Արմինֆո. ՀՀ ֆինանսների նախարարը ձեռնպահ է մնացել ներդրումների առնչությամբ հստակ թվեր նշելուց, սակայն նշում է այդ ուղղությամբ աշխուժացումը:
«2017 թ. առաջին ամիսների արդյունքների համաձայն տնտեսական ակտիվության 6,6% ցուցանիշի հիման վրա կարելի է փաստել տնտեսությունում աճի մասին, ինչն իր հերթին նշանակում է ներդրումների ոլորտում աշխուժացում»,- կառավարության նիստից հետո հայտարարել է Վարդան Արամյանը:
Միաժամանակ, ֆինանսների նախարարի խոսքով, ներդրումներն ինքնին չեն գալու: Այս համատեքստում նախարարը նշել է իր ապրիլյան այցը Վաշինգտոն, որտեղ հայկական պատվիրակությունը մասնակցել է Արժույթի միջազգային հիմնադրամի և Համաշխարհային բանկի գարնանային նստաշրջանին: Նրա խոսքով, ԱՄՀ-ն և ՀԲ-ն Հայաստանի կարևորագույն գործընկերներն են երկրի տնտեսական օրակարգի ձևավորման հարցում: Ինչպես նշել է Արամյանը,
նման հարթակները կարևոր են հեղինակավոր կառույցների ներկայացուցիչների հետ հանդիպումների, ինչպես նաև երկրի տնտեսական քաղաքականության ներկայացման համար: «Այնպես չի լինելու, որ մենք մեր աշխատասենյակներում նստած որևէ գործողություն անելով՝ արտաքին ներդրողն իմանալու է այդ մասին: Նշանակում է` դու պետք է կոմունիկացվես»,- ասել է նախարարը:
Հիշեցնենք, որ 2017 թ. փետրվարին վարչապետ Կարեն Կարապետյանը հայտարարել էր առաջիկա տարիներին 3.2 մլրդ դոլարի ներդրումների ներգրավման հնարավորության մասին: Դրանցից 830 - 840 միլիոնն սպասավում է այս տարի: Մինչդեռ օտարերկրյա ուղղակի ներդրումները Հայաստանի տնտեսությունում 2016 թվականին նվազել են մինչև $ 90 մլն՝ վերջին 5 տարիներին տարեկան կրճատվելով 40-50%:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
