Հայաստանի սպառողական շուկայում տարեկան գնաճը 2017 թվականի ապրիլին կազմել է 1.2%, իսկ հունվար-ապրիլին`2,4%

Արմինֆո. Հայաստանի սպառողական շուկայում 2017 թվականի հունվար-ապրիլին արձանագրվել 2,4% գնաճ, 2016 թվականի նույն ժամանակահատվածի 0.1% գնաճի համեմատ: Այն պայմանավորված էր պարենային ապրանքների (ներառյալ ոգելից խմիչքը և ծխախոտը) 6.7% թանկացումով, բայց ոչ պարենային ապրանքներն էժանացել են 1.1%, իսկ ծառայությունների սակագները`1.3%: Սպառողական շուկայում տարեկան կտրվածքով արձանագրվել է 0.1% գնաճ (2016-ին` 1.5% գնանկում), նչին նպաստել են պարենային ապրանքների 3.5% թանկացումները, բայց ոչ պարենային ապրանքներն էժանացել են 3.3%, իսկ ծառայությունները`2.5%:

2017-ի ապրիլին, 2016-ի ապրիլի համեմատ, սպառողական գներն աճել են 1,2%, ինչը պայմանավորված է պարենային ապրանքների`5.6% թանկացման, իսկ ոչ պարենային ապրանքներն էժանացել են 2.9%, ծառայությունների սակագները`2.3%: Միայն ապրիլին գնաճը կազմել է 1%, քանի որ թանկացել են պարենային և ոչ պարենային ապրանքները, համապատասխանաբար`1.8% և 0,3%, իսկ ծառայութոյւնների սակագներն աճել են 0.2%: Ինչպես ԱրմԻնֆո-ին հայտնել են ՀՀ Ազգային վիճակագրական ծառայությունից, Երևանում սպառողական գներն ապրիլին աճել են 1.1%, նախորդ տարվա 0.2% անկման փոխարեն:

Ըստ վիճակագրության, ապրիլի գնաճը պարենային շուկայում հիմնականում պայմանավորված է մրգերի, բանջարեղենի և ձկնամթերքի 3,4-8% թանկացումով, ընդ որում, միայն մայրաքաղաքում`4,1-8,3%: Տարեկան կտրվածքով բանջարեղենի գներն աճել է 28%, մրգերի գները`22,2%, իսկ ձկնամթերքինը`23.6%, իսկ միայն ապրիլին, համապատասխանաբար`8%, 3.4% և 6.3%: Երևանում մրգերն ապրիլին թանկացել են 4.1%, բանջարեղենը`8.3%, ձկնամթերքը`5.7%:

Մսամթերք տարեկան կտրվածքով թանկացել է 0,9%, իսկ միայն ապրիլին`1.2%, ընսդ որում, նույն աճ է արձանագրվել նաև մայրաքաղաքում:

Շաքարավազը տարեկան կտրվածքով թանկացել է 15.6%,իսկ միայն ապրիլին`0.5%, նույն աճ է արձանագրվել նաև մայրաքաղաքում:

Բուսական և հալեցրած յուղերն ապրիլին տարեկան կտրվածքով թանկացել են 2,2%, իսկ միայն ապրիլին`0,3%:

Ալկոհոլը և ծխախոտ ապրիլին թանկացել են 0,7%, ընդ որում, ծխախոտի որոշ տեսակներ թանկացել են 1,8%: Սուրճը, թեյը, կակաոն ապրիլին թանկացել են 0,4%, ոչ ալկոհոլային խմիչքները`0.3%, իսկ ալյուրից պատրաստված ապրանքների գները մնացել են անփոփոխ:

Ոչ պարենային ապրանքների շուկայում հագուստը և կոշկեղենը 2017 թվականի ապրիլին 2016-ի ապրիլի համեմատ էժանացել են 4,6%, իսկ միայն ապրիլին թանկացել են1.5%: 2017 թվականի հունվար-ապրիլին հագուստը և կոշկեղենն էժանացել են 4,3%, իսկ տարեկան էժանացումը կազմել է 2,6%: Բենզինը և դիզելային վառելիքն ապրիլին համապատասխանաբար թանկացել են 2.3% և 0.6%, իսկ 2016-ի ապրիլի համեմատ բենզինը թանկացել է 1,7%, իսկ դիզելային վառելիքը`4.2%: 2017-ի հունվար-ապրիլին բենզինի և դիզելային վառելիքի գները համապատասխանաբար աճել են 10.8% և 13.8%: Միայն մայրաքաղաքում ոչ պարենային ապրանքների գներն ապրիլին աճել են 0.8%:

Ծառայությունների սակագների ապրիլյան աճը հիմնականում պայմանավորված էր սակագների 1,1% աճով տրանսպորտի ոլորտում (պայմանավորված ավիատոմսերի գների 6,6% աճով), ինչպես նաև հյուրանոցային ծառայությունների 1,1% և բժշկական ծառայությունների`0,3% թանկացումներով: Դրան զուգահեռ, ապրիլին 0,9% էժանացել են մշակութային և հանգստի ծառայությունները, իսկ բնակարանային և կոմունալ ծառայությունները`0.1%, բայց գները կապի և կրթության ոլորտներում մնացել են անփոփոխ: Մայրաքաղաքում ծառայությունների սակագներն ապրիլին աճել են 0,1%:-