Հայաստանի սպասարկման ոլորտում, ինչպես և մեկ տարի առաջ, առաջին եռամսյակում արձանագրվել է տարեկան ծավալների 10% աճ

Արմինֆո. Հայաստանի սպասարկման ոլորտում, ինչպես և մեկ տարի առաջ, առաջին եռամսյակում արձանագրվել է տարեկան ծավալների 10% աճ, մինչև 301.9 մլրդ. դրամ ($ 621.5 մլն): Ըստ ՀՀ Ազգային վիճակագրական ծառայության տվյալների, միայն 2017-ի մարտին մատուցված ծառայությունների ծավալը կազմել է 107.6 մլրդ.դրամ (ավելի քան 222.1 մլն.դոլար), ամսական աճը`9.8%, իսկ տարեկան կտրվածքով աճը`8.4%:

Ըստ վիճակագրական տվյալների, 2017 թվականի առաջին եռամսյակում, 2016-ի առաջին եռամասյակի համեմատ, զբոսաշրջիկների  կացարանների կազմակերպման և հանրային սննդի ոլորտում աճը կազմել է 19.6%, կրթության ոլորտում արձանագրվել է 2.1% անկում, վարչական և օժանդակ գործունեության ոլորտում` 3.4% աճ, արհեստավարժ գիտական և տեխնիկական գործունեության ոլորտում`3.6% աճ, տեղեկատվության և կապի ոլորտում աճը կազմել է 5.3%, ֆինանսական և ապահովագրության ոլորտում` 17.3% աճ, այլ ծառայությունների ոլորտում` 8.2% աճ: Միևնույն ժամանակ, անշարժ գույքով գործարքների ծավալներում արձանագրվել է 3.6% աճ, մշակույթի, ժամանցի և հանգստի ոլորտում` 10.7%, իսկ տրանսպորտի ոլորտում` 9.3% աճ:

Ըստ վիճակագրության, մատուցված ծառայությունների ծավալներով առաջատարն է ֆինանսական հատվածը – 57.4 մլրդ դրամ (ընդհանուր ծավալների 22.6%-ը), ընդ որում, այստեղ առյուծի բաժինը կազմում են բանկերը (69%): Երկրորդ տեղում է մշակույթի, ժամանցի և հանգստի ոլորտը – 60.5 մլրդ դրամ (ընդհանուրի 20%-ը): Երրորդ տեղում է տեղեկատվության և կապի ոլորտը`52.7 մլրդ դրամ (17.5%), որտեղ  հիմնական բեռը բաժին է ընկնում հեռահաղորդակցության հատվածին, իսկ չորրորդ տեղում է տրանսպորտի ոլորտը`38.8 մլրդ դրամ (12.8%): Առաջատարների հնագյակը եզրափակում է տուրիզմի և հանրային սննդի ոլորտը`16.5 մլրդ դրամ (5.5%):

ՀՀ դրամի միջին հաշվարկային փոխարժեքը 2017 թվականի մարտին կազմել է 484.83 դրամ/$ 1, իսկ առաջին եռամասյակում` 486.33 դրամ/$ 1: