Արմինֆո. ՀՀ փոխվարչապետ, տնտեսական զարգացման և բարեփոխումների նախարար Վաչե Գաբրիելյանը, նրա խորհրդական Ռաֆայել Ավետիսյանը և ՀՀ Կենտրոնական բանկի նախագահ Արթուր Ջավադյանը մասնակցել են Վերակառուցման և զարգացման եվրոպական բանկի (ՎԶԵԲ) տարեկան ժողովին, որը տեղի է ունեցել մայիսի 9-11-ը, Կիպրոսում: ՀՀ կենտրոնական բանկի նախագահ Արթուր Ջավադյանը նաև Նիկոսիա էր մեկնել նաև մասնակցելու գործարար համաժողովին:
Ինչպես ԱրմԻնֆո գործակալությանը տեղեկացվել է կառավարության մամուլի ծառայությունից, միջոցառման ընթացքում քննարվկել են տնտեսությանը և ֆինանսներին վերաբերվող հարցեր: Տեղի է ունեցել նաև գերակա ոլորտների ռազմավարական ծրագրերի ճշգրտում:
Սակայն, ըստ ՌԻԱ «Նովոստի» - ի, նիստի ընթացքում Հայաստանը, Բելառուսի, Ղրղզստանի և Մոնղոլիայի հետ միասին, աջակցություն է ցուցաբերել Ռուսաստանի Դաշնությանը: «Շատ կարևոր է, որ բազմաթիվ երկրներ ձեռնպահ մնացին քվեարկությունից: Ադրբեջանը և Ուզբեկստանը հրապարակայնորեն ձեռնպահ մնացին: Բելառուսը, Ղրղզստանը, Հայաստանը, Մոնղոլիան աջակցեցին Ռուսաստանի դիրքորոշմանը», - նշել է ՌԻԱ «Նովոստի»-ի աղբյուրը: 2014 թվականին ՎԶԵԲ-ի բաժնետերերը հայտարարել էին Ռուսաստանում նոր նախագծերի ներդրումները «սառեցնելու» մասին, կապված աշխարհաքաղաքական իրավիճակի բարդացման, ինչպես նաև ԱՄՆ-ի և Եվրոպայի կողմից կիրառված պատժամիջոցների հետ: Մայիսի 10-ին Ռուսաստանը ՎԶԵԲ Կառավարիչների խորհրդի նիստում բարձրացրեց ֆինանսավորումից հրաժարվելու անօրինական լինելու հարցը, բայց ՎԶԵԲ անդամների մեծամասնությունը քվեարկեց բանկի որոշման լեգիտիմության օգտին:
Հիշեցնենք, որ ՎԶԵԲ-ը հանդիսանում է Հայաստանի ինստիտուցիոնալ ներդրողը: Իր գործունեության մեկնարկից ի վեր, մասնավորապես, 1992-ից մինչ օրս, ՎԶԵԲ-ը Հայաստանում 157 ծրագրերի իրականացմանը ներդրել են ավելի քան 1.13 մլրդ. եվրո, ծրագրերն իրականացնելով ֆինանսական, կորպորատիվ, ենթակառուցվածքների և էներգետիկայի ոլորտներում: Ընդ որում, ներդրումների ավելի քան 88% -ն ուղղվել է մասնավոր հատվածին:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |