Երեթշաբթի, 2 Մայիսի 2017 19:17

Արմինֆո.10 հայաստանյան սկսնակ ընկերություն մասնակցեց Իսպանիայի Սալամանկա քաղաքում ապրիլի 26-27-ը կայացած Startup Olé կոնֆերանսին:

 

Ինչպես ԱրմԻնֆո գործակալությանը տեղեկացվել է«Հայաստանի փոքր և միջին ձեռնարկատիրության զարգացման ազգային կենտրոն» (ՓՄՁ ԶԱԿ) հիմնադրամի     մամուլի ծառայությունից, նրանց մասնակցությունը հնարավոր է դարձել «Հայաստանի ՓՄՁ զարգացման ազգային կենտրոն» հիմնադրամի (ՓՄՁ ԶԱԿ) և «Ձեռնարկությունների ինկուբատոր» հիմնադրամի հետ համագործակցության, ինչպես նաև Գերմանիայի միջազգային համագործակցության ընկերության (GIZ) կողմից իրականացվող «Աջակցություն ՓՄՁ զարգացմանը Հայաստանում» (SMEDA) ծրագրի աջակցության շնորհիվ: Արդեն երրորդ տարին անցկացվող Startup Olé կոնֆերանսի այս տարվա համակազմակերպիչներից մեկը Հայաստանի ՓՄՁ ԶԱԿ-ն էր:

 

Աղբյուրի համաձայն, Startup Olé երկօրյա տեխնոլոգիական և ձեռնարկատիրական ուղղվածության միջոցառման ընթացքում հայկական ընկերությունները կապեր ստեղծեցին սթարթափ ընկերությունների հետ: Նրանք նաև ձևավորեցին փոխշահավետ գործընկերություն նոր գործընկերների և սերիական արտադրություն իրականացնող ձեռնարկատերերի միջև, որոնք կարող են հանդես գալ իբրև մենթոր և բիզնես խորհրդատու՝ օգնելով վերջիններին ընդլայնել իրենց գործունեությունը: Այդպիսով` միջոցառմանը մասնակցող հայաստանյան սթարթափ ընկերություններին բացառիկ հնարավորություն ընձեռվեց ներգրավվել եվրոպական սթարթափ էկոհամակարգում:

 

Կոնֆերանսի շրջանակներում հայկական ընկերություններին հնարավորություն ընձեռնվեց նաև մասնակցել ծրագրերի մրցույթ-շնորհանդեսներին, ինչպես նաև խոշոր ընկերությունների և ներդրողների հետ համագործակցության հաստատմանը նվիրված միջոցառմանը։

 

«Հայաստանի փոքր և միջին ձեռնարկատիրության զարգացման ազգային կենտրոն» հիմնադրամը (Հայաստանի ՓՄՁ ԶԱԿ) ստեղծվել է 2002թ.` ՀՀ կառավարության որոշմամբ: Կենտրոնի գործունեությունն ուղղված է նոր ՓՄՁ-ների ստեղծմանը, ձեռնարկությունների ֆինանսական աջակցությանը, նրանց հմտությունների զարգացմանը, ուսուցմանը,  ոլորտային ՓՄՁ-ների աջակցությանը, ձեռնարկությունների ինֆորմացիոն, խորհրդատվական աջակցությանը, բիզնեսի միջազգայնացմանը, համայնքների տնտեսական զարգացմանը:

 

Ավելի վաղ ՀՀ տրանսպորտի կապի և տեղեկատվական տեխնոլոգիաների նախարար Վահան Մարտիրոսյանը տեղեկացրել էր, որ Հայաստանում գործարկվել է ՏՏ ոլորտի սթարթափների ֆինանսավորման նոր կառույցը: «Քննարկումները Հայաստանի հաջողված ՏՏ ընկերությունների հետ հանգեցրել են եզրակացության, որ Հայաստանում սթարթափները հաճախ բախվում են ֆինանսավորման հետ կապված մեծ դժվարությունների: Այսպիսով մենք եկանք եզրակացության, որ կարելի է ստեղծել փոքր ընկերություն (այսուհետ` հիմնադրամ), որը կֆինանսավորի startap- ընկերություններին», - նշել է Մարտիրոսյանը: Ըստ նրա, աշխարհում կան նման մասնավոր վենչուրային կապիտալով ընկերութոյւններ, օրինակ, «Բիզնես-հրեշտակը»: «Մենք դեռ չենք որոշել, թե ինչպես կկոչվի այդ կազմակերպությունը Հայաստանում», - ավելացրել է նախարարը: Նա ընդգծել է, որ ներդրողները, կազմակերպության անդամները, պատրաստ են ֆինանսավորել երիտասարդ սկսնակ ընկերությունների գաղափարները: «Կառույցի նախնական ֆինանսական կապիտալը կկազմի մոտ $ 200 հազար, հետագայում, այդ գումարը կավելանա մինչև մի քանի միլիոն, որից հետո կառույցը կարող է վերակազմավորվել «Բիզնես հրեշտակների» ակումբի կամ անձնական վենչուրային հիմնադրամի» - ասաց Մարտիրոսյանը: Նա նշել է, որ հիմնադրամը բաց կլինի բոլոր ընկերությունների և անհատների համար, ովքեր ցանկանում են օգնել սկսնակներին: Առաջին փուլում ֆինանսավորում կստանա 10 նախագիծ, $ 200 հազար ընդհանուր գումարով: Նախագծերը կներկայացվեն մինչև ապրիլի 13-ը: Շահառուները կընտրվեն  երեք գործոնների հիման վրա`թիմերն ու նրանց գիտելիքները, գաղափարները և  նպատակները:

 

Կազմակերպությունը կներկայացնի ոչ միայն ֆինանսական, այլ նաև վենչուրային օժանդակություն, ինչպես նաև զանազան խորհրդատվություններ հաշվապահական և այլ ոլորտներում, ինչը կօգնի ապահովել և սկսնակների արագ աճ զարգացում: