աշխատակիցները` մասնաճյուղի հարակից տարածքների մաքրման աշխատանքների մեջ:

«Կարևորը նման նախաձեռնություններին մասնակցության ձգտումը կամավոր է և Հայաստանն առավել մաքուր ու գեղեցիկ պահելու ցանկությունն է: Բանկը միշտ էլ մեծ ուրախությամբ է արձագանքել շաբաթօրյակներին ու այլ միջոցառումներին  և ակտիվ ներգրավվել է քաղաքի և մարզերի բարեկարգման աշխատանքներին: Սա պարզապես քաղաքը մաքուր պահելու մասին չէ, սա բոլորիս վերաբերմունքն է մեր իսկ քաղաքին»,- ասել է  «Անելիք Բանկ» ՓԲԸ վարչության նախագահ Ներսես Կարամանուկյանը:

Հիշեցնենք, որ «Անելիք Բանկը» շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկմից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ):