Հինգշաբթի, 4 Մայիսի 2017 12:51

Արմինֆո. Շտուտգարտում կայացած աշխատանքային խմբի նիստում Ռուսաստանի, Հայաստանի, Վրաստանի և Իրանի փորձագետները քննարկել են այդ երկրների էներգահամակարգերի միացում նախատեսող «Հյուսիս-Հարավ» էներգետիկ միջանցքի նախագծի տեխնիկատնտեսական հիմնավորման մշակման ընթացիկ կարգավիճակը:

 

Աղբյուրի համաձայն, երկրորդ համատեղ նիստի նպատակը նախագծի իրականացման ընթացիկ կարգավիճակի և նախնական հաշվետվության, ուսումնասիրություն կատարելու համար անհրաժեշտ լրացուցիչ տվյալների և այլ տեխնիկական ու կազմակերպչական հարցերի քննարկումն է հանդիսացել: Փորձագտեների աշխատանքային խմբի հաջորդ նիստը նախատեսված է հուլիսին: Մինչև 1200 ՄՎտ ընդհանուր թողունակությամբ «Հյուսիս-Հարավ» էներգետիկ միջանցքի ստեղծման նախագծի շուրջ աշխատանքներն սկսվել են 2015 թ. դեկտեմբերին: 2016 թ. ապրիլին Երևանում չորս պետությունների էներգետիկայի նախարարներն ստորագրել է նախագծի «ճանապարհային քարտեզը», ինչը նախատեսում է ՏՏՀ համատեղ մշակում, ինչպես նաև էլեկտրաէներգետիկայի ոլորտում համագործակցության փոխըմբռնման հուշագիր: Նախագծի տեխնիկատնտեսական հիմնավորման մշակման և նախագծի իրականացման հետագա միջոցառումների վերաբերյալ համաձայնագիր ստորագրվել է 2016 թ. սեպտեմբերի 16-ին Բաթումում /Վրաստան/: Աշխատանքային խմբի առաջին նիստը տեղի է ունեցել 2017 թ. փետրվարին Թբիլիսիում:

 

Ինչպես Արմինֆո-ն ավելի վաղ հաղորդել էր, Հայաստան-Վրաստան ԷՀԳ

կառուցման նախագծի խորհրդատու "Fichtner GmbH & Co. KG" ընկերությունը նախապատարաստել է գլխավոր կապալառուի ընտրության մրցութային փաթեթ: Նախագիծը նախատեսվում է իրագործել երեք փուլով: Առաջին երկու փուլերի ֆինանսավորման աղբյուրներն արդեն հայտնի են: Առաջին երկու փուլերի շրջանակում նախատեսվում է կառուցել 400 կիլովոլտ լարումով ԷՀԳ և հաստատուն հոսանքի երկու ենթակայան Դդմաշենում և Այրումում, ինչը թույլ կտա սկսել աշխատանքը Վրաստանի էլեկտրաէներգետիկ համակարգի հետ` ասինխրոն ռեժիմով: Մինչ այդ անցկացվել է շրջակա  միջավայրի վրա նախագծի ազդեցության և սոցիալական ներգործության գնահատում: Այդ աշխատանքը նախատեսվում է ավարտել մինչև տարեվերջ, ինչից հետո կսկսվեն շինարարական աշխատանքները: Նախագծի շրջանակում նախատեսվում է Հայաստանի և Վրաստանի էլեկտրաէներգետիկ համակարգերի միավորում, ինչը կնպաստի փոխշահավետ տարածաշրջանային համագործակցության զարգացմանը ստեղծվող Իրան-Հայաստան-Վրաստան-Ռուսաստան էներգետիկ միջանցքի շրջանակում: Ծրագրի նախնական արժեքը, FICHTNER ընկերության տվյալներով, կկազմի 326, 9 մլն եվրո, որի 10%  պետք է լինի Վրաստանի ավանդի մի մասը: Նախագիծն իրագործվելու է մի քանի փուլով: Առաջին փուլում նախատեսվում է Այրումում կառուցել փոխարկիչ ենթակայան  և 8 մկ երկարությամբ 500 կիլովոլտանոց օդային գիծ դեպի Վրաստան: Երկրորդ փուլը ներառում է Դդմաշենի մոտ 400 կիլովոլտանոց ենթակայանի կառուցում մեկ տրանսֆորմատորով, ինչպես նաև 400 կիլովոլտանոց օդային գծի անցկացում, ինչը հնարավորություն կընձեռի փոխանակել 350 մեգավատ էլեկտրաէներգիա: Այնուհետև Այրումում կտեղադրվի մոդուլ, իսկ Դդմաշենում` երկրորդ տրանսֆորմատորը` 700մ եգավատ հզորություն ապահովելու նպատակով: Ելնելով շուկայական և տարաշրջանային համագործակցության պահանջներից` եզրափակիչ, երրորդ փուլում կտեղադրվի հաստատուն հոսանքի երկրորդ մոդուլը, ինչը հնարավորություն կընձեռի հզորության ծավալները հասցնել մինչև 1050 մեգավատի: Ծրագրի առաջին երկու փուլերը գնահատվում են 188,2 մլն եվրո: Դրանց ֆինանսավորման աղբյուրնրեն արդեն որոշվել են: Այդ նպատակով 2014-2015 թթ. ստորագրվել է երեք վարկային համաձայնագիր: Մասնավորապես, վարկի տեսքով 168 մլն եվրո հատկացրել է գերմանական KfW բանկը, ևս 10 մլն եվրո վարկ է տրամադրել Եվրոպական ներդրումային բանկը: Ակնկալվում է ևս 10 մլն եվրո դրամաշնորհ Եվրահանձնաժողովից: Ծրագրի առաջին երկու փուլերը նախատեսվում է իրականացնել զուգահեռ ռեժիմով: Աշխատանքներն իրականացվում են սահմանված ժամանակացույցին համապատասխան, որի համաձայն, շինարարական աշխատանքները կսկսվեն 2017 թվականի վերջին և կավարտվեն  մնչև 2019 թվակնի վերջը: