Արմինֆո. 2017 թվականի առաջին եռամսյակում Հայաստանն արձանագրել է հարկման աննախադեպ մակարդակ - 255 մլրդ դրամ, նախատեսված` 242 մլրդ.դրամի փոխարեն, ինչի արդյունքում «ստվերի» ծավալը կրճատֆվել է` 48,8% -ից մինչև 33,2%, մայիսի 11-ին լրագրողներին հայտնել է ՀՀ կառավարությանն առընթեր պետական եկամուտների կոմիտեի (ՊԵԿ ) ղեկավար Վարդան Հարությունյանը, ամփոփելով գերատեսչության վերջին 7 ամիսների գործունեության արդյունքները:
Ըստ նրա, վերջին 7 ամիսներին նախաձեռնվել են բիզնես-հանրությանն ուղղված բարեփոխումներ, որոնց մի մասն արդեն իրականացվել է: Այդ ընթացքում արձանագրվել է հարկային մուտքերի հետևողական աչ: 2015 թվականի հոկտեմբերից մինչև 2017-ի ապրիլը Կոմիտեն ապահովել է 653.8 մլրդ.դրամի հարկային մուտքեր: Աճը նախորդ տարվա նույն ժամանակահատվածի համեմատ կազմել է 46.1 մլրդ դրամ, կամ 7.6%: Դրանցից 500.3 մլրդ դրամն ապահովել են հարկային մարմինները, իսկ 153,5 մլրդ.դրամը`Մաքսային մարմինները: Հարկային մուտքերի աճը կազմել է 43.1 մլրդ դրամ կամ 9.4%, իսկ մաքսային մուտքերի աճը`3 մլրդ դրամ կամ 1.9.%: «Այս տարվա ապրիլին հարկային մարմինները Հայաստանի պատմության ընթացքում ապահովել են հարկման աննախադեպ ցուցանիշներ - 107 357 000 դրամ, նախատեսված` 100 մլրդ դրամի փոխարեն» - ասել է Հարությունյանը:
Միևնույն ժամանակ, նա նշել է, որ երկուսուկես անգամ նվազել է հարկային ստուգումների թիվը: Հաշվետու ժամանակաշրջանում կատարվել է 3588 վերահսկիչ միջոցառում, նախորդ տարվա նույն ժամանակահատվածի` 9090-ի փոխարեն է: Կես տարում կատարվել է 679 ստուգում և արձանագրվել է 12 մլրդ.դրամի լրացուցիչ գումար: Նախորդ տարվա նույն ժամանակահատվածում իրականացվել էր 855 ստուգում, իսկ լրացուցիչ վճարների գումարը կազմել էր`7,5 մլրդ դրամ» ,- հայտարարել է Հարությունյանը:
Հարկային եկամուտների աճը, ըստ ՊԵԿ ղեկավարի, հաջողվել է ստվերային տնտեսության զգալի կրճատման հաշվին: 2016-ի վերջին ստվերային հատվածը խոշոր հարկատուների շրջանում գնահատվում էր 48,8%: Այժմ «ստվերը» նվազել է, մասնավորապես, մարտին այն կազմել է 33.2%: Նրա խոսքով, ինքը հետևողական կլինի ստվերային շրջանառության նվազեցման հարցում: Բայց Հարությունյանը ձեռնպահ է մնացել «ստվերի» դեմ պայքարի արդյունքների կանխատեսման հարցում: «Ես կարծում եմ, որ մեզ չի հաջողվի զրոյական ցուցանիշ արձանագրել ստվերային տնտեսության ծավալներում: Նման բան աշխարհում ոչ մի տեղ չկա: Պետք չէ կտրուկ կրճատումներ ակնկալել ապագայում», - ասել է նա:
Ըստ ՀՀ պետբյուջեի, տնտեսական աճը 2017-ին նախատեսվում է 3,2%, ՀՆԱ-ի անվանական աճը`5%, ինդեքս-դեֆլյատորը`1.7% (2016-ին `2,4%), դեֆիցիտը`150.1 մլրդ դրամ: ՀՀ պետբյուջեի եկամտային մասը կավելանա մինչև 1 տրլն. 210 մլրդ դրամ, ծախսերը` մինչև 1 տրլն. 360 մլրդ. Դրամ, եկամուտներ / ՀՆԱ հարաբերակցությունը կկազմի 22,4% (2016-ին ` 21,8%): Հայաստանի պետբյուջեի հարկային մուտքերը 2017-ին նախատեսվում է 1 տրլն. 135 մլրդ դրամ կամ ՀՆԱ-ի 21%-ը, տարեկան աճը` 0.3% (2016-ին`1 տրլն.129 մլրդ.դրամ) և կկազմի բյուջեի ընդհանուր եկամուտների 93.8%-ը: Եկամտահարկի մուտքերըտ կկազմեն 347.2 մլրդ դրամ, շահութահարկի մուտքերը` 134.2 մլրդ.դրամ, ակցիզային հարկի մուտքերը` 63,6 մլրդ դրամ, մաքսատուրքերը`53.6 մլրդ, բնապահպանական վճարները` 32.7 մլրդ.դրամ, լիցենզային վճարները և շրջանառության հարկի վճարները կկազմեն 24.3 մլրդ.դրամ, հաստատագրված վճարները`3.3 մլրդ.դրամ: Սոցիալական նպատակային նպաստները (կենսաթոշակային խնայողությունները) կկազմեն 14.3 մլրդ դրամ: